نسيم العشق
عيسى :- نادين انتي فاهمة غلط
لا حول ولا قوة الا بالله العلي العظيم ♥️
جنة اتجمعت الدموع فى عينيها و جت تخرج بس عيسى مسك ايديها بسرعة
:- والله الموضوع مش شبه ما هي بتقول
جنة وهي بتمسح دموعها:- خلاص يعيسى انت مش مضطر تبرر اللي هي بتقوله انت حر اعمل اللي انت عايزاه عن اذنكوا
عيسى :- لا مش هتمشي استني
بعدت ايديها عنه بقوة و خرجت
عيسى جيه يخرج وراها بس نادين وقفت قدامه
عيسى بصوت عالى وغضب :- انا مبحبكيش انا بعشقها هي بحبها هي و بس كنت عايز ادي لقلبي فرصة معاكي عشان انساها بس معرفتش معرفتش يا نادين معرفتش احب غيرها لا انتي ولا مليون واحدة غيرك هتشيل جنة من قلبي يا ريت تفهمي دا كويس وتبطلي تلاحقيني بقى انتي خـ”ربتي بيتي
قال كلامه وساب المكتب و خرج بسرعة ورا جنة
جنة كانت واقفة قدام باب الشركة بتوقف تاكسي كانت واقفة بتعيط بشدة جت عربيه قدامها وفضلت تزمر بس هي كانت تايهة و مش سامعة حاجة فاقت من شرودها وهي فى حضن عيسى اللي شدها عليه بخوف
عيسى:- مش تحاسبي يا جنة كانت هتخـ بـطـك
جنة بدموع:- نزلت ليه خليك ما حبيبة قلبك و ملكش دعوة بيا
عيسى:- طب ممكن نطلع نتكلم فوق براحة
جنة :- مليش كلام معاك يعيسى و زي ما قولتلك فوق انت مش مضطر تبرر اي حاجه و لو سمحت لما نوصل الصعيد طلـ….قـني
عيسى :- والله العظيم انتي فاهمة غلط والله العظيم ما بحبها
جنة :- كفاية كدب بقى اذا كان هي اللي قالت فوق انك انت اللي كنت عايزاها
عيسى :- اه انا بعترف أن اللي قالته صح بس مش عشان بحبها عشان انسى كنت بدي لقلبي فرصة معاها عشان اطلع الوحيدة اللي عشقتها من قلبي
جنة : معناها انك بتحب واحدة تانية خلاص روح لى اللي بتحبها وسابني
قالت كلامها وهي بتمشي بس مسكها و شدها عليه لتتصدم بصدره بصلها فى عينيها بحب واتكلم بهمس وهو بيسند بجبينه على جبينها
:- انتي اللي بحبها انتي و بس
جنة بصدمة:- ايه
عيسى:- انا بحبك يجنة وكنت عايز ابقى مع نادين عشان انساكي
جنة :- ليه
استغفر الله العظيم الذي لا اله الا هو الحي القيوم و اتوب اليه ♥️
عيسى بصوت عالى و دموع :- عشان انتي كنتي مرات اخويا عشان مكنش ينفع احبك وانتي بتحبي اخويا مكنش ينفع وانتي على زمته بس والله العظيم حاولت كتير و معرفتش انا مش خايـ”ن يا جنة بس قلبي هو اللي اختارك اعمل ايه