محلل عاشق

يعني ايه مش هتطلق انا اتجوزتك محلل عايزه ارجع لجوزي بحبو ايه معندكش دم

كان بيسمعها وهو بيتصفح على التليفون بلامبالاه ولاكأنها بتتكلم وقال ببرود…انا شايف تقعدي وتهدي ليطقلك عرق لأن في جميع الاحوال مش هطلق انا قولت شروطي.

قالت بزعيق وغضب….شروط ايه ما احنا دفعنالك الللي عايزه انت بني ادم طماع وبجح

وقف وقرب منها وقال بسخريه….لا مدفعتوش اللي عايزه انا عاوز ٥ كمان

كتفت اديها بغيظ وقالت….٥ الاف ..طب ما كنت تقول قبل ما تخطفني طاهر بيحبني وجاهز يدفع اي حاجه علشاني

ضحك جامد وبقى يولع سيجاره وقال بهدوء…معلش اصل الجمله دي تضحك قوي..هو لو كان بيحبك كنتي هتطلقي تلت مرات وتحتاجيني اصلا..وبعدين انا مقولتش خمس الاف …انا قولت خمسه…وضيفي جمبها ٦ اصفار مش تلاته

اتسعت عنيها بزهول رهيب وقالت..ايه..كام ٥ مليون..لا ده انت شارب حاجه اكيد

قرب منها قوي وشدها من وسطها عليه وقال..شارب من خمر عيونك مفيش كحول اقوي من كده

دفعتو بغضب شديد وقالت …خليك بعيد عني يا وسخ انت فاهم…واتكلم زي الخلق ..احنا دفعنالك ٥٠٠ الف وكتير جدا كمان ..تقولي ٥ مليون نجبهم منين اصلا

قال ..والله الباشا جوزك لو عايزك هيدفعهم اصلا اللي على قلبو مش شويه واهو بعد كده يبقى يربط لسانو ويبطلل يطلقك عمال على بطال دي خدمه ليكي يا جنجون

قالت بغضب..جنى هانم بالنسبالك يا نكره…متنساش انك حتت سواق لا روحت ولا جيت

قال بغضب…اهي طولة لسانك دي اللي بتخليني ازعل منك يا جينو..وانا زعلي وحش انتي متعرفهوش

جنى بلعت ريقها بتوتر وخافت من طريقتو وقالت..احم..طيب طيب اخلص قول اخر كلام علشان اكلم طاهر يامنلك الفلوس

قال بسخريه….انا قولت اللي عندي ومش هنقص جنيه
وبصلها بوقاحه وقال…وبعدين المبلغ بسيط اوي مقابل فرسه زيك

جنى بصتلو بغضب وقالت بتحذير..لاخر مره هقولك لم نفسك..وسخ صحيح
اخلص هات تليفونك اكلم طاهر وهو هيجبلك الفلوس

طلع تليفون وقال…ولو اني مش واثق ان الجلده ده هيدفع حاجه بس خليك ورا الكداب
وادالها التليفون

جنى اتصلت بطاهر واول ما فتح قالت بسرعه…طاهر انا جنى
وسمعتو شويه وقالت..اهدى متخافش…انا مع الزفت اللي اسمو ياسين

ياسين بصلها بطرف عينه وهيه قالت بسرعه..قصدي مع ياسين السواق نفسو اللي كتب عليا
وسمعتو وقالت بغضب….هكون روحت معاه اقضي شهر العسل يعني..البيه خاطفني ..بيقول الفلوس قليله وعايز ٥ مليون كمان

وعقدت حواجبها باستغراب لما مسمعتش اي صوت وقالت ..الو…الو …طاهر انت فين..الووو

الثاني ..بدون لينكات
البيه خاطفني ..بيقول الفلوس قليله وعايز ٥ مليون كمان
وعقدت حواجبها باستغراب لما مسمعتش اي صوت وقالت ..الو…الو …طاهر انت فين..الووو

جنى بقت تبص للتليفون باستغراب وقالت…. هو مفيش صوت ليه …تقريبا الخط قطع

هنا ياسين انفجر من الضحك وبقى يضحك عليها جامد وهي ما فهمتش بيضحك ليه وقالت بضيق…. ممكن تضحكني معاك الا اذا كنت اتجننت يعني وبتضحك من غير سبب فدي ظروف خاصه

ياسين حاول يبطل ضحك وقال… انتي فاكره ان الخط قطع والله بتصعبي علي ساعات

جنى قالت بتوتر ..انت قصدك ايه

ياسين قرب منها وقال بهمس عند ودنها …قصدي ان الباشا هو اللي قفل السكه …الظاهر كده شايف انك ما تستاهليش المبلغ ده

جنى اتسعت عنيها بزهول وهي بتفكر في كلامه بس هزت راسها برفض و قالت بسرعه …لا لا لا طبعا طاهر بيحبني ومستحيل يعمل كده ….اكيد الخط قطع انا هكلمه تاني

وبقت تتصل تاني بس تليفونه اتقفل
قالت بخوف…. دي اكيد شبكه هحاول تاني
وبقيت تحاول اكتر من مره وايديها بترتعش بس برضو مقفول قعدت بيأس على الكرسي وهيه مش مصدقه اللي بيحصل ابدا

ياسين اتنهد وقرب منها وقال ….ما تزعليش نفسك يمكن فعلا تكون شبكه..او التليفون فصل شحن مثلا

جنى رفعت عيونها ليه بدموع وهيه ساكته ومصدومه جدا

صعبت عليه جدا لما شاف حالتها وقعد جنبها وقال ….ما تزعليش نفسك قوي كده ….وبعدين متفاجئه من ايه انا قلت لك انه جلده ومش هيدفع حاجه

جنى حاولت تتماسك و مسحت دموعها وقالت بحزن… تمام …ادينا احنا الاتنين اتاكدنا انه مش هيدفع حاجه ممكن تروحني عند بابا بقى لان انا خلاص لا بقيت طايقاه ولا طايقاك ولا طايقه نفسي

ياسين اتجاهل كلامها وراح ناحيه الدولاب وبقى يطلع ليه هدوم وطلع تيشرت من بتوعه وقال…. البسي ده صغير عليا شويه هو هيبقى برضو كبير عليكي بس يادي الغرض بدل ما تنامي باللبس ده

