مايان بنت الحاره
مايان كانت بنت حارة شعبية في شبرا بنت بسيطة وقلبها ابيض زي اللبن الحليب من وهي صغيرة وهي متعلقة بفهد ابن الجيران اللي ساكن قصادهم في البيت اللي وشهم على طول فهد كان اكبر منها باربع سنين كان هو اللي بيذاكرلها وهي في اعدادي وهو في ثانوي كان هو اللي بيجيبلها شيكولاتة من المصروف بتاعه وكان هو اول واحد قالها انتي حلوة لما لبست اول فستان خروج في حياتها وهي عندها اربعتاشر سنة مايان حبته بجنون الاطفال اللي بيكبر معاهم حب بريء مالوش حدود كانت بتصحى كل يوم تبص من البلكونة تشوفه وهو نازل رايح شغله ولا مدرسته وكانت بتستناه وهو طالع السلم عشان تقوله ازيك يا فهد بصوت واطي ومكسوف وكانت بتجري تستخبى بعدها وقلبها بيدق جامد اوي
امها مليكة ست طيبة جدا بس على قد حالها وبتسمع كلام ابوها سيد وابوها سيد راجل شديد وبيحكم بيته بكلمة واحدة مفيش بعدها كلام كان عندها اختها الصغيرة سارة اللي كانت صاحبتها وسرها واخوها ادم اللي كان قريب من فهد اوي زي الاخوات وادم ده اصلا يبقى اخو فهد الصغير بس كان متربي عندهم طول الوقت عشان امه كانت تعبانة وكانت مليكة هي اللي بتاخد بالها منه وتأكله وتشربه وتعتبره ابنها التالت
فهد كان بيحب مايان برضه بس حبه كان حب مراهقة ومسؤولية كان شايفها اخته الصغيرة اللي لازم يحميها لحد ما حصلت الخناقة الكبيرة في يوم ابو فهد شاف مايان وفهد واقفين على باب العمارة بيتكلموا بالليل مايان كانت بتعيط عشان فهد قالها انه هيسافر ايطاليا فهد كان نفسه يروح ايطاليا زي ولاد كتير من الحارة يدور على مستقبله ابو فهد كان راجل شكاك وقاسي افتكر ان في حاجة غلط بتحصل راح مطرود فهد من البيت وضاربه قدام الحارة كلها وقاله انت بتبوظ سمعتنا سيد ابو مايان سمع الموضوع ومسك مايان ضربها وحبسها في البيت شهر كامل ومنعها حتى تبص من الشباك وكانت مليكة بتعيط ومش قادرة تعمل حاجة غير انها تطبطب عليها بالليل وتقولها معلش يا بنتي بكرة يروق
مايان من خوفها ومن ضرب ابوها قالت حاضر يا بابا مش هكلمه تاني وهي كانت فاكرة ان فهد هو اللي بعد عنها بمزاجه وفهد من ناحيته كان فاكر ان مايان هي اللي راحت قالت لابوها ولابوه انه بيضايقها عشان تبعده عنها عشان امها مليكة هي اللي قالت لابو فهد كده عشان تلم الموضوع وتستر على بنتها قالتله بنتي اشتكت منه وبتقول بيضايقها الكلمة دي دبحت فهد وخلته يشيل في قلبه جرح عمره ما لم وكانت كل ما تيجي سيرتها يقفل الموضوع ويقول انسوا البنت دي خالص