مايان بنت الحاره
وفي يوم مايان استنت لما فهد كان طالع على السطوح زي زمان طلعت وراه قلبها بيدق جامد قالتله فهد انت ليه بتعمل فيا كده انت ليه بقيت قاسي اوي كده انا عملتلك ايه ده انا استنيتك عشر سنين كل يوم كنت بدعي انك ترجع فهد لف وبصلها بغضب الدنيا كله وقالها انتي اللي عملتي انتي اللي دمرتي حياتي انتي اللي روحتي قولتي لابويا اني بضايقك وانا كنت بحميكي انتي اللي خلتيه يطردني زي الكلب في نص الحارة انتي السبب في كل الذل اللي شفته في الغربة انا كنت بنام في الشارع في البرد وانتي نايمة في سريرك مبسوطة راجع عشان اخليكي تدوقي نفس الوجع راجع عشان اتجوزك لادم واشوفك وانتي بتتعذبي كل يوم قصاد عيني وابقى انتقمت منك ومن اهلك كلهم
مايان انهارت وقعدت على الارض قالتله والله ما حصل والله ما قولت كده ده امي هي اللي قالت كده من خوفها عليا انا كنت بموت بعد ما مشيت انا عمري ما كرهتك ولا عمري قلت عليك كلمة وحشة ده انا كنت بدافع عنك قصاد ابويا لحد ما ضربني وورتني مكان الضرب في دراعها فهد اتصدم حس ان الارض بتلف بيه معقول عشر سنين من عمره ضيعها في الحقد على كدبة معقول ظلم البنت اللي حبته بجد معقول كل الفلوس اللي عملها وكل القوة اللي بقى فيها ما قدرتش تمحي وجعه ولا نسيانه ولا حتى تفرحه لحظة
سكت شوية وعينه دمعت غصب عنه لاول مرة من عشر سنين بس الكبر اللي جواه كان لسه مسيطر قالها حتى لو انتي خلاص هتبقي لاخويا وده احسنلك انا مبقتش فهد بتاع زمان انا دلوقتي واحد تاني ماينفعش واحدة زيك تبقى معاه ونزل وسابها على السطوح بتعيط لوحدها والهوا بيطير شعرها وكانت حاسة ان روحها بتتسحب منها وان الدنيا كلها ضاقت بيها ومش عارفة تعمل ايه ولا تروح لمين
فهد نزل قعد طول الليل صاحي في اوضته القديمة بيبص في صورته وهو صغير مع مايان وادم وسارة كان ماسك الصورة وبيعيط زي العيال الصغيرة لاول مرة يحس انه ضيع عمره في وهم وكان عارف انه لازم يصلح غلطته قبل ما يفوت الاوان وقبل ما مايان تضيع من ايده بجد وتبقى لغيره ويخسرها للابد
يوم الخطوبة جه الحارة كلها متزينة وادم لابس بدلة جديدة ومكسوف ومش عارف يبص في عين مايان ومايان لابسة فستان بسيط بس عنيها وارمة من كتر العياط سيد ماسك ايدها وماشي بيها كأنها رايحة على المشنقة ومليكة بتدعي في سرها وسارة ماسكة ايد اختها وبتعيط وفجأة فهد دخل القاعة كل الناس سكتت كان لابس بدلة بيضا وشكله زي القمر بس وشه كان مهموم ومتردد ومتوتر وعنيه حمرا من السهر