جنى بصيت له بغضب من تجاهله ليها ووقفت وقالت بعصبيه ….انا مش بكلمك…. عايزه اطلق وارجع عند بابا ما تخلينيش اطلع جناني عليك

ياسين حطلها التيشرت على السرير و قال….. انا هدخل استحمى اطلع الاقيكي غيرتي عشان ننام في ام الليله اللي مش راضيه تعدي دي

جنة ضربت رجلها في الارض بعصبيه وقالت… انا بقول لك عايز اروح لبابا…انت ميتني ايه مش شوفت بعينك مش عايز يدفع حاجه هفضل هنا لامتى بلاش غباء بقى ما تزهقنيش

ياسبن حاول يكتم غيظه ويتجاهل كلامها ولسه هيروح على الحمام قالت بزعيق وغضب شديد…. بقول لك روحني انا مستحيل ابات هنا لو هموت نفسي مش هقعد مع واحد وسخ وزباله و وحيوان زيك

ياسين ضم ايده بغضب و التفت لها وهو بيقرب منها بطريقه تخوف وقال… وسخ ….زباله…و حيوان كمان

كان بيقرب منها بطربقه مريبه وجنى خافت جدا ولسه هتجري بس مسكها بسرعه ولوا دراعها ورا ضهرها وهو محاوطها بايديه وقال…. انتي لحد دلوقتي مشوفتيش حاجه من الوساخه…. فما تخلينيش اتهور واريكي شغل الحيوانات اللي على اصوله

جنى بقت تحاول تحرر نفسها من بين ايديه وبتضربه في صدره علشان يسيبها بس مش قادره
وهو كان بيتامل كل تفاصيلها ومش مهتم لضرباتها وكل اللي بيدور في دماغه جمالها وحلاوه قربها المهلك لاعصابه اتنهد وقال بوقاحه…. ياصبر ايوب…ده عود ….ولا استك مشدود

ولسه هيقرب من شفايفها دفعته بسرعه وبعدت بخوف وقالت ….انت عايز ايه ..خليك عندك

ياسين اخد باله اللي بيعمله وحمحم وقال بغضب مصطنع …احم…عايزك تلمي نفسك ..وتركزي كده و تحفظي ربايتك مفهوم

جنه قالت بغضب شديد ..مش لما تحفظ انت ربايتك الاول

ياسين اتنهد وقال ….لا ما ينفعش للاسف…. لاني ما تربيتش اصلا
وراح الحمام وهو بيضحك على شكلها وهيه هتفرقع من الغيظ

جنى بقت تزعق بغيظ وقالت….. والله فعلا ولا عمرك شوفت ربايه
و قعدت على السرير بياس وهيه مش عارفه تعمل ايه في الورطه دي
و استغلت الوقت اللي دخل فيه الحمام و بقت ترن تاني على طاهر على امل تكون الشبكه سقطت او التليفون فصل ويرد عليها

بعد شويه خرج ياسين وهو بينشف شعره لقاها قاعده مكانها وماسكه التليفون ابتسم بسخريه وقال…. ايه لسه فاكره انه ممكن يرد عليكي معلش اصبري عليه يومين على بال ما يفوق من صدمه المبلغ بس

جنى نفخت بغيظ شديد وقالت ….انا عايزه افهم بس هتروحني امتى
بقلم …زهرة الربيع
ياسين بصاها بطرف عينه وهو بيسرح شعره وقال…. عجباني الثقه اللي عندك ..يعني متخيله اني هروحك وبتسالي امتى كمان

جنى وقفت وقربت منه بغضب وقالت… يعني ايه.. هقعد معاك هنا بمناسبه ايه ان شاء الله

ياسين التفت لها وقرب منها قوي وقال…. بمناسبه اننا اتجوزنا انتي اكيد نسيتي بس لو تهدي معايا كده هفكرك بطريقه ما تنسيهاش ابدا

جنى لسه هتتكلم شهقت بزهول لما شدها من وسطها عليه بقوه وقال….مغيرتيش هدومك ليه …تحبي اساعدك
وحط ايده عليها
بس بعدت بسرعه وقالت بقلق…انت…انت عايز ايه يا جدع انت …رجعني لبابا وهناك نتفاهم على كل حاجه واللي انت عايزها هتاخده

ياسين راح مدد على السرير وقال بمنتهى البرود…طيب نبقى نشوف الموضوع ده الصبح… ممكن يكون حبيب القلب وقتها فاق من الغيبوبه ورد مثلا ..يلا تعالي نامي

جنى بصت له بدهشه وقالت…..انام فين ..انت مستوعب اللي انت بتقوله ازاي هنام معاك هنا في اوضه واحده

ياسين ضحك جامد وقال…. يا بت انتي بقيتي مراتي اكتبها والزقهالك على دماغي علشان تفكرك كل شويه

جنى كتفت ايديها بغضب وقالت…. بطل كلمة مراتي دي انا اتجوزتك محلل مش اكتر عشان اعرف ارجع لجوزي بلاش تصدق نفسك لان لولا اللي حصل معانا ده انا ما استنضفش تلمع جزمتي مش تتجوزني انت حتتة اجير لمهمه محدده وبس

ياسين قال بغيظ…طالما بتعرفي تطولي لسانك وتقلي ادبك ..ماديتيش الاجير ده فلوسه ليه يا بنت البشوات وخلصتي منه

جنى قالت بغضب…. احنا ادينا لك حقك انت اللي طماع وعايز اكتر علشان رخيص

ياسين وقف وقرب منها وقال….تمام…اسمعي بقى لازم تعرف انك مش هتتحركي من هنا الا لو الفلوس اللي انا طالبها وصلتني
و مشى ايده عليها وقال بوقاحه..وعدي ليلتك علشان حايش نفسي عنك بالعافيه…نفسي قوي افرجك الرخص بيبقى ازاي

جنى زقته بسرعه وقالت بتوتر…. انت سافل والله ما شفت بربع جنيه ربايه

ياسين ابتسم بسخريه وقال… هو انتو حتى الربايه بتشتروها يا ولاد الاكابر

جنى نفخت بزهق وغيظ من كلامه وراحت نامت على السرير بغضب
بس اتفاجئت لما قرب ونام جنبها على السرير قعدت بزهول وقالت….انت هتنام هنا ليه …اتفضل روح نام على الكنبه اللي هناك

