حين التقيت

اتجوزت واطلقت وخلفت وانا لسه ١٨ سنه بنتي كان عندها ٨ شهور لما قررت اخاطر واشتغل مرافقه لست عجوزه كنت مفكره إنها مقيمه لوحدها ودا اللي جراني وخلاني اجيبها معايا الشغل واللي خلاني اشتغل اصلا لاني وحيده وكله بعد الطلاق بعد عني .. لكن مكنتش اعرف اني هخرج في يوم واسيبها نايمه ارجع والاقيها نايمه في حضن وسيم بربري متملك هيدمرني ويبنيني ويعشقني مره مره واحده... اسمي مريم...اتجوزت وأنا لسه عندي 18 سنة. كنت فاكرة إني هبدأ حياة سعيدة...لكن الجواز ماكملش. واتطلقت بسرعة...وساعتها كانت بنتي ليان لسه عندها 8 شهور...بعد الطلاق...بقيت لوحدي. أهلي بعدوا عني...وكل واحد انشغل بحياته. ومبقاش قدامي غير إني أنزل أشتغل علشان أعرف أصرف على بنتي. لما لقيت شغل كمرافقة لسيدة كبيرة في السن...وافقت من غير تفكير. قالوا لي إنها عايشة لوحدها...وده اللي شجعني. قلت طالما مفيش حد في البيت... يبقى أقدر أخد بنتي معايا بدل ما أسيبها مع حد. أول يوم...وصلت الفيلا. استقبلتني ست كبيرة اسمها الحاجة فاطمة. كانت هادئة وطيبة. رحبت بيا وببنتي...وقالت بابتسامة: "اعتبري المكان مكانك."بدأت شغلي. وكانت ليان نايمة بهدوء في سرير صغير جنب أوضة الحاجة...بعد شوية... الحاجة طلبت مني أنزل أجيب لها دوا من الصيدلية اللي آخر الشارع.قالت:مش هتتأخري... عشر دقايق بالكتير. بصيت على بنتي...كانت نايمة نوم عميق. غطيتها كويس..ونزلت بسرعة...لكن الصيدلية كانت زحمة. ولما رجعت...كان باب الفيلا مفتوح...وقلبي اتقبض. جريت على الأوضة...لكن السرير...كان فاضي. حسيت إن روحي خرجت مني..فضلت ألف بعيني في المكان وأنا برتعش...لحد ما سمعت صوت هادي جاي من الصالون...دخلت أجري...واتجمدت مكاني. لقيت بنتي نايمة بكل هدوء... في حضن شاب طويل شكله فوق الثلاثين، ملامحه حادة، وهيبته تخوف. كان باصص لها بابتسامة كانه اول مره يضحك أول ما شافني...وقف بهدوء. وقال: "متخافيش... كانت بتعيط." مديت إيدي بسرعة أخد بنتي...لكنه قبل ما أسحبها... الحاجة فاطمة قالت من ورايا:"استني يا مريم." لفيت أبصلها. فقالت وهي بتبص ليه: "اعرفك... ده ابني عبدالرحمن... الدكتور عيدالرحمن..وصاحب الفيلا دي كلها." بصيت له في ارتباك. وهو فضل باصص لي وللبنت ببرود وصمت يخليك هتجنن وبعدين قال اللي صدمني... لايـك وسيبلـي كومنـت وهـرد عليكـم باللينكـ بعـد شـوية وقـت صـغيرين _ حكـايـات أسمـا السـيد ممنوع النسخ..ممنوع صياغتها...وانت حر كان صوته هادي بشكل مستفز. بصلي بنفس النظرة الجامدة اللي مكنتش قادرة أفهمها، وقال: "البنت دي... اسمها إيه؟" رديت بسرعة وأنا باخد ليان من حضنه وأضمها لصدري: "ليان." هز راسه مرة واحدة. وقال وهو لسه باصص عليها: "جميلة." ماعرفتش أرد. كنت مرعوبة أكتر من إني أتكلم. الحاجة فاطمة ابتسمت وقالت وهي قاعدة على الكرسي: "عبدالرحمن مابيجيش هنا غير كل كام أسبوع. النهارده جه فجأة يطمن عليا." فضل ساكت شوية. وبعدين سألني من غير ما يبصلي: "أنتِ سيبتيها لوحدها؟" اتوترت. وقلت بسرعة: "الحاجة طلبت مني أنزل أجيب الدوا... وكانت نايمة... وأنا افتكرت إني هرجع في عشر دقايق." رفع عينه وبصلي لأول مرة. كانت نظرة غريبة... لا هي قاسية... ولا هي حنينة... بس حسيت إنها بتخترقني. قال: "العشر