حكايه بسمه

جوزي كان كل شهر أول ما مرتبي ينزل يقولي: حوليلي النص، عشان نحوش للشقة. وأنا كنت بحوله من غير نقاش. أربع سنين كاملة. نص مرتبي كل شهر بيروحله، وأنا بضغط على نفسي في كل حاجة عشان حلم الشقة. أأجل هدوم. ألغي خروجات. ولو حاجة في البيت عجبتني أقول: —مش مهم… لما نجيب شقتنا نبقى نجيبها. حتى لما أمي كانت تقولي: —خلي معاكي فلوسك يا بنتي. كنت أدافع عنه. —ده بيحوش لمستقبلنا يا ماما. لحد ما حماتي اتصلت بينا يوم وقالت بفرحة: —تعالوا بكرة، عندي مفاجأة هتعجبكم. روحنا. لقيناها واقفة قدام عمارة جديدة، وأخت جوزي جنبها ماسكة مفتاح وبتضحك. حماتي قالت: —قولوا مبروك لسمر… أخوها جابلها الشقة دي عشان يأمّن مستقبلها. افتكرت إني سمعت غلط. بصيت لجوزي. كان واقف مبتسم. قلت: —إنت اشتريت لأختك شقة؟ رد وهو بيتجنب عيني: —آه… أصل جالنا فرصة كويسة. سألته بهدوء: —منين؟ حماتي دخلت بسرعة: —من فلوسه طبعًا، هو راجل وبيشيل مسؤولية أخته. دخلنا الشقة. كلهم بيتفرجوا على الأوض، وأنا ماشية وراهم ساكتة. لحد ما أخت جوزي فتحت درج المطبخ عشان توريني التشطيب. لقيت ملف جوه. طلعته. كان عقد الشقة. قلبت أول صفحتين، وبعدها عيني وقفت على إيصال مقدم الحجز. نفس التاريخ اللي جوزي أخد فيه مني مبلغ كبير وقاللي: —دي آخر دفعة ناقصة عشان نكمل مقدم شقتنا. بصيتله. —دي فلوسي؟ سكت. حماتي قالت: —فلوسك إيه؟ إنتوا متجوزين، يعني فلوسكم واحدة. قلت: —طب وشقتنا فين؟ جوزي قرب مني: —هنبدأ من جديد… متكبريش الموضوع. ضحكت. أربع سنين من مرتبي اتحولوا فجأة لـ«هنبدأ من جديد». لكن اللي محدش فيهم كان يعرفه إني محتفظة بكل تحويل عملتهوله من أول شهر. رجعت البيت، طبعت كشف حساب الأربع سنين، وحطيته قدامه. المبلغ كان كفاية تقريبًا لنص تمن الشقة. قلتله: —قدامك لحد بكرة ترجعلي فلوسي. ضحك بعصبية: —وهجيبهم منين؟ الشقة اتسجلت خلاص باسم سمر. قلت: —دي مش مشكلتي. تاني يوم الصبح حماتي جت البيت ومعاها أخته. حماتي رمت نسخة من العقد قدامي وقالت: —الشقة باسم بنتي، ومحدش يقدر ياخدها منها. قلت: —أنا مش جاية آخد الشقة. وطلعت الملف اللي كنت مجهزاه. جوزي أول ما شاف الورق، وشه اتغير. لأن وسط كشوف التحويلات كان في ورقة هو ناسي تمامًا إنه مضى عليها من 3 سنين. حماتي مدت إيدها تاخدها. جوزي سبقها وخطفها مني. قرأ أول سطر… وبص لأخته وقال: —سمر… قوليلي إن ماما ما كانتش تعرف بالورقة دي. سمر بدأت تعيط. وحماتي لأول مرة من ساعة ما عرفتها… معرفتش ترد. وساعتها بس فهمت إن جوزي مكانش الوحيد اللي خد فلوسي.يتبع في الجزء الثاني...القصه كامله ع الصفحه هنا اضغط هايوصلك 👈🏼 W A A D 👉🏻 القصه ماتنرجعت أبصله وهو ماسك الورقة بإيده ووشه شاحب كأنه شاف حكم عليه مش مجرد توقيع قديم حماتي قامت من مكانها بسرعة وقالت هات الورقة دي لكن هو رجع خطوة لورا وخباها وراه وقال لأول مرة بصوت عالي محدش يقرب سمر كانت بتعيط وهي بتقول أنا معرفش والله ماما هي اللي قالتلي كل حاجة قانوني وإنك موافق لف ناحيتها وقال أنا وافقت على إيه فضلت ساكتة وهي بتمسح دموعها أنا كنت واقفة أراقبهم من غير ما أتكلم أربع سنين وأنا بدافع عنهم قدام أهلي وأقول أكيد في سبب لكل حاجة دلوقتي هم اللي بيكشفوا بعض قدامي حماتي حاولت تسيطر على الموقف وقالت حتى لو كان في ورقة يعني إيه الورقة هتعمل إيه جوزي رفع عينه فيها وقال إنتي عارفة كويس هي هتعمل إيه قلبي دق بسرعة أول مرة أشوفه خايف بالشكل ده قلتله قول بصلي ثواني طويلة وبعدها نزل عينه في الأرض حماتي صرخت فيه متنطقش قالها بعصبية اسكتي بقى البيت كله سكت حتى صوت التكييف كان واضح فتح الورقة وقرا منها بصوت منخفض ثم بصلي وقال دي ورقة إقرار قلت إقرار بإيه بلع ريقه وقال إقرار إن كل الفلوس اللي كنتي بتحوليها كانت على سبيل الأمانة علشان شراء شقة باسمنا بعد الجواز وإن أي تصرف فيها من غير موافقتك يعتبر مخالفة للاتفاق حماتي شهقت وقالت إنت مجنون ليه تقول كده رد عليها وهو بيزعق لأن ده اللي حصل أنا حسيت إن الأرض بتتحرك من تحتي افتكرت اليوم اللي مضيته فيه كان قايلي وقتها ده مجرد ورق للبنك عشان يثبت مصدر الفلوس وأنا من غير ما أقرأ مضيت