ياسين قال بدهشه …انام على الكنبه عشان ضهري يوجعني يرضيكي ضهري يوجعني

قالت باستغراب من بروده…. اه يرضيني وانت من بقيه اهلي ان شاء الله يتكسر ضهرك حتى

ياسين اتنهد وقال… ربنا يسامحك..هاقول لك ايه يعني

ونام تاني بمنتهى الاستفزاز

جنى قالت بغضب… انت يا استاذ انا مش بكلمك روح نام على الكنبه بقولك… انا مش هقدر انام عليها خلي عندك شويه رجوله عيب كده

ياسين شدها لحضنه وقال قدام شفايفها… انا عندي رجوله تكفينا للصبح لو تحبي اوريها لك هتعجبك

بقت تحاول تبعد من بين اديه وهيه خايفه منه ومن نظراته اتجمعت الدموع في عينيها بتوتر وقالت… سيبني ارجوك سيبني

ياسين ضحك على منظرها وسابها وقال… طب ما طلعتي بتخافي اهو… على العموم ما تخافيش مني انا جايز يكون فيا كل العبر بس مستحيل اجبر واحده عليا …مش هقول لك لانها مش اخلاقي بس لاني عارف قيمه نفسي كويس ومستحيل ارخصها للدرجه دي

جنى رفعت حاجبها بدهشه وقالت… نعم ما فهمتش هو انت لما تقربلي تبقى بترخص نفسك وووو

الثالث ..بدون لينكات
نعم ما فهمتش هو انت لما تقربلي تبقى بترخص نفسك ولا ايه
ياسين ضحك وقال ..انتي عايزه تتخانقي وخلاص ..انا بقول لو قربت لك بالعافيه…ونامي بقى و بطلي تجري كلام معايا ايه ده

جنى نامت بغيظ وقالت…. على اساس قاتله نفسي عشان اتكلم معاك… بني ادم مريض

وبقت تحاول تنام بس مكانتش مرتاحه وبقت تتقلب كتير ياسين اتنهد بخنقه وقال…. تحبي تنامي في حضني يمكن تهدي شويه
وغمزلها وقال…. على ضمانتي هترتاحي

جنى بصت بعيد عنه بغيظ وقالت… مش عارفه الغرور قاتلك على ايه
ياسين ضحك وقال…لو متغرتش النهارده مش هتغير طول عمري ..القمر ساب السما بنجومها ونام جنبي على سريري المتواضع

ظهرت ابتسامه جميله على شفايفها بس محتها بسرعه وقالت ..احم كفايه رغي عايزه انام تصبح على خير

وبقت تحاول تنام لحد ما نامت بصعوبه
ياسين لمس ايدها علشان يشوفها نامت ولا لا واول ما اتاكد انها نامت شدها لحضنه بالراحه جدا وبقى يضمها بحنيه وابتسم بارتياح لما هيه كمان ضمته وهي نايمه وراحو في النوم سوا

في صباح يوم جديد صحيت جنى من النوم ما لقيتش ياسين جنبها قامت وبقت تبص عليه في الوضه بس سمعت صوت الميه في الحمام وعرفت انو بيستحمى

فرحت جدا و جريت ناحيه الباب بقت تحاول تفتحه بس معرفتش

في الوقت ده خرج ياسين وصفر لها ببرود وقال ….مش هيتفتح الابواب مش زي القلوب بتتفتح بنظره عين

جنى اتنهدت بخنقه و قالت ….عايزه افهم حاجه واحده بس احنا مستنيين ايه هنا… بابا ما يعرفش مكاننا ولا كلمناه وطاهر شكلو كده مش هيدفع حاجه… هتخليني هنا تعمل بيا ايه

ياسين قال بلا مبالاه…اهو اطلع بيكي باي مصلحه حتى لو هابيعك في تجارة الاعضاء

جنى اتسعت عينيها بصدمه
وهو ضحك جامد على شكلها وقال… ما تخافيش مش هتموتي هناخد رفايع صغيره ما تضرش يعني قرنيه كليه شريان كده يعني

جنى بلعت ريقها بخوف اكبر وجريت على الباب بقت تهزه جامد عايزه تفتحه وهيه مرعوبه

وياسين كان هيقع من الضحك على خوفها وجري عليها شالها من وسطها وهيه بتضربه في دراعه ورماها على السرير وقرب منها جامد وقال…. ما تهمدي يا بت في ايه ..هو انتي بجد شايفاني مجرم للدرجه دي

جنى بصت لعيونه بغضب وهي بتحاول تحرر ايديها منه وقالت.. انا شايفاك مجرم وزباله وسخ

ياسيت قال بهمس قدام شفايفها ….انا بقى شايفك جامده قوي فرسه ومحتاجه خيال

جنى بلعت ريقها بارتباك شديد وقالت بتوتر…ي.. ياسين ابعد ..لوسمحت عيب كده

ياسبن بص لعيونها جامد وقال …ياسين قلبه بيوجعه وعايز حد يدلعه

جنى حاولت متبتسمش على حركات وكلامه ودفعته و وقفت بسرعه وقالت…. لاقيلك حد يدلعك بعيد عني

ولسه هتمشي مسك ايدها وقال… بس انا مش عايز غيرك

جنى بصت له باستغراب من الكمله بتاعته اللي طلعت تلقائيه بشكل غريب وهو حاول يبتسم بمشاكسه وقال…. هلاقي فين اجمل من كده انتي راشقه في دماغي قوي
وحاوط وسطها بايديه وقال… ما تهدي خليني اعدي

جنى بقت تحاول تبعد من بين ايديه وقالت بغضب ….انت بجد متربتش ولو ما بعدتش عني هصوت والم عليك الناس واقول انك خاطفني ..انا مس عايزه اعملها من امبارح عشان عارفه انك عيل غلبان ومش عايزه اسجنك