دقايق دول كانوا نص ساعة." قلبي وقع. بصيت للحاجة. قالت بحرج: "الصيدلية كانت زحمة يا ابني." رد عليها بهدوء: "أنا مش بكلم حضرتك." وبعدين رجع بصلي وقال: "لو كنت اتأخرت خمس دقايق كمان... كان ممكن أي حد يدخل البيت." حسيت بالدموع بتتحشر في عيني. وقلت بصوت مكسور: "أنا آسفة." ما ردش. لف وخرج من الأوضة. وسمعت صوت خطواته وهو بيطلع على مكتبه اللي في الدور التاني. ... من اليوم ده... عرفت إن الحاجة فاطمة ماكنتش عايشة لوحدها. ابنها كان عنده فيلا تانية وشغل ومستشفيات وسفر. لكنه كل فترة ييجي يقعد معاها يوم ولا اتنين. وده معناه... إني هبقى بشوفه كتير. أول أسبوع... كان بيتعامل معايا كإني مش موجودة. يدخل... يسلم على أمه... يبص على ليان ثانيتين... ويمشي. ولا مرة سألني عن اسمي. ولا مرة حتى بصلي بشكل مباشر. لحد صباح... غير كل حاجة. كنت في المطبخ بعمل فطار للحاجة. وليان كانت قاعدة على الأرض بلعبتها البلاستيك الصغيرة. فجأة سمعت صوت خبطة. جريت. لقيت ليان وقعت وهي بتحاول تقوم. قبل ما أوصلها... كان عبدالرحمن سبقني. شالها بسرعة. وقال وهو بيطمن عليها: "براحة يا بطلة." الغريبة... إن ليان... بدل ما تعيط... مسكت ياقة القميص بتاعه وضحكت. فضل يبصلها ثواني... وكأنه نسي الدنيا كلها. دخلت أخدها منه وأنا محرجة. وقلت: "آسفة." بصلي باستغراب. وقال: "بتعتذري على إيه؟" قلت: "علشان عطلت حضرتك." رد بمنتهى البرود: "هي ماعطلتنيش." وسكت شوية. وبعدين مد إيده بحاجة صغيرة. كانت لعبة دب أبيض. قال: "كنت شاريها لبنت مريضة في المستشفى... لكن أهلها خرجوا قبل ما أوصلها." بصيتله باستغراب. قال: "خليها عند ليان." وقبل ما ألحق أشكره... كان مشي. ... من اليوم ده... ليان بقت أول ما تسمع صوت عربيته... تزحف ناحية الباب. والأغرب... إنه عمره ما تجاهلها. كل مرة يدخل... يبقى أول واحد يسلم عليها. مرة يشيلها. مرة يضحكها. مرة يجيب لها لعبة. أما أنا... فكنت حاطة بينا ألف حاجز. كل ما يقرب... أبعد. كل ما يتكلم... أرد في حدود الشغل. أنا جاية أشتغل. مش أعيش قصة جديدة. قلبي اتكسر مرة... ومش مستعدة أجرب تاني. لكن... كان في حاجة مقلقاني. كل مرة عبدالرحمن يبصلي... أحس إنه عارف عني أكتر ما أنا متخيلة. لحد الليلة... اللي سمعته فيها بيتكلم في التليفون. كنت معدية من قدام المكتب علشان أجيب بطانية للحاجة. وسمعته بيقول بصوت منخفض: "أنا متأكد إنها هي... وهتأكد بنفسي." وقبل ما أكمل خطوة... فتح باب المكتب فجأة. واتقابلت عيني بعينه. فضل يبصلي ثواني طويلة... وبعدين قال جملة خلت الدم يتجمد في عروقي: "مريم... إحنا لازم نتكلم. في حاجة تخص جوازك الأول... وإنتِ لحد دلوقتي ماتعرفيهاش." الفصل الثاني قلبي وقف لحظة. إزاي يعرف حاجة عن جوازي الأول؟ أنا نفسي كنت بحاول أنسى الفترة دي بكل اللي فيها. بصيت له بارتباك وقلت: "حضرتك... تقصد إيه؟" خرج من المكتب وقفل الباب وراه بهدوء. كان لابس قميص أبيض، وكامه مرفوعة، وعينيه ثابتة عليا. قال: "تعالي المكتب خمس دقايق." اتراجعت خطوة. "لا... لو في حاجة قولها هنا." رفع حاجبه باستغراب. "إنتِ خايفة مني؟" رديت بسرعة: "أنا بخاف من أي حد." لأول مرة... ابتسم ابتسامة خفيفة. وقال: "واضح." وسابني ومشي. ... طول الليل... كلامه ما فارقش دماغي. إيه اللي يعرفه؟ هو عرفني منين؟ وهل له علاقة بطليقي؟ ولا مجرد تشابه أسماء؟ في الصبح... بعد ما الحاجة فاطمة نامت بعد الفطار... سمعت الخدامة القديمة بتقولي: "الدكتور بيقولك تطلعي المكتب." خدت نفس طويل. ودخلت. المكتب كان كبير. رفوف مليانة كتب طبية. وصور شهادات من جامعات بره. وركن كامل فيه ألعاب أطفال. استغربت. قلت من غير ما أفكر: "حضرتك عندك أطفال؟" هز راسه بالنفي. "لأ." "أمال الألعاب دي؟" سكت ثواني. وبعدين قال: "بجيبها للأطفال اللي بييجوا المستشفى... وأوقات لما بيبقوا خايفين." حسيت إن الصورة اللي رسمتها عنه بدأت تتغير. أشارلي أقعد. وقالي: "إنتِ اتجوزتي كام سنة؟" "سنة إلا شوية." "وطليقك اسمه كريم؟" اتسمرت مكاني. "حضرتك... تعرفه؟" فتح درج المكتب. طلع ملف بني. وحطه قدامي. وقال: "افتحيه." إيدي كانت بترتعش. أول ورقة... كانت صورة لطليقي. لكن مش لوحده. كان واقف جنب راجل كبير. وفي الصورة ختم شركة معروفة. بصيت لعبدالرحمن. قال بهدوء: "كريم كان شغال عندي." شهقت. "إيه؟" "قبل ما يتجوزك بسنة." ماكنتش مستوعبة. هو عمره ما قالي إنه اشتغل في شركة كبيرة. دايمًا كان يقول إنه ظروفه صعبة. قال عبدالرحمن: "أنا ماكنتش أعرف إنه جوزك وقتها." بلعت ريقي. "وبعدين؟" سند ضهره على الكرسي. وقال: "اترفت." "ليه؟" "سرقة." قلبي دق بعنف. صرخت من غير ما أحس: "مستحيل." رد بكل هدوء: "وده اللي كنت متوقعه منك." فتح الملف. طلع مستندات. كاميرات. تقارير. إقرار مكتوب بخط إيد كريم. أنا كنت ببص للورق... لكن مش شايفة. كل اللي في دماغي... إن الراجل اللي اتهمني طول جوازنا إني السبب في فشله... كان هو اللي ضيع نفسه. عبدالرحمن قال: "أنا ما قلتلكيش علشان أكرهك فيه." "أمال ليه؟" "لأن من أسبوع... كريم جه هنا." جسمي كله اتجمد. "إيه؟" "دخل الفيلا." بصيتله بخوف. "إمتى؟" "اليوم اللي نزلتي فيه تجيبي الدوا." افتكرت باب الفيلا المفتوح. افتكرت إني لما دخلت لقيت ليان في حضنه. قال: "أنا اللي خرجته." همست: "كان هنا؟" هز راسه. "وكان بيسأل عليكي." قلبي بدأ يدق بجنون. "هو عرف مكاني؟" "أيوه." "ليه؟" سكت شوية. وبعدين قال: "كان عايز ياخد البنت." صرخت: "مستحيل!" "دي بنته." "افتكرها دلوقتي؟" نزلت دموعي. "وقت ما كنت بموت من الجوع أنا وهي... ما سألش." "وقت ما كنت بلف على الشغل... ما سألش." "وقت ما ليان كانت بتعيط بالليل من السخونية... ما افتكرش إنه أبوها." عبدالرحمن فضل ساكت. سابني أطلع كل اللي جوايا. وبعدين قال بهدوء: "هو مش جاي علشان الأبوة." بصيتله. "أمال علشان إيه؟" فتح ظرف أبيض. طلع منه صورة. ولما بصيت فيها... حسيت إن الأرض بتميد بيا. كانت صورة ليان... ووراها مكتوب بخط إيد كريم: "دي آخر حاجة هتفضل ليكي لو ما رجعتيش." شهقت وأنا حاطة إيدي على بقي. "دي... دي كانت في بيتي." رفع عينه وقال: "أيوه." "يعني دخل بيتي؟" "وأكتر من مرة." اتراجعت لورا وأنا مش قادرة أتنفس. "إنت بتقول إيه؟" قال بصوت ثابت: "هو كان بيراقبك من شهور." وفي اللحظة دي... سمعنا صوت صرخة مرعبة جاية من تحت. كانت الحاجة فاطمة بتصرخ بكل قوتها: "الحقوا... ليان... حد يخطف ليان!" أنا وعبدالرحمن جرينا ناحية السلم بكل سرعة... ولما نزلنا الصالون... لقيت عربية سوداء واقفة قدام باب