وأنا واثقة فيه دلوقتي عرفت إن ربنا خلاه يمضي قبلي نسخة تانية بنفس الكلام قلتله يعني إنت كنت عارف من الأول إن الفلوس دي حقي هز راسه من غير كلام حماتي قربت منه وقالت لو فتحت بقك هتضيعنا كلنا لف ناحيتها وقال إحنا ضيعنا نفسنا يوم ما خدعناها الكلمة دي كانت أول اعتراف حقيقي يخرج من بقه لكن الغريب إن حماتي بدل ما تخاف بدأت تضحك ضحكة باردة خلتني أتجمد مكاني وقالت حتى لو معاها الورقة تعمل إيه يعني الفلوس خلصت والشقة باسم سمر والدنيا مش بتمشي بالعواطف ابتسمت وأنا بفتح شنطتي بهدوء طلعت ظرف أبيض صغير وحطيته على الترابيزة جوزي أول ما شاف شعار المكتب المطبوع عليه اتغير لونه مرة تانية وقال بصوت مرتعش إنتي... وصلتي للمحامي فعلاً ابتسمت من غير ما أرد ولما فتح الظرف وقرا أول سطر فيه وقع من إيده على الأرض وساعتها حماتي انحنت تجيب الورقة لكن أول ما عينيها وقعت على المكتوب اتسعت عينيها وهي همست برعب مستحيل... هي عرفت ده كله إمتى؟ساش تعملي متابعه ولايك عشان القصص هناك معظمها حصري وعشان يوصلك كل جديد♥♥♥♥♥♥♥ @أبرز المعجبين حكايات بسمة لايك وصلوا على النبي وهرد عليكم.حماتي كانت ماسكة الورقة بإيد بترتعش وهي بتحاول تقراها تاني كأنها مستنية الكلام يتغير لكن كل حرف كان واضح وجوزي واقف مكانه ساكت أول مرة أشوفه مش لاقي كلمة يقولها قلت بهدوء أنا استنيت أربع سنين عشان أثق فيك واستنيت أسبوع كامل بعد اللي حصل في الشقة عشان أتأكد من كل حاجة ولما اتأكدت روحت لمحامي مش عشان أنتقم عشان آخد حقي حماتي قالت بعصبية يعني هتفضحي ابننا قلت اللي فضح نفسه مش أنا اللي خد تعب مراته وكتبه باسم أخته هو اللي فضح نفسه سمر قربت مني وهي بتمسح دموعها وقالت والله يا مرات أخويا أنا كنت فاكرة إن دي فلوسه هو أنا عمري ما سألت منين جابها قلت لها يمكن فعلاً مكنتيش تعرفي بس من اللحظة دي بقيتي تعرفي وساعتها كل قرار هتاخديه هيبقى مسؤوليتك جوزي قعد على الكرسي وحط وشه بين إيديه وقال بصوت مكسور أنا غلطت قلت الغلط بيتصلح لكن الخيانة عمرها ما كانت غلطة دي قرار رفع عينه وقال أنا هرجعلك فلوسك قلت إزاي سكت لأنه هو نفسه عارف إن مفيش طريقة الشقة باسم أخته والفلوس كلها اتحطت فيها حماتي قالت بسرعة خلاص نبيع دهب سمر ولا نتصرف بأي حاجة سمر بصتلها بصدمة وقالت أبيع دهبي ليه إنتي اللي كنتي بتقوليلي دي هدية من أخوكي أنا مالي حماتي اتلخبطت وبدأت تبص لابنها وكأنها مستنية ينقذها لكنه كان ساكت قلت واضح إن كل واحد فيكم كان فاكر التاني هيشيل المسؤولية بس المرة دي المسؤولية هتشيلكم كلكم جوزي قال المحامي طالب إيه قلت طالب الأول نحل الموضوع بالتراضي ولو مفيش حل الق\ضية هتترفع والورق كله هيتقدم وكشوف التحويلات والإقرار اللي مضيته ورسائل الواتساب اللي كنت بتكتبلي فيها كل شهر ابعتي المبلغ عشان شقتنا أول ما سمع كلمة الواتساب رفع راسه بسرعة وقال إنتي محتفظة بالرسائل ابتسمت أنا محتفظة بكل كلمة حتى الرسالة اللي كتبتلي فيها متقلقيش يا حبيبتي الشقة هتبقى باسمنا إحنا الاتنين حماتي قعدت على الكنبة وهي بتحط إيديها على راسها وقالت يا خراب بيتي أنا كنت فاكرة الموضوع بسيط قلت كان بسيط لحد ما قررتوا تاكلوا حقي في اللحظة دي رن جرس الباب كلنا بصينا ناحية الباب وجوزي قام يفتحه وهو متوتر وبعد ثواني رجع لينا ووشه أصفر بصلي وقال بصوت مخنوق إنتي... إنتي بلغتيهم؟ وقبل ما أريد دخل شخصين للصالون ومعاهم ملف كبير وفي إيديهم ظرف مختوم وأول ما حماتي شافت البطاقات اللي في إيديهم شهقت ورجعت خطوتين لورا وهي بتقول لا... مش للدرجة دي... الشخصين دخلوا بهدوء وسلموا على الموجودين واحد منهم قال إحنا جايين نسلم إخطار رسمي جوزي أخده بإيد مرتعشة وفضل يبص في الورق من غير ما ينطق حماتي قربت منه وقالت بيقول إيه لكن مكنش قادر يرد أنا قلت بهدوء اقراه بصوت عالي فتح الورقة وبعد ثواني صوته اختفى الشخص اللي معاه قال لو حضرتك مش هتقراها أنا أوضح مضمونها هز راسه من غير كلام قال الإخطار ده بخصوص مطالبة برد المبالغ المحولة مع حفظ جميع الحقوق القانونية في حالة عدم الوصول لتسوية خلال المدة المحددة سمر قعدت على أول كرسي وهي حاطة إيديها على