ياسين ابتسم وقال …وهتسجنيني بتهمه ايه…التعدي على مراتي بفعل فاضح في شقه ملك

جنى بصتلو باستغراب و قالت …..ملك ….انت عندك الشقه دي ملكك انت

اتوترت نظراته شويه وقال…. يعني..احم ..يعني انتي سبتي كل اللي قلناه ومسكتي في ملك ولا إيجار…على العموم لا يا ستي ايجار اكيد هو انا اقدر اشتري في مكان راقي زي ده
انا حتت سواق على باب الله
وبصلها جامد وقال….بس دايب فيك يا شديد… وده مش بالايد

جنى ابتسمت بسخريه وقالت…. قصدك دايب في الملايين اللي عايز تلهفها واطي بجد
واخدت تيشرت من بتوعه علشان عايزه تغير وراحت ناحيه الحمام
ياسين قال بضيق…. الظاهر ان انت اللي بتعبدي الملايين علشان كده اتجوزتي واحد وقح مقدرش قيمتك لمجرد غني

جنى التفتتلو بدهشه ولمعه الدموع في عينيها وقالت بغضب….اخرس…. انا عمري ما كنت زيك ولا زيه ومش محتاجه الفلوس اصلا واللي عنده انا عندي اكتر منه….لكن للاسف حبيته …صحيح بعد عشرتي معاه لعنت اليوم اللي اتجوزتوا فيه بس ده ما يمنعش اني اتجوزته علشان حبيته وبس

ياسين قال بضيق …لو فعلا لعنتي اليوم اللي اتجوزتيه فيه …عايزه ترجعي له ليه ..جبتي محلل علشان ترجعي له ليه

جنى نزلت دموعها بوجع وقالت…. كنت حابه ادي نفسي فرصه …فرصه اثبت اني مرغوب فيا ..اني ما اخترتش غلط زي ما بابا بيقول اني ما استاهلش اتعامل المعامله دي…كنت عايزه اقنع نفسي انه بيغلط غلط مش بقصده وانو بيحبني زي ما حبيبته ..عايزه احس اني مش تافهه وسهله للدرجه دي انه يرميني ويطلقني كل شويه وابقى فتره وتعدي

وكملت بوجع شديد وقالت…كان كل ما يقول لي انه بيحبني وانها زلة لسان حاجه جوايا تقول لي صدقي لازم تصدقيه مش بمزاجك انتي اتحديتي الدنيا علشانه… حتى ابويا كان رافضه وانا اصريت عليه.. ما كنتش عايزه ابقى خسرت في عيون كل الناس وخسرت قدام نفسي كنت عايزه اثبت اني استاهل يعاملني كويس
بس كنت غلطانه …جه الوقت اللي هعترف اني غلطت انا مستاهلش ما كانش بيغلط عمره ما حبني كنت اهون حاجه عنده طول عمري ودلوقت حتى ما اقابلش يتفاوض لاني ما استاهلش
قلم…زهرة الربيع

ياسين قرب منها قوي وحس بحزن شديد لما شاف دموعها ومسك ايدها باسها بحنيه شديده وقال وهو بيبص لعيونها …مش هو اللي ما اعرفش قيمتك انتي اللي مش عارفه قيمه نفسك يا جنى…. انتي لو عايزه تثبتي لنفسك انك تستاهلي ما كنتيش قبلتي ترجعي له من اول مره رمى عليكي اليمين فيها ….مش عشان غلط…لا..عشان انتي اغلى من كده بكتير والله اغلى بكتير قوي ياجنى انتي تتحطي في القلب ويتقفل عليكي بمليون مفتاح
مش معنى انك اخترت غلط تبقي ما تستاهليش يمكن هو اللي ميستاهلش النعمه اللي كان فيها

جنى استغربت جدا من كلامه ونظراته وقالت باستغراب…. عايز ايه يا ياسين لو انت فعلا عايز شويه فلوس… مهتم ليه بزعلي ..كلامك نظراتك وكل تصرفاتك غريبه

ياسين قرب منها قوي ومسح دموعها بصوابعه بحنيه وقال… عشان العيون دول ما اتخلقوش عشان يبكوا ..اتخلقو علشان يتحبو ويضحكو ..انتي خساره قوي في اللي انت فيه ..وخساره في الحيوان اللي كنتي متجوزاه اصلا
وضغط على دراعها بغضب جواه بيحاول يخبيه وقال ….خساره انه يلمسك او يقرب لك… كل حته فيكي خساره فيه

جنى استغربت طريقته قوى واتوترت وقالت بالم ….دراعي يا ياسين سيبني… سيبني
ودفعت ايده وقاات بغضب …ابعد عني اياك تفكر اننا لوحدنا او لاني زعلانه منه ممكن ابقى صيده سهله و…

بس قاطعها لما جذبها عليه بقوه وقرب منها بالقوه

بعد ثواني بعد عنها وهو بيبص لها بانتصار وسعاده بس اتصدم لما ضربته قلم بسرعه وحطيت ايديها على بقها وهي بترجع لورا بصدمه من اللي عمله وجريت بسرعه على الحمام

ياسين حط ايده على خده بزهول وابتسم ابتسامه جميله واترمى على السرير وغمض عنيه باستمتاع شديد

اما جنى كانت واقفه قدام مرايه في الحمام وحطت ايدها على خدودها اللي بقم بلون الورد من كتر الكسوف و مش مصدقه اللي عمله وقلبها بيدق بسرعه وشده قالت بتوتر…. ايه اللي بيحصل معايا ده …واحد حيوان بجد ..انا مش هينفع اقعد معاه اكتر من كده لازم امشي

وطلعت بسرعه وهيه بتقول بانفعال…انا عايزه اروح حالا و

بس قطعت كلامها لما لقته بيتكلم في التليفون وبيقول…. كلامي واضح يا عزام بيه 10 مليون ما ينقصوش جنيه ده لو عايزني ارجع بنتك

جنى اتسعت عنيهابذهول ووووو

الرابع.. بدون لينك
كلامي واضح يا عزام بيه 10 مليون ما ينقصوش جنيه ده لو عايزني ارجع بنتك

جنى اتسعت عنيهابزهول وقالت بغضب… 10 ايه مش كانوا لسه خمسه امبارح هو انت بتاخد ضرايب تاخير