الفيلا... وبابها الخلفي مفتوح... وليان... مش موجودة. الفصل الثالث "ليـــــــــان!" الصوت خرج مني كأنه طلع من آخر نقطة في روحي. جريت ناحية الباب وأنا حافية، حتى ما حسيتش بالإزاز الصغير اللي كان على الأرض وجرح رجلي. عبدالرحمن سبقني. فتح باب الفيلا بعنف، ونزل درجات السلم في ثواني. العربية السودا كانت بدأت تتحرك. صرخ في الحارس: "اقفل البوابة... بسرعة!" الحارس ضغط الزر، لكن العربية كانت خرجت قبل ما البوابة الحديد تنزل بالكامل. عبدالرحمن جري ناحية عربيته. فتح الباب ورمى المفتاح ناحيتي. وقال بصوت حاد: "اركبي." بصيتله بذهول. "أنا؟" "دي بنتك... هتفضلي واقفة؟" ركبت من غير تفكير. أول مرة أركب معاه. وأول مرة أشوفه بالشكل ده. كل هدوءه اختفى. وشه بقى جامد. وعروقه باينة. أدار العربية وانطلق بسرعة جنونية. كنت ببص للطريق وأنا ببكي. "دي بنتي... بالله عليك هاتها... أنا معنديش غيرها." قال من غير ما يبصلي: "هرجعها." "لو حصلها حاجة هموت." قبض على الدركسيون بقوة. وقال بنبرة واثقة: "طالما أنا عايش... محدش هيقدر يقرب منها." الكلمة دي... رغم خوفي... خلت جزء مني يهدى. بعد خمس دقايق... تليفونه رن. حطه على السماعة. جاله صوت واحد من رجال الأمن. "يا دكتور... العربية اتعرف رقمها." "مين؟" "متأجرة باسم شخص مزور." "والكاميرات؟" "فيها لقطة واضحة للسواق." عبدالرحمن قال بسرعة: "ابعتها." بعد ثواني... وصلت الصورة على شاشة العربية. أول ما شفتها... شهقت. "مستحيل!" كان السواق... أخو طليقي. سامي. الشخص اللي كان كل ما يشوفني يقول: "إنتِ ضيعتي أخويا." عبدالرحمن لمح ارتباكي. "تعرفيه؟" هززت راسي. "أخو كريم." قال بهدوء: "يبقى كريم وراه." فضل ساكت دقيقة. وبعدين لف العربية فجأة في طريق جانبي. استغربت. "إحنا رايحين فين؟" "عارف هيودوها فين." بصيتله بدهشة. "إزاي؟" "لأن دي مش أول مرة كريم يعملها." اتجمدت. "يعني إيه؟" أخذ نفسًا عميقًا وقال: "بعد ما اترفد من الشركة... اشتغل مع ناس بتخطف أطفال مقابل فلوس." بصيتله وأنا مش مصدقة. "لأ... مستحيل." "أنا كنت شاهد في قض\ية قديمة." دموعي نزلت أكتر. إزاي أنا اتجوزت إنسان بالشكل ده؟ إزاي كنت نايمة جنبه؟ وفجأة... عبدالرحمن فرمل العربية بقوة. قدامنا مخزن قديم. بابه الحديد مقفول. لكن العربية السودا كانت واقفة قدامه. عبدالرحمن نزل بسرعة. فتح الشنطة. طلع منها شنطة إسعافات... وجهاز صغير. استغربت. قلت: "ده إيه؟" رد وهو بيلبسه في ودنه: "جهاز اتصال." "إنت مستدعي الشرطة؟" "قبل ما نخرج من الفيلا." وفي اللحظة دي... وصلت أربع عربيات شرطة بهدوء من آخر الشارع. وقفت بعيد. واحد من الضباط نزل وجري على عبدالرحمن. صافحه بسرعة وقال: "كل القوة جاهزة." أنا كنت ببص ومش فاهمة. الضابط بيتكلم معاه وكأنه يعرفه من زمان. سألت: "إنت تعرفهم؟" رد وهو مركز على المخزن: "اشتغلت معاهم في قضايا كتير تخص الأطفال." حسيت لأول مرة... إن الراجل ده مش مجرد دكتور ناجح. فيه حاجات أكبر بكتير. فجأة... سمعنا صوت بكاء. صوت ليان. كان جاي من جوه المخزن. صرخت: "ليان!" وجريت ناحية الباب. لكن عبدالرحمن مسكني بسرعة. "استني." "بنتي جوه!" "وده اللي هم عايزينه." "سيبني!" شدني ناحيته وقال لأول مرة بصوت عالي: "لو دخلتي دلوقتي... ممكن تموتي