وشها وقالت أنا مش فاهمة حاجة أنا مالي بكل ده بصيتلها وقلت لو مكنتيش تعرفي الحقيقة قبل النهارده فإنتي عرفتيها دلوقتي وأتمنى تعملي الصح حماتي قامت وهي بتقول ولا هنرجع جنيه اعملوا اللي تعملوه أنا ضحكت لأول مرة من ساعة ما بدأت الأزمة قلت أنا كنت مستنية الجملة دي كلهم بصوا لي باستغراب فتحت الملف التاني اللي كان معايا طلعت منه صور لتحويلات البنك مرتبة بالشهور وبجانب كل تحويل صورة من الرسالة اللي كان جوزي باعتها في نفس اليوم ابعتي المبلغ دي آخر دفعة لسه ناقصنا جزء بسيط الشقة خلاص قربت كل شهر نفس الكلام ونفس الوعد ونفس الكذبة جوزي مسك رأسه بإيده وقال خلاص كفاية قلت لسه مخلصتش طلعت ورقة تانية دي كانت قائمة بكل تاريخ سحب للمبالغ من حسابه بعد ما كنت بحولهاله وفي نفس الأسبوع كانت فيه دفعات باسم شركة التطوير العقاري يعني الفلوس خرجت من حسابي ودخلت حسابه وبعدها راحت مباشرة في الشقة مبقاش فيه أي مجال للإنكار حماتي بصت لابنها وقالت قول إن الورق ده مزور رد عليها وهو مكسور مش مزور كله صحيح الهدوء خيم على المكان سمر بدأت تبكي بصوت عالي وقالت يعني أنا كنت عايشة في شقة مش من حقي جوزي رد وهو بيبكي لأول مرة الحق كان لازم يرجع لصاحبته من أول يوم أنا اللي ظلمتها بصيتله وقلت الكلام ده كان لازم يتقال من أربع سنين مش النهارده في اللحظة دي رن موبايل سمر بصت في الشاشة واتغير لونها رفعت عينيها لأخوها وقالت بصوت مرتعش في حد من شركة التسجيل العقاري بيقول إنه عايز يقابلنا بخصوص الشقة كلنا سكتنا وجوزي خد نفس طويل وقال واضح إن اللي جاي أصعب بكتير من اللي فات...جوزي فضل باصص في الأرض ثواني طويلة وبعدها قال لسمر ردي عليهم وقولي إننا هنقابلهم سمر ردت وهي إيديها بتترعش وبعد ما قفلت المكالمة قالت حددوا معاد بعد ساعة حماتي قامت بعصبية وقالت محدش هيروح في حتة هنقفل الموضوع بينا بصيتلها وقلت أنا حاولت أقفله بينا لما طلبت فلوسي رفضتوا ولما طلبت تفسير سخرتوا مني دلوقتي الموضوع بقى أكبر مننا خرجنا كلنا في عربيتين طول الطريق محدش كان بيتكلم كل واحد غرقان في أفكاره وصلنا المكتب دخلنا وقعدنا نستنى بعد شوية خرج موظف ونادى على اسم جوزي دخلنا المكتب كان فيه راجل كبير فتح الملف اللي قدامه وقال فيه استفسار بسيط قبل ما نكمل الإجراءات بص لجوزي وسأله المبلغ اللي اتدفع مقدم للشقة كان مصدره إيه جوزي سكت الراجل كرر السؤال المبلغ كان منين حماتي دخلت في الكلام بسرعة من شقا ابني الراجل كتب حاجة في الورق وقال ومع حضرتك ما يثبت ده حماتي اتلخبطت وجوزي فضل ساكت أنا طلعت كشوف التحويلات من شنطتي وحطيتها قدام الراجل وقلت دي كل التحويلات اللي خرجت من حسابي لحساب جوزي خلال أربع سنين وده الإقرار اللي مضى عليه بإيده الراجل خد الورق وقعد يراجعه واحدة واحدة كل دقيقة كانت بتعدي كانت أطول من اللي قبلها لحد ما رفع عينه وقال واضح إن فيه نزاع مالي لازم يتحسم بين الأطراف سمر قالت بسرعة أنا مستعدة أعمل أي حاجة لو الشقة دي فيها حق مش حقي بصتلها لأول مرة وحسيت إن دموعها حقيقية لكن حماتي زعقت فيها اسكتي إنتي هتضيعي مستقبلك سمر ردت وهي بتعيط أنا مش عايزة مستقبل مبني على ظلم الكلمة دي خلت المكتب كله يسكت حتى جوزي بص لأخته باستغراب واضح إنه مكنش متوقع إنها تقف ضده الراجل قفل الملف وقال أنصحكم توصلوا لحل ودي قبل ما الأمور تكبر خرجنا من المكتب أول ما وصلنا الشارع حماتي شدت سمر من إيدها وقالتلها إنتي هتفضلي معايا لكن سمر سحبت إيدها لأول مرة وقالت لا يا ماما أنا تعبت من الكذب أنا هرجع الحق لصاحبته حماتي بصتلها بصدمة وكأنها أول مرة تعرف بنتها أما جوزي فكان واقف ساكت وفجأة طلع موبايله وفتح تطبيق البنك وبصلي وقال أنا فيه حاجة عمري ما قولتهالك وفيه حساب باسمي محدش يعرف عنه حاجة غيري ولو عملت اللي في دماغي دلوقتي كل حاجة هتتقلب في ثانية واحدة وساعتها عرفت إن السر الحقيقي لسه ما اتكشفش.