عملت اكونت فيك

ضحى ما كانتش عارفة تنام ولا تاكل ولا تذاكر وكل ما تشوف فهد في الجامعة بتهرب منه لحد ما في يوم قررت تواجه نفسها وراحت لمكتب محب اللي كانت بتثق فيه لانه كان طيب وبيهزر مع الطلبة وحكت له كل حاجة من الاول للاخر وهي بتعيط محب اتصدم في الاول وبعدين قالها يا نهار ابيض يا ضحى ايه اللي عملتيه ده انتي عارفة فهد عامل ازاي دلوقتي ده الراجل كان هيتجنن عشانك ده كان بيكلمني عنك كل يوم وبيقول انه لقى البنت اللي هتغير حياته وانتي كنتي بتضحكي ضحى قالت له والله ما كنتش اقصد انا كنت بهزر في الاول وما كنتش اعرف ان الموضوع هيوصل لكده ارجوك ساعدني

محب فكر شوية وقالها بصي يا ضحى الحل الوحيد انك تقابليه وتقوليله الحقيقة بنفسك مهما كانت النتيجة لازم يعرف منك انتي مش من حد تاني ضحى خافت جدا وقالت له هيطردني من الجامعة وهيسقطني محب قالها لا فهد مش كده فهد طيب من جواه بس هو اتوجع وانتي لازم تصلحي اللي كسرتيه

ضحى فضلت يومين تفكر لحد ما خدت قرارها وبعتت لفهد من الاكونت الفيك رسالة اخيرة قالت له انا هقابلك بكرة الساعة خمسة في الكافيتيريا اللي ورا الجامعة وعايزة اقولك على كل حاجة فهد لما قرا الرسالة حس ان روحه رجعت له تاني وبقى مستني بكرة بفارغ الصبر

تاني يوم الساعة خمسة فهد كان قاعد في الكافيتيريا لابس قميص جديد وشكله متوتر وبيبص على الباب كل شوية وفجأة دخلت ضحى وهي لابسة بسيط ووشها اصفر من الخوف وقربت منه وقالت له مساء الخير يا دكتور فهد قالها ضحى انتي بتعملي ايه هنا انا مستني حد ضحى قعدت قدامه وقالت له انا اللي انت مستنيه انا ياسمين فهد اتصدم وما كانش مصدق اللي بيسمعه وقالها انتي بتهزري صح ضحى بدأت تعيط وتحكي له كل حاجة من اول هزارها مع روان ونادين لحد ما الموضوع كبر وبقى يحبها بجد وانها حاولت تبعد بس ما قدرتش وانها جاية النهاردة عشان تعتذر وتطلب منه يسامحها مهما كان العقاب

فهد سكت فترة طويلة كان ساكت لدرجة ان ضحى افتكرت انه هيقوم يمشي او هيزعق فيها بس هو مرة واحدة ضحك ضحكة خفيفة وقالها يعني انتي اللي كنتي بتكتبيلي كل يوم وتقوليلي اصحى بدري واشرب قهوتك وما تنساش تفطر ضحى هزت راسها وهي بتعيط قالها تصدقي انا كنت حاسس انك انتي كنت بشوفك في المحاضرة سرحانة وبتوتري كل ما ابص عليكي وكنت بقول لنفسي معقولة تكون هي بس كنت بخاف اظلمك ضحى قالت له يعني انت مش زعلان مني فهد قالها انا زعلت في الاول طبعا لما عرفت انه كان مقلب بس دلوقتي لما شفتك قدامي وسمعت صوتك حسيت اني مش زعلان بالعكس انا مبسوط انك جيتي وانك طلعتي انتي لاني من اول يوم وانا معجب بيكي انتي يا ضحى بس كنت بكدب على نفسي واقول ده طالبة عندي وما ينفعش