وتموتيها معاكي." وقفت مكاني وأنا بنهار. بعد ثواني... إشارة واحدة من الضابط... وفجأة... القوات اقتحمت المخزن من تلات اتجاهات. صوت تكسير. وصراخ. وضرب نار في الهوا. قلبي كان هيقف. كل ثانية كانت سنة. لحد ما... الباب اتفتح. وخرج ظابط شايل ليان. أول ما شفتها... جريت عليها. حضنتها بكل قوتي. فضلت أبوسها وأنا بعيط. "الحمد لله... الحمد لله." لكن ليان كانت بتبص ورايا. وبتمد إيديها الصغيرة. مش ليا... لعبدالرحمن. عبدالرحمن شالها بهدوء. أول ما لمست كتفه... بطلت عياط. وحطت راسها على صدره ونامت. الضابط ابتسم وقال: "واضح إنها بتحبه." عبدالرحمن ما ردش. كان مركز على راجلين الشرطة اللي خارجين وهم ماسكين شخص مكبل. بصيت... ولما شفت وشه... رجليا خانتني. كان كريم. طليقي. كان بيبصلي بنظرة كلها كره. ورغم إنه متقيد... ابتسم. ابتسامة خلت جسمي يقشعر. وقال بصوت عالي: "افتكرتوا إن الموضوع خلص؟" الضابط زقه وقال: "امشي." لكن كريم كمل وهو بيبص لعبدالرحمن: "قولها الحقيقة يا دكتور." أنا بصيت لعبدالرحمن باستغراب. "حقيقة إيه؟" ابتسم كريم ابتسامة خبيثة وقال: "قولها... ليه اخترتها تشتغل في الفيلا دي بالذات... وإنت كنت عارف هي مين من أول يوم." وساعتها... لفيت أبص لعبدالرحمن. ولأول مرة... شفت التردد في عينيه. وسكوته... أكدلي إن كريم... مش بيكدب. يتبع الفصل الرابع "يعني إيه؟" الكلمة خرجت مني وأنا ببص لعبدالرحمن. هو فضل ساكت. أما كريم... فكان بيضحك وهو متكتف. قال بسخرية: "ما قالكيش؟" الضابط شده بعنف. "امشي قدام." لكن كريم رفع صوته وهو بيتسحب: "اسأليه... هو كان مستني اليوم اللي يشوفك فيه من خمس سنين." اختفى جوه عربية الشرطة. وسابني واقفة... ببص لعبدالرحمن. ليان كانت لسه نايمة على كتفه. وهو ملامحه جامدة. قلت بصوت مهزوز: "رد عليا." سكت. "إنت كنت تعرفني؟" أغمض عينه لحظة. وبعدين قال: "أيوه." حسيت إن قلبي وقع. اتراجعت خطوة. "يبقى كل اللي حصل كان تمثيل؟" "لا." "إزاي لا؟" "أنا فعلاً اتفاجئت لما شوفتك قدام باب الفيلا." صرخت فيه: "بس كنت تعرفني!" أخذ نفسًا طويلًا. وقال: "تعالي... مش هينفع الكلام ده هنا." ... بعد ساعة. رجعنا الفيلا. الحاجة فاطمة كانت بتبكي وهي حاضنة ليان. وأول ما شافتنا... حضنتني بقوة. "حقك عليا يا بنتي... أنا السبب." حضنتها وأنا بعيط. "الحمد لله إنها رجعت." عبدالرحمن قال للحرس: "من النهارده... محدش يدخل أو يخرج إلا بإذني." وبعدين بصلي. "لما تهدي... هحكيلك كل حاجة." ... بالليل. ليان كانت نامت. وأنا قاعدة في الجنينة. مش قادرة أبصله. هو جه وقعد على الكرسي اللي قدامي. حط قدامه صندوق خشب صغير. وقال: "قبل خمس سنين... كنت مدير مستشفى خيري." فضلت ساكتة. فتح الصندوق. طلع منه ملف قديم. وقال: "وفي يوم... دخلت المستشفى بنت عندها نزيف شديد." رفعت عيني. "كانت حامل." اتوترت. "وبعدين؟" "جوزها كان واقف برا." قلبي بدأ يدق. قال بهدوء: "كان كريم." اتسمرت مكاني. كمل كلامه: "كان رافض يدفع تمن العملية." دموعي بدأت تنزل. "كان بيقول..." سكت ثانية. وكأنه مش قادر يعيد الجملة. ثم قال: "لو ماتت... أتجوز غيرها." شهقت. "مستحيل." فتح الملف. طلع تقرير طبي. وقال: "دي القض\ية اللي خلتني أفتكر اسمه." بصيت في الورق. كان فيه توقيع الدكتور