بصيتله باستغراب وقلت حساب إيه قال وهو ماسك الموبايل بإيده قبل ما نتجوز كنت فاتح حساب تاني ومحدش يعرف عنه حاجة حتى أمي حماتي اتلفتت له بسرعة وقالت إنت بتقول إيه رد عليها الحقيقة أنا كنت كل ما يجيلي شغل زيادة أو مكافأة أحطها في الحساب ده كنت عامل حساب لأي ظرف قلتله وده إيه علاقته بفلوسي سكت شوية وقال لأن بعد ما الفلوس اتحطت في شقة سمر كنت ناوي على مدار السنين أرجعهالك من الحساب ده من غير ما تعرفي بس كل مرة أقول بعدين وبعدين بقت سنة وبعدين اتنين لحد ما بقيت خايف أواجهك قلت يعني كنت عارف إنك ظلمتني من أول يوم هز راسه وهو منزل عينه وقال أيوه سمر بصتله بصدمة وقالت يعني كنت سايبني أعيش في شقة وأنت عارف إنها سبب خراب بيتك قال أنا السبب مش إنت حماتي زعقت فيه متفتحش الحساب إنت بتضيع تعب عمرك لف ناحيتها وقال تعب عمري مش أهم من حق الناس فتح تطبيق البنك ودخل على الحساب أنا مكنتش مهتمة أشوف الرقم كنت مهتمة أعرف إذا كان هيصلح غلطه ولا لأ فضل شوية يبص في الشاشة وبعدين اتغير وشه فجأة بدأ يقلب بين الصفحات بسرعة قلت في إيه رد بصوت مخنوق الفلوس... الفلوس مش موجودة حماتي قالت بسرعة يعني إيه مش موجودة قال الحساب كان فيه مبلغ كبير دلوقتي فاضي سمر قربت منه وقالت أكيد في مشكلة في التطبيق قال لأ فيه تحويلات اتعملت من شهرين على حساب تاني أنا اتجمدت مكاني قلت مين اللي حولها جوزي فضل يقلب في تفاصيل العمليات وفجأة وقف رفع الموبايل قدام أمه وقال التحويلات اتعملت من الموبايل اللي في البيت وبرقم التوثيق اللي كان معاكي حماتي شهقت وقالت أنا أنا معرفش حاجة قال الموبايل كان معاكي أسبوع كامل وأنا مسافر مين استخدمه سمر بصت لأمها بخوف وقالت ماما... إنتي عملتي إيه حماتي بدأت تتراجع لورا وهي بتقول أنا... أنا كنت فاكرة إنها فلوسك ومكنتش هتفرق لكن جوزي قاطعها وهو بيصرخ لأول مرة راحت فين الفلوس سكتت كرر السؤال بصوت أعلى راحت فين نزلت دموعها وقالت أنا... أنا حولتهم لشخص كان واعدني بمشروع كبير وقال الأرباح هتتضاعف في شهور قلت يعني نصب عليكي غطت وشها بإيديها وانهارت في العياط وقالت أخد كل حاجة... واختفى ساد صمت ثقيل وجوزي كان واقف كأنه فقد القدرة على الحركة أما أنا فبصيت عليهم كلهم وقلت بهدوء واضح إن الحقيقة لسه مخلصتش لأن الشخص اللي خد الفلوس... ساب وراه اسم ورقم حساب وأنا أعرف حد يقدر يوصله وفجأة رن موبايل جوزي بص في الشاشة واتجمد مكانه وقال بصوت واطي مستحيل... ده هو بنفسه اللي بيتصل. جوزي فضل يبص للموبايل كأنه مش مصدق اللي شايفه سمر قالت بقلق رد عليه لكن إيده كانت بترتعش ضغط على زر الرد وحط الموبايل على السماعة جاله صوت راجل هادي وقال إزيك يا أستاذ أحمد أنا عارف إنك بتدور عليا جوزي قال بعصبية إنت فين رد الراجل بكل هدوء قبل ما تسأل أنا فين اسأل والدتك قالتلك الحقيقة كلها ولا لأ كلنا بصينا على حماتي وشها اصفر فجأة قالت بسرعة متسمعش كلامه الراجل ضحك وقال واضح إنها لسه مخبية عليك جوزي صرخ إتكلم قال والدتك لما حولتلي الفلوس ما قالتليش إنها بتاعت مراتك قالتلي دي فلوسها هي وإنها عايزة تدخل شريك معايا وجابتلي ورق بإمضتها حماتي قاطعته وهي بتزعق كداب الراجل رد بهدوء لو أنا كداب يبقى معايا العقود ليه وسجل المكالمات ليه وأصل التحويلات ليه أنا عندي كل حاجة السكوت خيم علينا أنا كنت ببص لحماتي لأول مرة الخوف الحقيقي باين في عينيها جوزي قال يعني الفلوس راحت قال جزء كبير منها خسر في المشروع والباقي موجود جوزي اتنفس بسرعة وقال يعني هترجعه الراجل قال هرجعه لصاحبه بس بعد ما أقابل صاحبة الحق بنفسي أنا مش أي حد تاني وقفل المكالمة فضلنا واقفين محدش بينطق حماتي قعدت على الرصيف وهي بتعيط وقالت أنا كنت عايزة أكبر فلوسكم مكنتش أقصد يحصل كده قلت بهدوء الطريق للظلم بيبدأ دايمًا بجملة واحدة أنا مكنتش أقصد جوزي كان باصص لأمه بصدمة وقال يعني مش بس خدعتي مراتي إنتي كمان خدعتيني أنا هزت راسها وهي بتعيط وقالت كنت فاكرة لما الفلوس تكتر هرجع لكل واحد حقه لكن خسرت كل حاجة في اللحظة دي وصل إشعار على موبايلي فتحت الرسالة كان فيها عنوان ومكان وميعاد وتحتهم جملة واحدة "لو عايزة تعرفي الحقيقة كاملة تعالي لوحدك" رفعت عيني ناحية جوزي كان هو كمان وصلته نفس الرسالة لكن الغريب إن الميعاد كان بعد ساعة واحدة وفي مكان مهجور محدش فينا يعرف ليه اختاره.