قمر اليل

ايوا شوفته والله شوفته ابن عمى وقال ايه كبير العيلة شوفته وهو …..
ثم تأخذ نفس عميق وتحاول أن تتماسك وقلبها ينبض بقوة من شدة الخوف …
لتكمل حديثها ابن عمى ليل وهو كبير العيلة ..
ليل بصوت صارم : قولى يا ست قمر شوفتى ايه
قمر بخوف اكبر تستجمع شجاعتها وتقول : شوفته وهو داخل حجرة
سماح بنت الشغاله …
ومش بعيد تكون حامل منه هو …
ساد الصمت بين الجميع فما قالته
قمر الان لا يستطيع أحد أن ينطق بحرف واحد منه ..حتى جميع رجال العائلة نكسوا وجوههم للأرض ..بقلم منال عباس

الفصل الاول

قمر الليل بقلم منال عباس

انا قمر عندى 20 سنه اتربيت فى بيت العيلة الكبير واللى بنسميه فى البلد الدوار ..بيت كبير اوووى كل اعمامى عايشين فيه …
ليل ابن عمى عنده 28
سنه وهو دلوقتي كبير العيلة بالرغم من سنه الصغير بس جدى الله يرحمه الحاج ناجى هو اللى عينه يكون كبير العيلة قبل ما يموت …ومحدش يقدر يكسر كلمة جدى …وياريت بس كدا
دا كمان حكم عليا انى اتجوزه …وانا لسه ما خلصتش جامعه ….
انا عارفه انى اللى هقوله هيفجر قنبلة فى العيلة ..ويمكن فى البلد كلها ..كان عندى امتحان فى الجامعه ما انا فى سنه تانيه فى كليه الحقوق والمادة تقيلة شويه وخصوصا أن الدكتور بتاعها رخم وصعب اوووى ..والمشكلة أن دكتور المادة دى يبقي ليل ابن عمى كنت خايفه أشيل المادة لانه حذرنى لو شيلتها هيعلقنى قدام الدوار . ودا كلمته زى السيف محدش بيكسرها فضلت اذاكر لحد الفجر ..لما ريقي نشف من كتر ما بسمع اللى حفظته ..خوفت انام وتروح عليا نومه
قولت انزل اجيب مياه من تحت وبالمرة اعملى فنجان قهوة يصحصحنى …ونزلت وسمعت اللى عمرى ما كنت اتخيله
بقلم منال عباس
فلاش باااك
يالهوى انا لو نمت يمكن انسي اللى حفظته وليل يعلقنى هروح اعمل قهوة نزلت ومشيت على أطراف صوابعى علشان محدش يصحى
اوضه الشغاله جنب المطبخ
دخلت ادور على البن ما عرفتش مكانه
قولت اروح اسألها وكنت والله مضايقه انى هصحيهم فى وقت زى دا
سمعت بنت الخدامه بتقول
سماح : والنبي يا بيه سيبنى فى حالى وفى المصيبه الكبيرة اللى انا فيها
انا حامل ..وحرام كل يوم احط لامى المنوم ..علشان ما تشوفنيش..
خبطت ايدى على قلبي بقي البت سماح دى يطلع منها كدا …ويا ترى مين اللى بتكلمه دا ولسه هفتح الباب عليهم لحد ما سمعت صوت جبل من جوا اوضتها ..
جبل : العيل دا لازم ينزل وحسك عينك حد يعرف ..هتبقي نهايتك على ايديا …
مش عارفه ليه قلبي انقبض
معقول دا ليل ..اللى اسمه بيهز جبال معقول دا ابن عمى وكمان كبير العيلة معقول دا اللى هتجوزه اول ما اخلص امتحانات …طلعت بسرعة على اوضتى ..ودموعى على خدى ..مش عارفه ليه ..يمكن علشان صدمتى فيه أنه يطلع دون بالشكل دا .. ما قدرتش اذاكر كلمه زياده كنت فى صدمه مش عارفه افوق منها .. ما اعرفش عدى عليا كام ساعة وانا فى الحالة دى …
لحد ما لقيت الباب بيخبط ودخلت عليا ماما كريمة وفى أيدها كوباية اللبن والساندوتشات
كريمه : صباح الخير يا قمر ..كويس انك صاحيه يلا اشربي اللبن وإفطرى بسرعة ما تعوقيش انتى عارفه جبل خلقه ضيق ..أجهزى بسرعة وانزلى
رديت بصوت مبحوح من العياط : مش عايزة اروح معاه ..
كريمه باستغراب : ليه يا بنتى
هو كتر خيره بينتظرك كل يوم وياخدك فى طريقه …ثم انتى عارفه جبل مش هيرضى يخليكى تروحى مع السواق لوحدك ..
قمر : قولت مش هروح معاه يعنى مش هروح …ولسه هحكى اللى حصل لماما لقيت جبل بيفتح الباب حتى من غير استئذان ..
جبل وعيونه كلها شر بص عليا وكأنه عرف انى سمعت اللى حصل وبصوت
عالى وهو بيبص فى ساعته بقلم منال عباس
جبل : ربع ساعة بالدقيقة الاقيك قدامى تحت وخرج ورزع الباب وراه
بقيت اشتم فيه
وماما تقولى : بقولك ايه احنا مش عايزين مشاكل مع جبل احنا يكفى عايشين فى خيره من بعد موت ابوكى واحنا مش ناقصنا حاجه ..أجهزى بسرعة وسابتنى ونزلت ..
كنت عايزه اصرخ بكل ما فيا ..ازاى واحد زى دا وبالاخلاق دى يتحكم فيا ..
مش كفاية أنه دخلنى حقوق علشان اكون تحت عينه …
ماكنش فى وقت وكمان مش عايزة اضيع تعبي فى المذاكرة اخدت شاور وصليت الصبح ودعيت ربنا ينجحنى ويقوينى على جبل ..قلعت الاسدال و
لبست بسرعة شميز ابيض وبنطالون جينز وحطيت ميكب اب خفيف وروج وردى ولبست طرحة وردى وكوتشى
واخدت ادواتى ونزلت كان منتظرنى فى العربيه ..ووشه ما يبشرش بالخير ..
فتحت الباب وركبت جنبه قدام وانا مش طايقه ابص فى خلقته
كنت موطيه وشى فى المذكرة اللى اسمه مكتوب عليها بالخط العريض دكتور جبل الناجى ..
قولت فى نفسى ..بقي دا يعرف ايه عن الحقوق ..وقال بيحكم على الناس فى كل مشكله تحصل فى البلد …فضلت سرحانه لحد ما قطع تفكيرى اللى حصل لقيته وقف العربيه فجأة على جنب الطريق وبصلى بصه رعبتنى ولقيته فجأة طلع منديل من جيبه وقرب منى اووووى وحطه على بوقى ..
قولت خلاص هو هيموتنى علشان عرفت سره …ولسه هصوت باعلى صوت لقيته بيمسح الروج من على شفايفى ..ويزعق ويقول
جبل : ميت مرة قولت الزفت دا ما يتحطش وانتى خارجة
كنت متلبشه مش عارفه انطق ..
بصلى باستغراب وكمل كلامه