قمر اليل

جبل : كنتى عايزة تروحى لوحدك علشان تمشي بالمسخرة دى وطلع منديل تانى وبقى يمسح وشى كله …جسمى اتنفض من قربه الشديد ..مش عارفه دا خوف ولا …. وخصوصا أن قلبي كان هيقف من كتر ما بيدق …عينه كانت على شفايفي بطريقه غريبه شوفت تفاحة آدم عنده وهى بتتحرك ..زقيت أيده ..وانا مش عارفه اتكلم ..
كل اللى قولته كلام مش ماشي مع بعضه …
لقيته ابتسم وهو بيبص عليا فى المرايا
جبل : طب أهدى علشان الامتحان وساق العربيه لحد ما وصلنا الجامعه …
اول ما وصلت البوابه فتحت باب العربيه وجريت بسرعة دخلت ما انتظرتش جبل ..كنت حاسه انى فى هموت لو فضلت معاه …
قابلت جنة صاحبتى
جنه بضحك : طبعا جايه مطمنه ما هو الدكتور معاكى وزمانك ضامنه المادة ..
قمر : يا اختى اتنيلى دا انا مرعوبه النهارده اكتر من أى مادة
جنه : معقول يا قمر ..المفروض انكم هتنجوزوا بعد الامتحانات لازم تاخدى عليه وياخد عليكى ..اومال هتعيشوا ازاى ..
قمر بقلق فى نفسها : انا لازم اواجهه أمام العيلة كلها ..والجوازة دى لا يمكن تتم …بقلم منال عباس
وقبل ما تنطق بكلمه ل جنة ..
رن الموبايل بتاعها بصوت رسالة
فتحت الواتس اب
وكان جبل
اطلعى على لجنتك ما تقفيش كدا وتبقي فرجة للى رايح واللى جاى ..
ردت بغيظ : حاضر
فعلا فاضل دقائق على الامتحان وما ينفعش تتأخر …اخدت جنه وطلعت كل واحدة على لجنتها …..
بعد مرور ثلاث ساعات وهو زمن الامتحان
خرجت قمر وهى سعيدة فجميع الاسئلة كلها اجابتها بدقه فكل سؤال كانت تتذكر جبل وشرحه وكأنها تروى كل ما شرحه فى محاضراته بنفس أسلوبه …بقلم منال عباس
معظم الطلبه كانوا خارجين مضايقين من الامتحان ..الا قمر كانت خارجه وفرحانه
قرب منها جاسر وهو طالب فى نفس الفرقه وابن عائلة السيوفى من كبار الشخصيات
جاسر : ويا ترى الست قمر فرحانه ليه وكلنا بنشتكى من الامتحان
واقترب من أذنها واضح أن قمر ليها علاقه بالدكتور جبل
قمر بدون وعى رفعت يدها وصفعته صفعة قوية
جاسر : اه يا بنت ال …واقترب ليرد لها الصفعة ليجد يد من حديد تمسك به ……يتبع