المشرف. وتاريخ... نفس تاريخ الحادثة اللي كنت دخلت فيها المستشفى وأنا حامل في الشهر السابع. افتكرت... اليوم ده. لما وقعت من على السلم. وكريم سابني في البيت أكتر من ساعة وهو بيقول: "استحملي." قبل ما يوافق يوديني المستشفى. كنت فاكرة إنه كان خايف. طلع... كان مستني أموت. عبدالرحمن قال: "أنا اللي دخلتك العمليات." بصيتله بصدمة. "إنت؟" "أيوه." "بس أنا عمري ما شوفتك." ابتسم ابتسامة حزينة. "لأنك كنتي فاقدة الوعي." دموعي نزلت أكتر. قال: "بعدها خرجتي من المستشفى... واختفيتي." "وأنا نسيت وشك." "طبيعي." سكت لحظة. ثم قال: "لكن أنا منستكيش." رفعت عيني ببطء. "ليه؟" ابتسم وهو باصص بعيد. "لأنك أول مريضة في حياتي... صحيت من البنج، وأول كلمة قالتها وهي بين الحياة والموت كانت..." ابتلع ريقه. ثم بصلي. وقال: "بنتي... أنقذوا بنتي." سكت. وأنا دموعي بتنزل في صمت. كمل: "ولا سألتي عن نفسك." "ولا عن وجعك." "ولا عن حياتك." "كل اللي كان شاغلك... بنتك." خفضت رأسي. وأفتكرت اليوم ده. أنا فعلًا... مش فاكرة أي حاجة غير إني كنت بخاف على ليان. قال: "من ساعتها... عرفت إنك أم عظيمة." سألته بصوت منخفض: "طيب... ليه ما دورتش عليا؟" ضحك ضحكة خفيفة كلها مرارة. "دورت." "إيه؟" "لكن كريم كان نقل من البيت." "وملفك خرج من المستشفى باسم عنوان قديم." "وفقدت أي طريق يوصّلني ليكي." فضلت ساكتة. قال: "ولما أمي قالتلي إنها لقت مرافقة جديدة جاية ببنت صغيرة..." "مجرد ما قالت اسمك..." "شكيت." "ولما شوفتك..." "عرفتك." همست: "وعشان كده كنت بتبصلي بالطريقة دي." هز رأسه. "كنت متأكد إنك إنتِ." "لكن كنت مستني تتكلمي براحتك." سألته: "وأمي... أقصد الحاجة فاطمة... كانت تعرف؟" "لأ." "ولا حد غيري كان يعرف." في اللحظة دي... رن هاتف عبدالرحمن. رد بهدوء. لكن ملامحه اتغيرت فجأة. وقف مرة واحدة. وقال: "إزاي خرج؟!" أنا انتفضت. "في إيه؟" قفل المكالمة. وبصلي بقلق لأول مرة. وقال: "كريم هرب من الترحيلات." قبل ما أستوعب الكلمة... سمعنا صوت رصاصة... جاية من برة الفيلا. وبعدها مباشرة... الأنوار كلها انطفت. وغرق المكان... في ظلام كامل. الفصل الخامس أول ما الأنوار انطفت... قلبي وقف. ليان! كانت أول حاجة جت في دماغي. جريت ناحية أوضتها من غير ما أشوف قدامي. لكن قبل ما أوصل... إيد قوية مسكت دراعي. شهقت بخوف. ولما سمعت صوته... عرفت إنه عبدالرحمن. قال بهدوء غريب رغم الفوضى: "متتحركيش لوحدك." قلت وأنا برتعش: "بنتي..." قال بسرعة: "معايا." وشاور ناحية الحاضنة الصغيرة. ليان كانت لسه نايمة... ولا حاسة بأي حاجة. عبدالرحمن شالها في ثانية. وبإيده التانية طلع كشاف صغير من درج الكونسول. نور شعاع خفيف. وقال بصوت منخفض: "اقفي ورا ضهري." سمعت صوت جري برا. وبعدين... تكسير إزاز. الحراس بدأوا يصرخوا. "حد دخل من السور الخلفي!" عبدالرحمن ضغط زر في ساعة كانت في إيده. بعد ثواني... أنوار الطوارئ الحمرا اشتغلت في كل الفيلا. المكان بقى مرعب. كل حاجة لونها أحمر. والسكوت... أخوف من أي صوت. قال لي: "هنطلع أوضة أمي." سألته بخوف: "ليه؟" "أأمن مكان." طلعنا السلم بسرعة. الحاجة فاطمة كانت قاعدة على السرير بتقرأ قرآن. أول ما شافتنا... عرفت إن في حاجة حصلت. قالت: "كريم؟" عبدالرحمن هز