نسيم العشق

عيسى:- مش مهم طول ما انتي بتحبي مصطفى مش مهم

جنة :- مبحبوش بس فى نفس الوقت مش عارفه انسى بس

عيسى :- تمام

جنة :- مش هتقولي كنت عايز تقول ايه

عيسى :- لا و نامي

جنة :- طب مش هتاخدني فى حضنك زي ما كنت عايز

عيسى بوسامة:- انتي عايزة كدا

جنة بخجل :- اه

عيسى :- تمام

استغفر الله العظيم الذي لا اله الا هو الحي القيوم و اتوب اليه ♥️

راح عندها و سحبها لحضنه بحب دفنـ”ت رأسها فى عنقه

:- متزعلش مني يعيسى بس والله موضوع النسيان دا مش بأيدي بس انا عمري ما هفكر فى غيرك وانا على ذمتك انا عمري ما كنت ولا هكون كدا

عيسى :- خلاص يجنة ارجوكي مش عايز اسمع حاجه عن الموضوع

جنة بتلقائية :- والله العظيم مش بحبه والله العظيم حاليا مفيش غيرك شاغل تفكيري دلوقتي

عيسى :- ازاي

جنة :- تصبح على خير

عيسى فهم انها مش عايزة تتكلم دلوقتي أو لانها مش واخد عليه مش حابة تتكلم معاه فى اللي حاسه من ناحيته

قبـ”ل رأسها بحب :- وانتي من اهل خير

نور كانت نايمة مصطفى كان معدي من قدام الاوضة بتاعتها دخل وقعد جانبها ملس على شعرها بحب و دفـ”ن رأسه فى عنقها نور صحيت اما حسيت بحركته

نور : بتعمل ايه هنا

مصطفى:- وحشتينى

نور :- طب امشي

مصطفى:- انا عايز تبقي مراتي يا نور

نور :- و السبب

مصطفى:- عشان انتي مراتي ودي حقوقي وانا عايزاها

نور :- كفاية ترخصـ”ني اكتر من كدا و امشي يمصطفى

مصطفى وهو بيضغط على أنفه وبيرشف لانه كان لسه واخد جرعة من البود”رة :- مش ماشي

راح عند الباب و قفله بالمفتاح

نور بخوف وهي بترجع لورا:- مصطفى انت هتعمل ايه بقولك اخرج من هنا

مصطفى بدموع وهو بيقرب منها: قولتلك مش هخرج انا عايزاك يا نور وانا جوزك مش حد غريب انتي بتحبني صح

نور ببكاء:- بس انا مش عايزة هتاخد حاجه غصـ”بن عني هترضاها على نفسك

مصطفى:- مش هيبقى غصـ”ب عشان انتي بتحبيني وانا محتاجك

بدأ يقرب منها وهي بتبعد بخوف لحد اما حاصرها اتكلمت ببكاء و صوت عالي

: يا جدو يا جدو الحقني يا طنط كريمة حد يلحقني

حط ايده على فمها ليمنع صوتها ، فجأة خرج كل اللي فى القصر من اوضهم على صوت نور ، اتجهوا كلهم ناحية الاوضة

كامل بغضب وهو بيخبط على الباب

:- افتح يمصطفى بقولك افتح الباب دا

مصطفى: دي مراتي ومحدش ليه دعوة امشوا كلكم و متدخلوش