بصيت لجوزي وقلت أنا هروح قال بسرعة مستحيل تروحي لوحدك قلت هو كاتب بوضوح لوحدي ولو حس إن حد ورايا ممكن يختفي ومش نشوفه تاني حماتي مسكت في إيدي وقالت بلاش يا بنتي أنا غلطانة ولو الفلوس راحت خلاص قلت وأنا بسحب إيدي دلوقتي بقيتي خايفة عليا بعد ما ضاع أربع سنين من عمري مردتش ركبت العربية واتجهت للمكان كان مخزن قديم في آخر منطقة صناعية الدنيا هادية بشكل يخوف نزلت من العربية وأنا ببص حوالي بعد دقيقة سمعت صوت راجل بيقول متخافيش لفيت لقيته واقف بعيد راجل في الخمسينات لابس بدلة بسيطة وماسك شنطة جلد قرب بهدوء وقال أنا اسمي حسام وأنا مش نصاب اتعصبت وقلت يعني إيه مش نصاب فلوسي راحت فين فتح الشنطة وطلع ملفات وأوراق وحطهم قدامي وقال اقري الأول قعدت أقلب في الورق لقيت عقود شركة وكشوف حسابات وإيصالات تحويل وساعتها اكتشفت إن جزء كبير من الفلوس فعلاً دخل مشروع حقيقي لكن المشروع خسر بسبب شريك هرب بالمبلغ قلت وده يخصني في إيه قال لأن حماتك كانت شريكة معايا رسمي ومعاها توقيع بكل حاجة لكن أنا مقدرتش أوصلها بعد اللي حصل ولما عرفت إن الفلوس أصلها مش بتاعتها قررت أرجع اللي باقي لصاحبه فتح الشنطة مرة تانية طلع ظرف كبير وحطه قدامي وقال ده كل اللي قدرت أنقذه فتحت الظرف كان فيه شيكات ومستندات بمبلغ كبير مش كل فلوسي لكن أكتر من نصها بصيتله باستغراب وقلت ليه مرجعتهمش من الأول قال وهو بيتنهد لأني كنت فاكر إنها فلوسها ولما اكتشفت الحقيقة بدأت أدور عليكي لكن والدتك... أقصد حماتك... كانت كل مرة تمنع أي حد يوصل ليكي سكت لحظة وبعدين قال وفي حاجة لازم تعرفيها قلت إيه طلع صورة قديمة من الملف أول ما بصيت فيها حسيت إن قلبي وقف كانت صورة لجوزي واقف جنب حسام وجنبهم حماتي وقدامهم مجسم لشقة لكن التاريخ المكتوب على الصورة كان قبل جوازنا بسنة كاملة رفعت عيني ناحيته وقلت يعني إيه الصورة دي رد بهدوء يعني مشروع الشقق ده كان متخطط له من قبل ما تتجوزوا وجوازك... ممكن يكون كان جزء من الخطة من البداية في اللحظة دي سمعت صوت عربية وقفت بسرعة برا المخزن وبعدها خطوات بتجري ناحية الباب وفجأة الباب اتفتح بعنف...الباب اتفتح بعنف لفيت بسرعة لقيت جوزي داخل وهو بينهج أول ما شافني جري ناحيتي وقال إنتي كويسة هزيت راسي وقلت أنا كويسة لكن في حاجة لازم تتقال دلوقتي حسام وقف مكانه وقال خلاص مفيش داعي أخبي أكتر من كده جوزي بصله وقال قول قال أنا فعلاً كنت أعرف والدتك من سنين وكان بينا شغل لكن لما جيت تتجوز كان كل اللي أعرفه إنك بتحب البنت دي وعايز تبدأ حياتك أما فكرة إن مرتبها هيتحول كل شهر دي أنا معرفتهاش غير بعد الجواز قلت يعني إنت ملكش علاقة بالخدعة قال لا وأقسم بالله لو كنت أعرف إن الفلوس بتتاخد منها بالطريقة دي ما كنتش قبلت جنيه واحد جوزي قعد على كرسي قديم وحط إيده على وشه وقال يعني كل اللي حصل كان بسبب أمي في اللحظة دي دخلت حماتي المخزن واضح إنها كانت ماشية ورانا من بعيد وشها كله دموع وقالت أيوه أنا السبب أنا اللي أقنعتك كل شهر تاخد منها نص مرتبها وأنا اللي كنت بقولك إن الراجل لازم يبقى معاه الفلوس وأنا اللي قلتلك نكتب الشقة باسم أختك لكن أقسم بالله ما كنتش عايزة أخرب بيتك بص لها جوزي بصدمة وقال يعني كنتي كل مرة تقوليلي دي مصلحة البيت وأنا أصدقك قالت وهي بتعيط كنت فاكرة إني بحميكم لكن طمعي عمى عيني أنا قربت منها وقلت إنتي ظلمتيني حرمتيني من تعبي وكسرتي ثقتي في أقرب الناس ليا في اللحظة دي مد حسام الظرف ليا وقال دي كل المستندات والشيكات اللي قدرت أحافظ عليها والباقي هتستلميه بعد ما تتباع أصول المشروع بصيت في الظرف كان المبلغ كبير لكن اللي لفت نظري ورقة صغيرة مطوية في آخر الملف فتحتها كانت مكتوبة بخط إيد "لو وصلتي للورقة دي يبقى لسه في حاجة محدش قالهالك" تحتها عنوان بنك ورقم خزنة واسم صاحبها أول ما قريت الاسم حسيت جسمي كله اتجمد رفعت الورقة قدام جوزي أول ما شاف الاسم اتراجع خطوة لورا وقال بذهول لا... الخزنة دي باسم أبويا... وأبويا متوفي من خمس سنين. وانتهى المشهد عند السر اللي كان مدفون من سنين واللي واضح إنه هيغير الحقيقة كلها.