رأسه. "هرب." الحاجة فاطمة غمضت عينيها وقالت: "كنت حاسة إنه مش هيستسلم." بصيت لها باستغراب. "حضرتك تعرفيه؟" اترددت. وبعدين قالت: "للأسف... أعرفه أكتر مما تتخيلي." لفيت أبص لعبدالرحمن. ملامحه اتشدت. واضح إنه ماكنش عايزها تتكلم. لكنها قالت: "الحقيقة لازم تتقال." قعدت على الكرسي. وقالت وهي بتتنهد: "قبل ست سنين..." "كريم اشتغل في واحدة من شركات عبدالرحمن." "وفي يوم..." "سرق ملف طبي." استغربت. "ملف طبي؟" عبدالرحمن رد: "كان ملف لطفلة مريضة." "الملف كان فيه بيانات متبرعين كبار." الحاجة فاطمة كملت: "باع البيانات لعصابة نصب." أنا فهمت ليه اترفد. لكن... إيه علاقته بيا؟ سألت: "وده دخله بإيه؟" عبدالرحمن بصلي. وقال: "لأن بعد ما اترفد..." "فضل مقتنع إن أنا السبب في خراب حياته." "ومن يومها..." "وهو بيحاول ينتقم." سكت شوية. ثم كمل: "وأول طريقة للانتقام..." "كانت إنه يدور على أي نقطة يقدر يوجعني بيها." قلت بعدم فهم: "بس أنا مالي؟" بصلي نظرة طويلة. وقال: "لأنه عرف..." "إني عمري ما نسيت الست اللي أنقذتها." اتسعت عيني. "إنت بتقول إن..." قاطعني: "هو افتكر إنك نقطة ضعفي." قبل ما أتكلم... سمعنا جهاز اللاسلكي عند الحارس. "يا دكتور... قبضنا على واحد." عبدالرحمن خرج بسرعة. ونزلنا وراه. في الجنينة... كان في شاب متكتف. وشه مليان تراب. وأول ما شافني... قال بسرعة: "أنا والله غصب عني." عبدالرحمن سأله ببرود: "مين باعتك؟" الشاب بلع ريقه. "كريم." "كان عايز إيه؟" سكت. الضابط زقه. "اتكلم." قال وهو بيبكي: "كان عايز البنت." حضنت ليان أكتر. عبدالرحمن سأل: "ليه؟" رد الشاب: "قال... لو معرفش يوصل للأم..." "هيوصل للبنت." وفي اللحظة دي... جهاز تليفون الشاب رن. الضابط شغله على السماعة. وطلع صوت كريم. كان بيضحك. ضحكة باردة خلت جسمي يقشعر. وقال: "كنت عارف إنكم هتمسكوه." عبدالرحمن قال بحدة: "إنت فين؟" رد كريم بهدوء: "مش مهم أنا فين." "المهم..." "إن اللعبة لسه بدأت." "وأوعدك يا دكتور..." "المرة الجاية..." "مش هاجي علشان أخطف ليان." سكت ثانية. ثم قال الجملة اللي خلت الدم يتجمد في عروقي: "هطلع أمها من حياتها... للأبد." وانقطع الاتصال. ساد صمت ثقيل. الضابط بص لعبدالرحمن وقال: "هنزود الحراسة." لكن عبدالرحمن كان باصص في شاشة التليفون. وفجأة... وشه شحب. قلت بقلق: "في إيه؟" ناولني التليفون. ولما بصيت... حسيت إن الدنيا بتلف بيا. كانت صورة... متصورة من برة أوضة ليان. بتاريخ... من أمس. وتحتها رسالة قصيرة: "أنا أقرب ليكم مما تتخيلوا... وفي حد من جوه الفيلا بيشتغل معايا." الفصل السادس فضلت أبص للصورة... إيدي كانت بتترعش. الصورة متصورة من برة أوضة ليان. يعني... حد كان واقف قدام بابها. وإحنا كلنا جوه البيت. همست وأنا مخنوقة: "يعني... كان هنا؟" عبدالرحمن أخد التليفون من إيدي. كبر الصورة. ركز فيها ثواني. وبعدين قال للضابط: "كبروها." بعد دقائق... الصورة ظهرت على شاشة اللابتوب. عبدالرحمن قرب منها جدًا. وبعدين ابتسم لأول مرة. الضابط استغرب. "في إيه؟" قال وهو بيشاور على طرف الصورة: "غلط." كلنا بصينا. مش فاهمين. قال: "بصوا على المراية." في آخر الصورة... كان ظاهر انعكاس شخص واقف بعيد. لابس يونيفورم عمال الجنينة. لكن... في حاجة