ياسين شاور لها بايده بمعنى تسكت وهي قالت بغضب …لا طبعا مش هسكت .. هو مال سايب

ياسين نفخ بزهق وقال …ايوه مع حضرتك يا عزام بيه و

بس قاطعتهم وشدت منه التليفون بسرعه وقالت بدموع .. بابا ابوس ايدك تعالى خدني من هنا والنبي

ابوها قال بخوف…. اكيد جاي يا حبيبتي جاي…اسبوع بالكثير وهاجي
جنى قالت بدهشه…اسبوع بحالو..ليييه

ابوها قال … بس علشان اكون دبرت المبلغ يا حبيبتي خصوصا ان جوزك الحيوان مش هيساعدني ياما قلت لك يا بنتي ده ما يستاهلش تتجوزيه اصلا..و ربنا كرمك وطلقك برده اصريتي ترجعي له مش عارف بتعملي في نفسك كده ليه

جنى قالت بدموع ….حقك عليا يا بابا انت كان معاك حق بس انا مش هقدر اقعد مع الحيوان ده وانبي ما تسبني انت كمان

قال بحزن…انتي بتقواي ايه يا جنى..ده انتي بنتي يا حببتي اكيد مش هسببك…اديني بس الزفت اللي عندك وانا هتفق معاه ما يجيش جنبك ابدا لحد ما ادبر الفلوس

جنى ادت التليفون لياسين وهو كلمه وقال بحزم… معاك اسبوع بالكتير تكون فلوسي جاهزه ..وهكلمك ونتفق على المكان اللي هسلمك فيه بنتك واخد فلوسي…بس لو الفلوس ما جهزتش او حصل اي حركه غدر كده ولا كده مش هتعرف مكانها طول عمرك
قال كده وقفل وهي بصت له بغضب شديد وقالت …ايه البجاحه اللي بتتكلم بيها دي… زي ما تكون صاحب حق

ياسين قال بخنقه …اديني كلمت لك ابوكي زي ما انتي عايزه هيسلمني الفلوس وهرجعك…يارب تبقي مبسوطه دلوقتي

جنى قالت بغضب ..انا مشوفتش ببجاحتك لك عين تكلم بابا و تطلب منو فلوس كمان بعد اللي عملته من شويه

ياسين قرب منها قوي وقال…. اه عادي ايه دخل الفلوس باللي حصل من شويه.. انتي مراتي وده حقي

جنى قالت بغضب …انا مش مراتك…و ما فيش حد بيطلب على مراته فديه

ياسين قرب منها قوي وقال…. حلو الكلام ده احنا ممكن نشيل الفديه بالتدريج

جنى قالت باستغراب…ايه… بالتدريج

ياسين قال بسرعه…اه بالتدريج
و شدها لحضنه بقوه وقال..يعني الحضن ده مثلا بنقص مليون جنيه

ومسك ايديها وحطها ورا رقبته وقال ….ولو انتي كمان حضنتيني زي كده ننقص كمان مليون

جنى اتوترت جدا من قربه وبلعت ريقها بارتباك
وهو قربها ليه قوي قبل ما تتكلم وباسها تاني

بعد عنها بالعافيه وقال ….وكده ننقص 5مليون

جنى غمضت عيونها باستسلام بين ايديه وهو قرب من ودنها وقال بهمس…ولو كملنا بعد كده هدفع انا 10 مليون

وبص لملامحها اللي اتوترت جدا والكسوف باين عليها قال بضحكه حلوه…. ايه تحبي توفري على ابوكي انا جاهز

هنا فاقت لنفسها ودفعته بسرعه وبعدت وقالت… خايك بعيد…انت بقيت تخوفني على فكره ..مش هينفع اقعد معاك اكتر من كده

ياسين ابتسم ابتسامه جميله وقال …مش هينفع علشان انا بضايقك باللي بعمله ولا علشان بتضعفي قدامي

جنى اتوترت من كلامه وقالت بقوه بتحاول تصطنعها…. انا مستحيل اضعف قدامك ولا قدام اي حد وهستحمل الاسبوع ده بالعافيه..و المره الجايه لو قربتلي هموت نفسي خالص واريحك مني..ولا اقولك… مش هريحك هكتب ورقه ان انت اللي قتلتني علشان بعد ما اموت احبسك وروحي ترتاح

ياسين ضحك بخفه وقال .. ايه المخ الاجرامي ده بس .. على العموم انا مش هقرب لك تاني لانك بصراحه ما عجبتنيش

جنى ابتسمت بسخريه وقالت… اممم واضح عليك قوي

ياسين ابتسم ومرر ايده على رقبته بحرج وقال…هو باين عليا قوي

جنى ضحكه بخفه وقالت…. فوق ما تتخيل

غمز بطرف عينه وقال …..ما اهو طبيعي يابت ما انا لو متهزتش قدام الجمال ده كله ابقى لا مؤاخذه

جنة هزت راسها بياس منه وقالت…. ربنا يعدي يومينك على خير…ولو اني مش عارفه هيعدو ازاي اصلا ..وازاي هقضي الايام دي كده محبوسه بين اربع حيطان

ياسين ابتسم و قال ….ومين قالك ان احنا هنفضل بين اربع حيطان..هو انت مخطوفه عند اي حد ..انتي مخطوفه عند ياسين الناجي يعني خطف في اي بي

جنى ضحكت بخفه وقالت ….ايه ده كمان

ياسين قال بسرعه…. ده يعني هننزل سوا اشتري لك هدوم حلوه وافرجك على الدنيا وتشمي هوا
وتشمي كمان البرفان بتاعي جنان فغانسي

جنى قالت بدهشه فرنسي حته واحده… عشنا وشوفنا انت كمان بتحط عطر فرنسي

ياسين قال بضيق… ايه انت كمان دي انتي ليه بتستقلي بيا على العموم انا عرضت عرض وانتي حره ..هتنزلي معايا ولا لا

جنى فكرت شويه وكانت نفسها ترفض او تتكلم معاه بحده علشان كل المشاكل اللي عملها دي بس طريقتو وكلامه وقربو منها وحنيتو عليها لما كانت بتعيط حاجات كتير ما فهمتش تفسيرها وكل اللي فهمته ان قلبها موافق على اللي بيقوله هزت راسها بالموافقه بتردد

