نسيم العشق

لا حول ولا قوة الا بالله العلي العظيم ♥️

* فى المستشفى و تحديداً فى غرفة عيسى الجبالي *

فريدة : طب هروح انا اعمل مكالمة صغيرة و راجعة تاني

عيسى :- خدي راحتك

خرجت فريدة من الغرفة ، جنة كانت قاعدة على الكنبة و دموعها فى عينيها

جنة :- عيسى انت زعلان مني

عيسى بألم وهو بيمسك ايديه ، جنة راحت عنده بسرعة واتكلمت بخوف شديد

:- مالك فيه ايه انادي الدكتور

عيسى وهو بيمسح دموعها:- مالك بتعيطي ليه

جنة بدموع :- انا مضايقة من نفسي عشان اتكلمت كدا على مرات عمي كريمة قدامك انا آسفة

عيسى :- يعني لو كنتي اتكلمتي من ورايا مكنتيش هتزعلي من نفسك بصي يجنة انتي مراتي وانا بحبك و كل حاجه بس دي امي يعني عندي خط احمر مش هسمح ليكي أو لغيرك انه يتكلم عليها فى وجودي أو فى غيابي نص كلمة حتى و كل اما استوعبتي دا اسرع كل اما كان احسن ليكي تمام

جنة بصوت مخـ”نوق من العياط

:- تمام

عيسى فتحلها دراعه السليم راحت قعدت جانبه و حطيت رأسها على صدره

جنة :- انا آسفة يعيسى انت معاك حق انا لازم احترامها كملت ببكاء

:- بس انا نفسي يعاملوني زي ولادهم انا انا اتحـ”رمت من امي من وانا لسه موعتيش على الدنيا لما كنت بسأل عليها عشان كنت ببقى محتاجها اوي و كانوا بيقلولي طلعت عند ربنا كنت بروح لمرات عمي كريمة عشان تقعدني فى حضنها زي حنين عشان كنت ببقى محتاجه لحضن ام كانت بترفض كان نفسي تعاملني شببها اوي والله كان نفسي احس بالشعور دا

عيسى بحزن على حالتها وبحنية مفرطة

:- هششش اهدي وانا روحت فين كل اما تحسي انك محتاجة لحضن تطلعي فيه حزنك انا موجود يحبيبتى كمل بغمزة

:- هو انا اكره

خجلت من كلامه وهي لسه دافـ”نة رأسها فى صدره

* فى كلية الطب جامعة سوهاج و تحديدا في مكتب كريم *

حنين بصدمة وهي بتبص للورقة

:- دي مش ورقتي

كريم :- اوماال اسم مين المكتوب عليها ايه مبتعرفيش تقري حنين كارم الجبالي

حنين :- دا مش خطي ودي مش ورقتي اكيد فيه حاجه غلط

قام من على كرسي مكتبه بغضب و راح وقف جانبها

:- قصدك ايه انا اللي عملت كدا

حنين:- هو ليه حضرتك بتقولني كلام انا مقولتش بقول لحضرتك اكيد فيه حاجه غلطة ممكن يكون حد من الطلبة و لو دورنا فى الورق اكيد هنلاقي ورقتي الحقيقة