تولين
رين وشها اتقلب مية لون، من صدمة وفرحة وطمع، وعينيها لمعت وقالت بجد يعني انت غني وعندك شركات وعربيات، يعني انا هبقى غنية، امير بصلها بقرف شديد وقال لها اه غني، غني قوي، بس انتي محبتنيش وانا فقير، انتي حبتي فكرة انك تغيظي صاحبتك وتاخدي حاجة مش بتاعتك، انتي عمرك ما حبتيني، انتي حبيتي تغيظي تولين وبس، وده بان لما فضلتي طول الخطوبة تسأليني عن مرتبي وتقوليلي امتى هتسيب شغلانة ابوك الفقيرة دي وتشوف لك شغلانة عدلة، انتي كشفتي نفسك بنفسك.
تولين كانت واقفة مصدومة وبتعيط ومش مصدقة اللي بتسمعه، امير راح لحد عندها ومسك ايدها قدام كل الناس وقال لها انا كنت مستنيكي انتي، وكنت عارف انك بتحبيني بجد، بس انتي خفتي من كلام الناس، وانا مقدر خوفك عشان عارف تربيتك عاملة ازاي، بس اللي بيحب بجد مبيخافش، وانتو يا اهل تولين لو بنتكم غالية عليكم بجد هتحبوها لاختيارها مش لمنظركم الكداب.
صفوان طلع ملف من شنطته وقال ده تنازل من امير عن كل حاجة لرين لو هي عايزة تكمل الجوازة عشان الفلوس، بس لو عايزة تطلق حالا هتاخد مؤخر كبير وتمشي، رين عينيها لمعت ولسه هتقول موافقة اخد الفلوس والشركات، بس امير قطع كلامها وقال لها لا، الجوازة دي باطلة اصلا عشان مبنية على كدب وغش وخداع، وانا عمري ما كتبت الكتاب لسه، المأذون لسه مجاش وكل ده كان اختبار اخير ليكي وانت سقطتي فيه بجدارة.
رين اتفضحت قدام كل الناس وجريت بره القاعة وهي بتعيط من الفضيحة والطمع والندم، والناس كلها بقت تتكلم عليها.
تولين جريت على امير وحضنته وهي بتعيط وتقوله سامحني انا كنت جبانة وخفت اواجه اهلي، امير قال لها انا مسامحك عشان عارف انك بتحبيني وانك اتربيتي بطريقة صعبة خلتك تخافي من كلام الناس، بس من النهاردة مفيش خوف تاني، ولو عايزة تكملي معايا لازم تقفي قدام اهلك وتقولي انك بتحبيني وانا زي ما انا، سواء غني او فقير، وسواء ابن ساعي او ابن وزير.
تولين فعلا روحت ووقفت قدام اهلها في الصالون الكبير وقالت لهم انا بحب امير سواء كان ابن ساعي او صاحب شركة، ولو انتو بتحبوني بجد هتقفوا جنبي، انا مش عايزة اتجوز منظرة، انا عايزة اتجوز راجل يحبني ويحترمني، اهلها في الاول اتصدموا وزعقوا جامد، بس لما عرفوا انه وريث وغني وكمان ابن ناس ومتربي وابن اصول، وافقوا فورا وقالوا ده نسب يشرف، وده وجع تولين قوي من جواها وخلاها تفهم ان اهلها بتوع مظاهر فعلا وبيحبوا الفلوس، بس قالت معلش هغيرهم مع الوقت وهعلمهم ان الفلوس مش كل حاجة.