ياسين ابتسم وقال بحماس…. ايوه بقى اول العشق طلعه

ضحكه وقالت ….طب واخره

ضغط على شفته بوقاحه وقال….اشوفك قالعه

جنى اتسعت عنيها بزهول شديد من جرائته والغضب بان على ملامحها وهو قال بسرعه… على القلعه نروح على القلعه نتفسح يعني…. احم يلا بينا

جنى بصتلو بغيظ شديد وبقت تجهز بضيق منو
وهو بقى يجهز هو كمان وبالفعل خرجوا سوا واتفسحوا واشتروا حاجات كثيره استغربت جدا انه بيصرف كل المصاريف دي بس قالت في نفسها هو هياخد اكتر منهم بكتير واضعافهم كمان
ومهما اختارت اي حاجه غاليه علشان تخسره كان يدفع عادي جدا

عدى اليوم كله في انبساط وسهره وخروجات ومرت الايام بينهم بنفس الطريقه كانوا يخرجوا ويتكلموا سوا اغلب الوقت مع بعض وعدى اسبوع واثنين وثلاثه وما فيش اي خبر عن والدها
و الايام بتمر بسرعه من غير ما يكلموه او حتى ياسين يسأل على الفلوس

وفي يوم كانت بتسرح شعرها بانبساط وبتدندن قدام المرايه وياسين دخل وقال بابتسامه…. ايه بس الجمال ده كله …مش بالراحه عليا شويه اتقي الله في العبد الضعيف اللي قدامك مبقاش يستحمل

جنى ضحكت بخفه وقالت…بطل غلبه وقلي مفيش خبر خالص عن بابا..انا قلقت عليه معقوله كل ده ما اتصلش

ياسين اتنهد وقال… بعد كل ده لسه مستنيه حد يجي وياخدك مني

جنى ضحكه وقالت ..يا ياسين بطل هزار انا بتكلم بجد قالي بعد اسبوع وعدو 3 اسابيع ومجاش

ياسين ابتسم بحزن وقال.. وحاسبه الايام كمان ..انا كنت فاكر انك مبسوطه هنا

جنى ابتسمت وقالت…هبقى مبسوطه وانا مخطوفه

ياسين اتنهد وقال…طب ما انا خطفوني عيونك من اول دقيقه ومبسوط ايه المشكله يعني

جنى نزلت عيونها بكسوف وقالت…. بياع كلام قوي

ياسين رفع وشها ليه وقال …انا عمري ما كنت بياع.. طول عمري شاري… انا عايز اقول لك على حاجه بصراحه في مشاعر جوايا في حاجات لازم اتكلم واقولها..انا

بس قاطعتو وقالت بسرعه…. ما تكملش ارجوك …مش هينفع … مش هينفع خالص

ياسين قال باستغراب… مش هينفع ليه

جنى اتنهدت وقالت بتوتر …ياسين انا لازم اقولك…في حاجه حصلت من اسبوع ما كنتش عارفه اشرحها لك ولا اجيبها لك ازاي …لما خرجنا من اسبوع وانت روحت تسحب فلوس من البنك وانا استنيتك في الكافتيريا حصلت حاجه

ياسين قال باستغراب حصل ايه.. ما تتكلمي نشفتي ريقي

جنى قالت بتوتر…طاهر…طاهر يومها كان مراقبنا ..وخلاك بعدت وجيه اتكلم معايا..و.. واتفاهمنا على كل حاجه.. قال لي انو قفل معاك علشان ميدفعلكش حاجه مش من حقك انما فضل يدور عليا..وكان عايزني امشي معاه يومها بس انا قولتلو مش هينفع لاني محبتش اسيبك بالطريقه دي..وهو..وهو وافق افضل معاك على اساس اني هطلب منك الطلاق ..لانه..لانه عايزني ارجعلو

ياسين رجع لورا خطوات بزهول شديد وكان هيقع من طوله وقال بصدمه.. ايه …ترجعيلو وووو

الاخير
كان هيقع من طوله وقال بصدمه.. ايه …ترجعيلو…ههه..ترجعيلو ازاي وانت موافقه على اللي قاله… صدقتي الكلام الخايب ده

جنى اتنهدت وقالت..يا ياسين هو قال انو كل الفتره دي بيحاول يرجعني ليه بس من غير ما يدفع لك فلوس لانها مش من حقك ودي وجهه نظر… بس انت كنت كويس معايا وطيب فقلتله اني هخليك تطلق من غير مشاكل ..بس كل ما احاول اتكلم معاك اتردد… ارجوك كفايه قوي كده ورجعني يعني هو كده كده عارف المكان وعايز يجيب البوليس ..انت صحيح جوزي بس انا مغصوبه افضل هنا ولو قولت كده هيبقى في بيننا مشاكل ومحاكم وانا صدقني مش عايزه اقف قصادك في محاكم

ياسين اتجمعت الدموع في عيونه وحس الارض بتدور بيه كان فيه احلام كتير في خياله وحجات كتير نفسو يقولها بس كل حاجه اتهدت
مسح دمعه وقعت على خده وقال بحزم…اجهزي…. النهارده هرجعك لابوكي…وكلها يومين و ورق طلاقك هتوصلك …بعدها تتجوزي براحتك

جنى بصتلو بدهشه وقبل ما تقول اي حاجه قاطعها وقال…مش حابب اسمع اي كلمه …انتي بنت مهزأه يا جنى وعمر ما طاهر هيحترمك ولاهيقدرك مش عشان هو وحش…لا علشان زي ما قلت لك انتي مهزأه وبتموتي في اللي يهينك و مستعده تقبلي على نفسك اي وضع واصلا ده تمامك واخرك تعيشي مع واحد زي الطيور على اشكالها تقع

جنى اسعت عينيها بزهول من كلامه وهو هز راسه بالموافقه وقال ….ما فيش حاجه تفاجئ في اللي قولته دي حقيقه…هستناك في العربيه

قال كده وخرج وهو مش عارف ماشي على رجليه ازاي قعد جوه العربيه وهو بيفتكر كل لحظه معاها كل ثانيه عدت عليهم سوا …كلامها قربها وكل حاجه بينهم كان متخيل انها خلاص بقت ليه…و افتكر انه داوا قلبه اللي اتجرح منها من سنين بس رجعت داست عليه مره ثانيه