جوزي فضل يبص للاسم كأنه شايف شبح قرب مني وخد الورقة وقراها مرة واتنين وبعدين قال دي إمضا أبويا فعلًا أنا حافظ خطه حماتي أول ما سمعت اسمه اتغير لونها وقعدت على أقرب كرسي وهي بتقول اقفلوا الموضوع ملهاش لازمة نفتح القديم قلت بالعكس واضح إن كل الإجابات هناك بصيت لجوزي وقلت بكرة الصبح نروح البنك حماتي قامت بسرعة وقالت محدش هيروح جوزي لف ناحيتها وقال ليه سكتت قالها كل ما نوصل لحقيقة تقولي بلاش أنا لازم أعرف عدت الليلة كلها من غير نوم كل واحد فينا كان بيفكر أنا كنت بفكر في الأربع سنين اللي ضاعوا وهو كان بيفكر في أبوه أما حماتي فكانت قاعدة لوحدها في أوضتها ومسمعناش صوتها تاني يوم الصبح رحنا البنك الموظف أخد الورقة وبص عليها وبعدها طلب البطاقة وشهادة الوفاة وإعلام الوراثة جوزي قدم كل المطلوب الموظف دخل جوه أكتر من نص ساعة رجع بعدها ومعاه راجل كبير واضح إنه مدير الفرع ابتسم ابتسامة هادية وقال حضرتك ابن الأستاذ محمود هز جوزي راسه قال المدير والدك جه هنا قبل وفاته بأسبوع وساب تعليمات محددة جدًا قال محدش يفتح الخزنة إلا بعد خمس سنين من تاريخ وفاته ولو ابنه جه بنفسه ياخدها لازم تتفتح قدامه حماتي كانت واقفة ورا ضهرنا ولما سمعت الكلام بدأت تتوتر مدير البنك خدنا ناحية غرفة صغيرة فتح خزنة حديد كبيرة وبعدها طلع صندوق أسود صغير حطه قدام جوزي وقال اتفضل ده أمانة والدك إيد جوزي كانت بترتعش وهو بيفتح الصندوق جواه كان فيه ظرف كبير ومفاتيح ودفتر قديم وفي الآخر فلاشة صغيرة فتح الظرف الأول لقينا خطاب مكتوب بخط إيد والده بدأ يقراه بصوت عالي "يا ابني... لو بتقرأ الرسالة دي يبقى أنا خلاص مش موجود ولو أمك لسه بتتدخل في حياتك بنفس الطريقة اللي أعرفها فاعرف إنك لازم تقف بنفسك أنا كنت شايف طمعها بيكبر يوم بعد يوم وحاولت أصلحه كتير لكن معرفتش وعشان كده سبتلك دليل على كل حاجة" وقف جوزي عن القراية إيده كانت بتترعش بص لحماته لقاها بتعيط في صمت كمل "وفي الدفتر ده سجلت كل الأموال اللي خرجت من حساباتي وفيه سر واحد عمري ما قولته لحد ولو عرفته هتعرف إن البيت اللي إنت عايش فيه مش أكبر حاجة اتاخدت منك" سكتنا كلنا جوزي فتح الدفتر بسرعة وأول صفحة كانت عبارة عن جدول طويل لكن في آخر الصفحة كانت جملة مكتوبة بالقلم الأحمر "ابحث عن عقد الأرض الزراعية... لأنها ليست باسم الشخص الذي تظنه." رفع جوزي عينه ببطء وبص لحماته وقال بصوت مكسور الأرض... أرض أبويا... هي كمان مش باسمه؟ حماتي أول ما سمعت كلمة الأرض قفلت عينيها كأنها كانت مستنية اللحظة دي من سنين جوزي قرب منها وقال ردي عليا الأرض راحت فين قالت وهي بتعيط أنا كنت خايفة قال بعصبية من إيه ردت بعد وفاة أبوك كان علينا ديون كبيرة وأصحاب الديون كانوا بيهددونا كل يوم أنا فقدت السيطرة قلت وده يخليك تكتبي الأرض باسم حد تاني هزت راسها وهي منهارة وقالت أنا كتبتها باسم أخو جوزي كان قايلي هيحافظ عليها لحد ما الدنيا تستقر وبعدين يرجعهالي لكن بعد كام شهر أنكر كل حاجة وقال الأرض بقت بتاعته جوزي ساب الكرسي وقام واقف وقال يعني عمي قالت وهي بتمسح دموعها أيوه هو أول واحد خدعني وأنا بعدها بقيت أخاف من الفقر وبقيت أعمل أي حاجة عشان أحافظ على الفلوس حتى لو غلط أنا بصيتلها وقلت الخوف عمره ما يبرر الظلم نزلت راسها من غير ما ترد جوزي فتح الدفتر يكمل كان فيه تواريخ وأرقام وأسماء وفجأة وقف عند صفحة متعلم عليها بعلامة حمراء قال في حوالة بنكية كبيرة اتعملت قبل وفاة أبويا بيومين مدير البنك قرب وبص على الصفحة وقال لو محتاجين نراجع الأرشيف ممكن نطلع نسخة من المستندات القديمة جوزي وافق فورًا بعد نص ساعة رجع الموظف ومعاه ملف أصفر فتحه قدامنا كانت كل التحويلات موجودة وفي آخر الملف وصل استلام باسم شخص واحد أخو والده يعني عمه جوزي اتنفس بعصبية وقال يبقى بابا كان بيحاول ينقذ الأرض قبل ما يموت لكن عمي استغل مرضه مدير البنك قال في حاجة غريبة كمان كل التحويلات بعدها بأيام اتسحبت نقدًا لكن فيه مبلغ صغير جدًا محدش لمسه لحد النهارده قلت قد إيه قال الرقم مكنش كبير لكن الغريب إنه مربوط بحساب استثماري باسمه جوزي قال افتحوه رد المدير مش هينفع غير بعد توقيع كل الورثة وفي اللحظة دي سمعنا صوت حد بيقول من ورا الباب مش محتاجين يدوروا على باقي الورثة... لأني أنا موجود. لفينا كلنا ناحية الباب وكان الواقف قدامنا راجل كبير ملامحه شبه والد جوزي بشكل يخض وجوزي همس وهو مش مصدق عمي...!