بشري
. والمدير العام بشرى الشناوي تؤكد: الخطوة القادمة ستغير موازين السوق .انقبض قلبه وجف حلقه وهو يرى صورتها؛ كانت تقف بكامل أناقتها وثقتها، وبجانبها لفت انتباهه ذلك الرجل، جبريل الجيار، بهيبته ونظرته المليئة بالفخر الموجهة نحوها.في هذه اللحظة، خرجت نهى من الغرفة وهي تلوح ببطاقة مشترياتها وتتحدث بنبرة حادة:ـ رشاد.. أنا كلمتك الصبح وقلتلك إن الليميت بتاع الفيزا مش مكفي، وعايزة أشتري الفستان والشنطة اللي قلتلك عليهم عشان فرح صاحبتي الأسبوع الجاي. إنت مبتردش عليا ليه؟أغلق رشاد الهاتف بعنف وقام واقفاً، وقد فاض به الكيل:ـ فستان إيه وشنطة إيه دلوقتي يا نهى؟! إنتي مابتشبعيش؟ ما لسه جايبلك طقم الأسبوع اللي فات!
إنتي فاكرة جيبى ده مبيفضاش؟لوت نهى فمها بضيق وقالت بنبرة مستفزة:ـ جرى إيه يا رشاد؟ ما إنت اللي كنت بتدلع وتقوللي اؤمري يا حبيبتي وكل اللي عايزاه هيجيلك.. إيه اللي اتغير دلوقتي؟ ولا هي الحجج بدأت عشان توفر؟نظر إليها رشاد وكأنه يراها لأول مرة على حقيقتها. قفزت إلى ذاكرته فوراً صورة بشرى؛ بشرى التي تحملت معه في بداياته، التي كانت توازن الأمور بحكمة، التي ضحت بطموحها وسنة كاملة من عمرها في بيته دون أن تشتكي أو تطلب ما يفوق طاقته، بل كانت هي السند والأمان الذي لم يدفعه مليمًا واحدًا لشرائه.
قال بصوت مخنوق بالندم والغضب:ـ اللي اتغير إني فقت.. فقت وعرفت إن فيه ناس بتعوز بني آدم عشان يسندها، وناس تانية بتعوز بنك يصرف عليها!صاحت نهى بحدة وعيناها تتسعان:ـ قصدك إيه؟ قصدك مين يعني؟ لو مش عاجبك طلقني ورجع ست بشرى بتاعتك اللي كنت مابتسمعش صوتها! بس افتكر إنها هي اللي رمتك، والكل في السوق بيتكلم عن نجاحها دلوقتي ومحدش فاكرك أصلاً!ض.رب رشاد الطاولة بيده بعنف أهتزت له أركان الغرفة، وصرخ فيها:ـ اخرسي! ماتجبيش سيرتها على لسانك!تركها ودخل غرفته وأغلق الباب وراءه بقوة، وجلس على طرف السرير يدفن وجهه بين كفيه.
كلمات نهى الأخيرة أصابت منه مقتلاً؛ “الكل بيتكلم عن نجاحها ومحدش فاكرك”. أخرج هاتفه مجدداً ونظر إلى صورتها مع جبريل. شعر بغيرة تحرق ضلوعه، ليست فقط غيرة رجل على امرأته السابقة، بل غيرة إنسان فاشل يرى من تركها تصعد إلى القمة بخطوات ثابتة، بينما هو يهبط إلى القاع مع امرأة اختارها بهواه.أدرك رشاد، وهو يستمع إلى صوت بكاء نهى المصطنع في الخارج، أن حبل العلاقة بينهما بدأ يتآكل سريعاً، وأن طيف بشرى ونجاحها الجديد لن يتركا له مجالاً ليعيش بسلام في خياره الخاطئ.وفي نفس الوقت الذي كانت فيه جدران شقة رشاد تهتز بالمشاحنات، كانت هناك جدران أخرى تشهد ولادة مشاعر من نوع مختلف تماماً.