دقائق وخرجت وهي لابسه وجاهزه وقعدت في العربيه بضيق منه وقالت…انا سبت لك حاجاتك اللي جبتها لي جوه مش عايزه منهم حاجه

ياسين ابتسم بسخريه وقال ..لا فيكي الخير والله متاكده انك سبتي كل حاجه ….ما فيش حاجه كسرتيها ودستي عليها قبل ما تمشي

جنى فهمت قصده بس حاولت تصتنع عدم الفهم وقالت… لا ما كانش في حاجه تتكسر اصلا

ياسين ابتسم بسخريه وهو بيحاول يضغط على نفسه علسان ميبانش ضعفه قدامها وفضلو ساكتين طول الطريق

بعد شويه وصلو و نزلها عند بيت والدها ودور العربيه ولسه هيمشي قالت بسرعه ….خلاص كده هتمشي مش عايز تودعني او تقول اي حاجه

ياسين قال بغضب….. انا مش رايح رحله علشان اودعك ..واصلا ما تستاهليش دقيقتين اودعك فيهم… كفايه اللي ضيعته عليكي
قال كده وماشي بسرعه و هي اتنهدت بغيظ منو و دخلت عند والدها اللي اتفاجأ بشده وحضنها بقوه وقال…. حبيبتي وحشتيني يا قلبي وحشتيني انتي رجعت ازاي

جنة قعدت وقالت بضيق…ياسين رجعني

ابوها اندهش وقال باستغراب..ايه…ياسين… رجعك كده من غير ما ياخد الفلوس

جنى قالت بضيق….هو كان حد فيكوا جاب فلوس ولا عبرني يا بابا

ابوها قال بتوتر ….يا بنتي انا كنت بجمع الفلوس والله

جنى ابتسمت بسخريه وقالت ….الظاهر اني ما كنتش استاهل حتى انك تتصل وتبرر تاخرك…على العموم مش مشكله انا حليتها واديني رجعت

ابوها قال باستغراب….طب…طب رجعتي ازاي انا مش فاهم حاجه

جنى قالت بمنتهى الهدوء ….عادي ظبطتها واتكلمت مع ياسين ورجعني… واتكلمت كمان مع طاهر وقريب هنرجع نكتب كتابنا تاني بعد ما ياسين يبعت لي ورقتي

ولسه هتطلع على السلم قال بغضب وزعيق …ايه طاهر تاني.. هتتجوزيه تاني بعد ما سمعتيش كلام حد واتجوزتيه غصب عننا كلنا وعيشك سنه كامله في العذاب والاهانه ..حتى لما خلصتي منه عايزه ترجعي له ثاني.. انا مش عارفه اعمل ايه اكتر من اللي عملته مش عارف ايه ممكن اعمل تاني علشان ابعدك عن الحيوان ده واطمن عليكي

جنى بصت لو و رفعت حاجبها وقالت… تعمل ايه اكتر من اللي عملته هو ايه اللي عملته يا بابا اه قصدك خطتك مع ياسين …ياسين الناجي ضابط الشرطه ابن صاحبك… العريس اللي كنت جايبهولي قبل طاهر وقلت لي انه بيحبني وبيموت فيا ولما انا رفضت اقابلو واتجوزت طاهر ..استغليت المشاكل اللي حصلت بينا ورجعت كلمته تاني وحكيت له عن بنتك المسكينه اللي جوزها هانها ومحتاجه بطل زيو يخلصها منو مش كده

ابوها اتسعت عنيه بدهشه وهيه كمات وقالت…وطبختوها سوا واكلتوهالي بمنتهى السهوله..جبته على اساس سواق وجوزتهولي وانت عارف انه هيخطفني ويمشي بيا مش دي كانت خطتك

ابوها كان بيسمعها بزهول شديد وقال… انتي عرفتي ازاي هو ياسين حكى لك كل ده

جنى ابتسمت بسخريه وقالت…ياسين مقالش اي حاجه كان بيخرجني ويفسحني ويعاملني كويس… بس الكدب حبله قصير مره كنت معاه غي الكافيه لقيت واحد بيضربلو تعظيم وفضل يكلموا باحترام شديد …هو عمل نفسو ميعرفوش وقالي انو اكيد فاكرو حد تاني
بس انا خليته دخل يسحب فلوس وسألت الراجل عليه وقالي ده ياسين باشا الناجي ابن مهران الناجي وعرفته من الاسم على طول انه صاحبك اللي ياما حكيتلي عنه..حبيبت اعرف بيعمل كده ليه وفضلت اراقبه لحد ما في يوم سمعتو وهو بيتكلم معاك في التليفون وبيقول لك ما تجيش وانوقرب يعترف لي ويصارحني بكل حاجه وعرفت خطتكم كلها

ابوها قال بصدمه وزهول…. وعملتي ايه مع الولد اوعي تكوني زعلتيه يا جنى

جنى بصتلو بدهسه وضحكت و قالت ….بجد يا بابا بعد كل ده مش عايز تبرر لي موقفك حتى لا وزعلان عليه وخايف اكون زعلته

ابوها قال بانفعال……..موقف ايه اللي ابرره وانتي حماره وغبيه واحد بيحبك متمنيكي راجل عمره ما يؤذيكي ولا يفكر حتى
.. ما رضيتيش تديه فرصه ورفضتي حتى تقابليه مره واحده..وروحتي للحيوان اللي اتجوزتيه.. ما فكرتيش ولا مره واحده ازاي راجل يقبل على نفسه انا بعد ما واحده رفضته يرجع يعمل كل ده علشانها بعد ما تطلق… ما فكرتيش فيها لثانيه واحده وعرفتي ايه الدافع اللي يخليه يعمل كل ده

جنى قالت بتوتر…. علشان ما رضيتش بيه شمتان فيا

ابوها قال بغضب شديد …وهي دي طريقة شماته انا مش مصدقك بجد.. ياسين بيحبك بيعشق التراب اللي بتمشي عليه انا زمان ياما وعدته اني هجوزك ليه ورغم انه ما كانش يشوفك غير بالصور لكن كان بيحبك ومتمنيكي حاولت اخليكي تقابلبه بس انتي رفضتي..وبعد طلاقك اول ما عرف باللي عماه جوزك رجع من السفر ووقف جمبك وحاول يقرب منك من غير ما تعرفي عنه حاجه كل ده ما فرقش معاكي ابدا يا جنه