الراجل دخل بخطوات هادية وهو باصص في وش جوزي المكان كله سكت حتى مدير البنك وقف مستغرب جوزي قال بصوت مليان غضب إنت جيت هنا تعمل إيه الراجل رد بهدوء جيت لأن الوقت جه تعرف الحقيقة حماتي أول ما شافته قامت واقفة وقالت إنت ملكش عين تدخل بعد اللي عملته بصلها وقال وأنت ليكي الكلمة وقعت عليها كالصاعقة أنا كنت واقفة أتابعهم وكل دقيقة بحس إن في سر أكبر لسه مستخبي الراجل طلع ملف قديم من شنطة جلد كانت معاه وحطه على الترابيزة وقال قبل ما أي حد يحكم عليا افتحوا الملف ده جوزي فتحه بسرعة كان فيه عقود وصور وإيصالات وفي آخر الملف جواب بخط إيد والده قرأ أول سطر واتجمد قلتله فيه إيه قال بصوت متقطع أبويا... كاتب إن عمي رفض ياخد الأرض لنفسه أنا بصيت للراجل باستغراب قال بهدوء أبوك هو اللي سجلها باسمي قلت ليه تنهد وقال لأنه اكتشف إن في ناس كانت بتحاول تستولى على الأرض بسبب ديونه وكان خايف بعد وفاته الدائنين يحجزوا عليها فسجلها باسمي بعقد أمانة واتفق معايا أول ما ابنه يكبر ويقدر يشيل المسؤولية أرجعهاله جوزي كان بيقرأ باقي الخطاب ودموعه نازلة أما حماتي فكانت باصة في الأرض قلت يعني إنت مكنتش ناوي تسرقها قال لا وأقسم بالله كنت مستني اليوم اللي أسلمها لابن أخويا لكن... سكت جوزي قال لكن إيه بص ناحية حماتي وقال لكن والدتك كانت كل ما أكلمها تقولي إنك مش عايز تشوفني وإنك بتكرهني وقالتلي لو ظهرت في حياتكم هتبلغ عني وتقول إني نصاب حماتي غمضت عينيها ومقدرتش تنكر أنا قلت لها يعني فضلتي تقطعي أي حد ممكن يرجع الحق لأصحابه قالت وهي بتعيط كنت خايفة الحقيقة تظهر جوزي قرب من عمه وحضنه لأول مرة من سنين وقال سامحني أنا ظلمتك الراجل ربّت على كتفه وقال ملومكش إنت كنت سامع حكاية واحدة طول عمرك مدير البنك ابتسم وقال الحمد لله إن الحقيقة ظهرت لكن عمي قال لأ لسه الحقيقة كلها مظهرتش كلنا بصينا له فتح الجيب الداخلي للجاكت وطلع مفتاح صغير جدًا وحطه في إيد جوزي وقال ده مش مفتاح الأرض ولا مفتاح الخزنة ده مفتاح أوضة مقفولة في بيت أبوك القديم أبوك وصاني متتفتحش إلا لما تعرف الحقيقة كلها وجواها حاجة واحدةجوزي فضل يبص للمفتاح وهو ساكت قلبه كان بيدق بسرعة لدرجة إن إيده كانت بتترعش قلتله بيت أبوك لسه موجود عمه هز راسه وقال محدش سكنه من يوم وفاته وأنا كل سنة كنت أروح أنضفه وأقفل الباب تاني لأن دي كانت وصيته خرجنا من البنك وروحنا على البيت القديم كان في آخر شارع هادي التراب مغطي الشبابيك والجنينة الصغيرة مليانة حشائش جوزي وقف قدام الباب الرئيسي شوية وبعدين دخله بالمفتاح القديم ريحة المكان كانت كلها ذكريات كل حاجة زي ما هي كرسي والده مكتب خشب قديم وصور العيلة على الحيطة حماتي أول ما دخلت بدأت تعيط وقالت آخر مرة دخلت هنا كانت يوم العزا عمه قال الأوضة فوق طلعنا السلم ببطء وفي آخر الطرقة كان فيه باب صغير عليه قفل قديم جوزي طلع المفتاح اللي عمه اداهوله حطه في القفل لفه القفل اتفتح من أول مرة فتح الباب الأوضة كانت صغيرة فيها مكتبة وترابيزة وخزنة حديد في الركن وفوق الترابيزة صندوق خشب مكتوب عليه بخط واضح "يفتحه ابني بنفسه" جوزي قرب وفتح الصندوق جواه ألبوم صور وشريط فيديو قديم ورسالة بدأ يقرا الرسالة بصوت عالي "يا ابني... لو وصلت لهنا يبقى عرفت إن الحقيقة عمرها ما بتستخبى للأبد ولو مراتك واقفة جنبك دلوقتي فاعرف إنها أوفى إنسانة دخلت حياتك ولو ظلمتها في يوم صلح غلطك قبل ما يفوت الأوان" جوزي وقف عن القراية وبصلي ودموعه نازلة كمل "أنا كنت شايف إنها بنت أصول وعارف إنها هتشيلك وقت الشدة لكن كنت خايف من تدخلات حوالين حياتكم عشان كده سيبتلكم كل الأدلة" قفل الرسالة وهو بيبكي بعدها فتح الألبوم كانت صور قديمة للعيلة وفجأة وقعت صورة من بين الصفحات أنا انحنيت أجيبها ولما قلبتها لقيت مكتوب وراها "الصورة دي اتصورت يوم شراء الأرض الحقيقي" بصينا للصورة كان والد جوزي واقف وجنبه عمه لكن كان واقف معاهم راجل تالت محدش فينا يعرفه وعلى ضهر الصورة مكتوب اسمه بالكامل أول ما عمه قراه اتغير وشه وقال بصدمة لا... ده الراجل ده مات من أكتر من عشرين سنة... وهو الوحيد اللي كان يعرف السر الأخير. هتغير نظرتكم لكل اللي حصل من أول يوم.