وريثه في السر
في ثانية، ملامحه اتغيرت.
سألته:
«في إيه؟»
لكن ياسين ما ردش عليا فورًا.
بص ناحية الغرفة اللي فيها بناتي.
وبعدين بص لي.
قال:
«جوزك مش جاي عشان يرجّع بناته.»
قلبي وقع.
«أمال جاي ليه؟»
قام ياسين واتجه ناحية الباب.
قفله بالمفتاح.
وبعدين قال:
«عشان عرف مين اللي أنقذك.»
سكت لحظة.
وبص لي نظرة خلت جسمي كله يقشعر.
«من اللحظة دي… إنتِ والبنتين بتوعك تحت حمايتي.»
قلت بخوف:
«بس هو مش هيسكت.»
رد بمنتهى الهدوء:
«ولا أنا.»
في نفس اللحظة، بدأت عربيات الحراسة تنتشر حوالين الفيلا.
رجالة ياسين خدوا أماكنهم.
وأنا لأول مرة بدأت أفهم حجم المصيبة اللي جوزي حط نفسه فيها.
هو كان فاكر إنه رمى مراته وبناته ومحدش هيهتم.
كان فاكر إن الفلوس والسلطة هيحموا ظهره.
وكان فاكر إن بنتين مالهمش لازمة.
لكن اللي هو ماكانش يعرفه…
إن الست اللي رماها للموت بقت تحت حماية أخطر رجل في البلد.
والبنتين اللي قال عليهم «لعنة»…
بقوا بالنسبة لياسين خط أحمر.
وجوزي، من اللحظة اللي عرف فيها إن ياسين الدمنهوري هو اللي أنقذنا…
كان لازم يعرف إن اللعبة اتغيرت تمامًا.
حكايات شروق خالد
فضلت باصة لياسين وأنا مش فاهمة هو بيقول إيه بالظبط.
“يعني إيه عرف إنك اللي أنقذتنا؟”
ياسين ما ردش.
كان واقف عند الباب، ضهره ليا، ووشه ناحية الشباك.
واحد من رجاله دخل بسرعة وقال:
“يا باشا، العربيات اللي كانت واقفة عند الطريق اتحركت.”
ياسين لف له.
“ناحية هنا؟”
“أيوه.”
سكت ثانيتين.
وبعدين قال:
“زودوا الحراسة على البوابة.”
الراجل هز راسه وخرج.
أنا قلبي بدأ يدق بسرعة.
قلت:
“هو جه؟”
ياسين بص لي.
“مين؟”
“جوزي.”
“لسه.”
“أمال مين؟”
قرب مني وقال:
“رجالة جوزك.”
اتخضيت.
“يعني إيه؟”
“يعني هو مش مستني يدخل البيت بنفسه.”
سكت شوية، وبعدين كمل:
“هو بعت ناس يتأكدوا إنك هنا.”
حسيت الدم نشف في عروقي.
“هيعمل إيه؟”
ياسين رد بمنتهى الهدوء:
“ده السؤال اللي أنا هعرف إجابته.”
حاولت أقوم من السرير تاني.
“لازم أشوف بناتي.”
المرة دي ما منعنيش.
مد إيده وساعدني أقف.
رجلي كانت بتترعش، وكل خطوة كانت بتوجعني، لكنه فضل ماسك دراعي لحد ما خرجنا من الأوضة.
دخلنا غرفة الحضانة.
وأول ما شفت بنتيَّ، دموعي نزلت.
كانوا نايمين في سريرين صغيرين جنب بعض.