جنى قالت بدموع… جايز يكون كلامك صح ..وانا مقدره اللي عمله وللاسف بادلتو نفس المشاعر في الفتره دي…وفعلا قابلت طاهر بس قولتله ان انا اللي هربت مع ياسين بنفسي قلت له اني بحب ياسين مش علشان انتقم منه ولا ازعله لا علشان انا فعلا كنت بفكر في ياسين وبس ….لكن انا مش هنسى اللي انتو عملتوه معايا انتوا الاثنين…انتو استغليتو وقت ضعفي علشان تلعبوا بمشاعري ….تمام انا ما بقتش عايزاه ولا عايزه طاهر ولا عايزه اي راجل في الدنيا وده قراري ولو لسه بتعتبرني بنتك تحترمه بقى

وطلعت على اوضتها ودموعها على خدها
ابوها ابتسم وقال بسعاده ….عملتها يا ابن الناجي كنت واثق الحمد لله يارب

جنى كانت في اوضتها رمت نفسها على السرير وهي بتبكي جامد ..مش موجوعه من اي حاجه من اللي قالتها لابوها ولا زعلانه من اللي عمله ياسين قد ما حاسه نفسها بجد ما تستاهلوش فاكره لحد دلوقتي انها رفضت حتى تقابله مره واحده رغم ان باباها قال لها ان هو نفسه جدا يقابلها لكن هي كانت رافضه من كتر حبها لطاهر نزلت دموعها وهيه بتفتكر قد ايه اتجرحت في العلاقه دي وعملت حاجات تغضب بربها لما وافقت على انها تجيب محلل مشروط وده يخالف الشرع…بس عملت كده علشان ترجع له وهو واحد ما يستاهلش ابدا

اتنهدت وهيه بتحاول تبعد اي افكار من دماغها ونامت بتعب شديد
بعد شويه فاقت من النوم على لمسات على وشها وشعرها و قالت بزهق ونوم… بس يا باسين بجد عايزه انام

سمعت همسه في ودنها قال ….طب خدي ياسين في حضنك ونامي قد ما انتي عايزه

ابتسمت باستمتاع وهيه بتسمع صوته بس حست باللي هي فيه وقعدت بزهول وبصت له بصدمه وقالت… ياسين انت بتعمل ايه هنا

ياسين ابتسم وغمز وقال ….بتحلمي بيا

جنى قالت بارتباك …. لا طبعا مش بحلم بيك… نسيت ان انا هنا في البيت وافتكرتك انت اللي بتصحيني زي كل يوم ….وبعدين انت جيت ليه مش قلت لك ان انا هرجع لجوزي

ياسين قاطعها وقال بسرعه…. ما انا جوزك…هو انتي متجوزه عليا ولا ايه

جنى بصتلو باستغراب انو رجع تاني بس اتنهدت وقالت بياس…بابا…بابا كلمك صح

ابتسم وقرص خدها بخفه وقال…شطوره

جنى اتنهدت وقالت ….انا مش عارفه اعمل ايه في بابا بجد

ياسين قرب منها وقال….تحبيه …تحبيه وتحبي اللي يحبه

جنى بعدت عيونها عنه وقالت بحرج….عايز ايه يا ياسين تاني …بص مش هينفع…. اصلا ازاي عادي عايز تتجوزني بعد كل اللي حصل

ياسين مرر ايده على خدها بحنيه وقال ….غبي انا غبي ومبسوط بغبائي

جنى رفعت عيونها لي وقالت بدموع…انا زعلانه من نفسي قوي

ياسين ابتسم ابتسامه جميله وقال …ده نصيب ليكي نصيب تقضي الوقت ده معاه وانا ليا نصيب قلبي يتحرق

جنى حطت ايدها على قلبه وقالت بحنيه… حقك عليا انا بجد ما استهلش

ياسين مشى ايده على شعرها بحنيه وقال… لو قولتي متستاهليش دي تاني هزعلك جامد انا حبيبي يستاهل الدنيا وما فيها..هو انا هحب اي حد ولا ايه

جنى حركت عنيها يمين وشمال وقالت… حبيبك ..هو انت بتحب

ياسين شدها ليه وقال…كفايه استعباط ها .. ما انتي عرفتي كل حاجه… اه بحب…ومعرفتش اعشق غير عيونك

جنى ضحكت بخفه وقال… يعني الموضوع مستغرباه قوي بصراحه… ازاي بتحبني واحنا ولا اتقابلنا ولا اتكلمنا

ياسين ابتسم وقال… عشق الروح للروح اقوى بكتير من عشق العيون

ظهرت ابتسامه على شفايفها حاولت تخبيها وقالت بغضب مصطنع ….ايوه بس انا زعلانه منك انك كذبت عليا وكنت متفق مع بابا وعملتو عليا كل الفيلم ده ولازم تعرف اني مش هارضى كده بسهوله و لازم تصالحني و

بس قطعت كلامها لما قرب منها بقوه وشغف وعشف

بعد عنها شويه وقال بهمس …اتصالحنا كده ولا ايه

جنى عضت على شفتها بخفه وقالت… اتصالحت خلاص

باسين قال بحماس…حلو قوي ..اتصالحنا نكمل لليفل اللي بعده بقه ولسه هيقرب
دفعته بسرعه وقالت…بس يا مجنون…انت نسيت احنا عند بابا هنا…. لما نبقى نرجع شقتنا

ياسين قال بسرعه …طب يلا ….يلا بينا قومي معايا نرجع شقتنا

جنى ضحكت جامد و قالت …طيب اهدى شويه… هنروح اكيد بس فيه حاجه عايزه اقولها انا كمان ..انا كمان حبيتك يا يا ياسين ..ده الحب اللي كنت بتمناه ده الاحساس اللي كنت عايزه احسه وده الاهتمام اللي كنت متمنياه

ياسين لمعت عيونه بسعاده شديده وحاوط خدودها بايديه وقال… انا كمان….انا كمان ده الاحساس الوحيد اللي كنت مستنيه ده النصيب اللي ما كنتش عايز غيره دي الجنه اللي اتمنيت اعيش فيها ربنا يديم وجودك في قلبي