عمه فضل ماسك الصورة بإيد مرتعشة وقعد يبصلها كأنه رجع عشرين سنة لورا جوزي قال مين الراجل ده رد بعد لحظة سكوت اسمه الحاج عبد الرحيم وكان صاحب والدك وأكتر واحد كان بيثق فيه قلت بس إنت لسه قايل إنه متوفي قال أيوه بس قبل ما يموت ساب حاجة عند محامي البلد وأبوك قالي وقتها لو في يوم ابني احتار يوصل للمحامي أنا بصيتله باستغراب وقلت يعني في ورق تاني هز راسه وقال أيوه خرجنا من البيت القديم واتجهنا على مكتب المحامي كان راجل كبير في السن أول ما عرف اسم والد جوزي قام وقف بنفسه وقال أنا مستني اليوم ده من سنين فتح خزنة صغيرة وطلع ظرف مقفول بالشمع الأحمر وقال أبوك قال محدش يفتحه غير ابنه جوزي فتح الظرف كان فيه جواب واحد وصورة لعقد بدأ يقرا "يا ابني لو وصلت للورقة دي يبقى عرفت إن الناس ممكن تخون لكن متظلمش حد من غير دليل أنا كتبت الأرض باسم أخويا بإرادتي وهو نفذ وصيتي بأمانة أما أمك فهي غلطت بعد وفاتي لكنها مش السبب في كل اللي حصل هي كانت ضحية خوفها وطمع ناس حواليها سامحها لو قدرت لكن متخليش حد يضيع حق مراتك لأنها صاحبة حق" جوزي وقف عن القراية وبكى أول مرة أشوفه بيعيط بالشكل ده لف ناحيتي وقال سامحيني أنا خذلتك قلت السماح محتاج وقت لكن الحق لازم يرجع الأول عمه قال وده هيحصل مد إيده وسلمه عقد الأرض الأصلي وقال من النهارده الأرض رجعت باسمك وأنا ارتحت من الأمانة اللي شايلها حماتي كانت قاعدة في ركن المكتب دموعها بتنزل في صمت وقالت أنا مستعدة أبيع بيتي وأساعد أرجع كل جنيه ليها بصيتلها ولأول مرة حسيت إنها ندمت بجد لكن قبل ما أي حد يتكلم دخل شاب في أواخر العشرينات المكتب وهو بيجري وقال للمحامي فيه مشكلة كبيرة المحامي قال إيه اللي حصل الشاب رد وهو بينهج فيه حد قدم دعوى جديدة النهارده وبيطالب بوقف نقل ملكية الأرض وبيقول إنه الوريث الشرعي الوحيد... ولما قال اسم مقدم الدعوى... عمه وقع منه العقد من الصدمة.عمي فضل باصص في الورق وهو مش مستوعب أما المحامي فابتسم ابتسامة هادية وقال متقلقوش أنا كنت متوقع الحركة دي وأخرج ملف تاني من الدرج وقال اللي رفع الدعوى اعتمد على مستندات قديمة لكن معانا الأصل ومعانا وصية والدك ومعانا كل التوكيلات القانونية وبعد أسابيع من الجلسات والورق والمراجعات صدر الحكم ورجعت الأرض لورثة والد جوزي الحقيقيين وانتهى أي نزاع عليها أما فلوسي فجوزي باع عربيته وكل مدخراته وسمر أصرت تبيع الشقة اللي كانت باسمها بعد ما عرفت الحقيقة ورجعولي كل جنيه أخدوه مني حتى المصاريف اللي دفعتها وأنا بجري بين المحاكم رجعتلي حماتي كانت كل يوم تيجي تعتذر لكن الاعتذار عمره ما يمسح وجع أربع سنين سامحتها عشان أريح قلبي لكن الثقة اللي اتكسرت مستحيل ترجع زي الأول أما جوزي فقالي يومها أنا مستعد أبدأ معاك من الصفر لو إنتِ لسه قابلة بصيتله طويل وافتكرت كل ليلة نمت فيها وأنا بحلم بالشقة اللي كنت فاكرة إنها بتتبني لينا وافتكرت كل مرة حرمت نفسي من حاجة عشان أوفر وقلتله البداية من الصفر سهلة لكن البداية بعد الخيانة أصعب بكتير ومع ذلك هديك فرصة واحدة مش عشانك لكن عشان الإنسان يستحق فرصة يصلح غلطه لما يعترف بيه ويتحمل نتيجته بدأنا حياة جديدة لكن المرة دي كل حاجة كانت واضحة كل حساب معروف وكل قرار بنتناقش فيه ومبقاش فيه أسرار ولا فلوس بتستخبى وبعد سنة اشترينا شقة صغيرة من تعبنا إحنا الاتنين باسمنا إحنا الاتنين وأول مفتاح استلمناه حطيته في إيده وقلتله المفتاح ده مش للشقة المفتاح ده للثقة لو ضاعت مرة تانية ولا شقة ولا فلوس هتعوضها ابتسم وهو قال اتعلمت الدرس بالطريقة الصعبة وأنا كمان اتعلمت إن الست اللي بتحافظ على حقها مش أنانية ولا قليلة أصل دي بتحافظ على كرامتها لأن الفلوس ممكن ترجع لكن الكرامة لو ضاعت صعب جدًا ترجع تمت.

مقالات ذات صلة

انا وصحابي

دياب وفاتن

عقد زواج عرفي

روايه كامله

اماني السيد

اختي خلتني

اترك تعليقاً إلغاء الرد