نسيم العشق
عيسى :- خلاص انا مش زعلان تعالي نامي
راحت قعد جانبه على السرير
لا حول ولا قوة الا بالله العلي العظيم ♥️
جنة :- لا انت باين عليك زعلان خلاص انا اسفة طب اعمل ايه عشان متزعلش طيب
راحت عنده و ميلت عليه باسـ”ته من خده بحب و خجل
عيسى وقتها فتح عينيه وشدها عليه اكتر
عيسى بهمس وهو بيبص لعينيها الرمادية:- كدا انتي صالحتيني يعني
جنة بخجل وهي بتزيح شعرها ورا ودنها:- اه مش زعلان صح
اتعدل و مسك ايديها بحب و اتكلم بهدوء
: انا عارف انك متعرفنيش كويس بس انا اصعب حاجه بالنسبالي ان يتشك فيا دا مش مقبول نهائي بالنسبالي لا وكمان جاية تقوليلي طلقـ”ني بجد يجنة المرة دي انا مزعلتكيش عشان انتي متعرفنيش بعد كدا أنا مش عارف غضبي ممكن يوصلني لي ايه
جنة :- عيسى انا بدأت اخاف منك
اللهم صلي وسلم وبارك على سيدنا محمد وعلى اله وصحبه اجمعين ♥️
عيسى:- انا فعلا غضبي و عصبيتي يخوفوا بس انا بحاول على اد ما اقدر معاكي انتي بالذات مطلعهمش يجنة
جنة :- تمام انا عايزة انام
عيسى :- زعلتي ليه دلوقتي
جنة بدموع:- عشان انتوا كلكوا جاين عليا انا والله عملت كدا من خوفي انتوا محدش فيكم حاسس بيا حتى لو نسيت مصطفى حتى لو بدأت اشيله من قلبي
عيسى قبض ايده بغضب وهو بيحاول يتحكم فى نفسه من فكرة انها لسه بتفكر في مصطفى
جنة بصتله بخوف :- خلاص انا اسفة تصبح على خير
عيسى :- كملي سامعك
جنة :- انا مش عارفه انسى مش عارفه انسى دخلته وهو ماسك ايد نور وبيقول دي مراتي مش قادرة انسى و هو بيطلقـ”ني خلى اليوم اللي كنت بستناه طول عمري هو اسوء يوم فى حياتي
عيسى :- قصدك تقولي ان اليوم اللى اتجوزتيني فيه كان اسوء يوم فى حياتك تمام وانا اكيد مش هخليكي على ذمتي وانتي فى قلبك غيري
جنة بخوف :- يعني ايه
عيسى :- مش دلوقتي يجنة مش دلوقتي عشان ميقولوش فى البلد أطلقت من تاني يوم عشان ميتكلموش عليكي
جنة :- انت ليه بتفهمني غلط انا مقولتش كدا يعيسى بس حط نفسك مكاني انا كنت سلعة يعيسى مصطفى طلق جنة عيسى موجود انت لو حسيت باللي حسيته وقتها كنت هتفهمني
عيسى بعصبية مفرطة:- انتي اللي مش حاسة بيا يجنة
جنة :- انت مالك يعيسى
عيسى :- انا انا
جنة :- انت ايه سامعاك يا ريت تفكلي غموضك دا وتقولي