غلط. الحارس المسؤول عن الجنينة... كان إيده الشمال مبتورة من سنتين في حادث. أما الشخص اللي في الصورة... كان ماسك الموبايل بإيده الشمال. يعني... مش هو. الضابط قال بسرعة: "يبقى متنكر." عبدالرحمن هز رأسه. "ومش بس كده." "ده دخل الفيلا قبل كده أكتر من مرة." أوامره خرجت بسرعة: "اقفلوا كل البوابات." "راجعوا بصمة كل موظف." "وأي حد جديد اتعين آخر ست شهور... يتجمع فورًا." ... خلال نص ساعة... كل العاملين كانوا واقفين في الجنينة. الطباخة. السواق. الخدامات. عمال الزراعة. الحراس. عبدالرحمن كان واقف قدامهم. نظراته ثابتة. قال بهدوء: "في واحد فيكم بيشتغل مع كريم." الكل اتصدم. واحدة من الخدامات بدأت تعيط. السواق قال: "إحنا بقالنا سنين هنا يا دكتور." لكن عبدالرحمن كان مركز على شخص واحد. شاب صغير. لسه جديد. اسمه ياسر. كان عرقان بشكل غريب. قال له: "من إمتى شغال هنا؟" "من... من شهرين." "مين رشحك؟" اتلخبط. "واحد صاحبي." "اسمه؟" سكت. عبدالرحمن قرب منه. وقال بصوت منخفض: "كريم؟" في اللحظة دي... الشاب جري. لكن الحراس مسكوه بسرعة. وقع منه موبايل. الضابط فتحه. أول رسالة كانت من رقم من غير اسم. "صورلي أوضة البنت كل يوم." قلبي وقع. أنا حضنت ليان بقوة. مش قادرة أتخيل إنه كان بيراقبها كل يوم. الضابط قال للشاب: "اعترف." انهار. وقعد يعيط. "والله أنا معرفش حاجة." "كريم إداني فلوس." "وقاللي كل المطلوب أصور البيت." عبدالرحمن سأله: "وبعدين؟" "من أسبوع طلب مني أسيب باب الجنينة الخلفي مفتوح." "ويوم الخطف..." "أنا اللي فتحتله." بصيت للشاب بصدمة. "يعني إنت السبب؟" فضل يبكي. "أنا مكنتش أعرف إنه هيخطف طفلة." عبدالرحمن بص للضابط. "خدوه." أثناء ما كانوا بيمشوا... الشاب صرخ فجأة: "استنى!" الضابط وقف. قال وهو بيبكي: "في حاجة لازم تعرفوها." عبدالرحمن لف له. "اتكلم." قال: "كريم مش لوحده." ساد صمت. "في راجل غني بيموله." عبدالرحمن عقد حواجبه. "مين؟" "معرفش اسمه." "بس كريم كان بيناديه..." سكت لحظة يحاول يتذكر. ثم قال: "الباشا." عبدالرحمن اتغيرت ملامحه فجأة. أول مرة أشوف الخوف في عينيه. قلت بسرعة: "إنت تعرفه؟" ما ردش. الضابط سأله: "مين الباشا؟" عبدالرحمن فضل ساكت ثواني. ثم قال: "لو هو اللي في دماغي..." "يبقى إحنا لسه ما بدأناش." استغربت. "يعني إيه؟" نظر لي مباشرة وقال: "فيه شخص بينتقم مني من أكتر من عشر سنين." "عنده فلوس... ونفوذ... ورجالة في كل مكان." "ولو هو فعلاً رجع..." "يبقى كريم مجرد أداة." قبل ما أستوعب كلامه... دخل أحد الحراس وهو بيجري. وشه كان أصفر من الرعب. وقال بصوت متقطع: "يا دكتور..." "وصل طرد باسم الآنسة مريم." بصيت باستغراب. "أنا؟" الحارس قال: "ومكتوب عليه..." "يفتح بمعرفة الأم فقط." الضابط طلب يفحصه. لكن قبل ما يلمسه... صدر من الصندوق صوت... بكاء طفل صغير. كل الأنظار اتجهت للصندوق. أما أنا... فحسيت إن قلبي هيقف قبل ما أعرف... مين اللي بعت الطرد... وإيه اللي مستخبي جواه. الفصل السابع صوت بكاء الطفل كان واضح... خافت... لكنه حقيقي. كل اللي واقفين اتجمدوا. الضابط رفع إيده بسرعة. وقال: "محدش يقرب." واحد من رجال المفرقعات كان لسه موجود بعد تفتيش الفيلا. جري ناحية الصندوق. بدأ يفحصه بجهاز صغير. دقيقة... اتنين... ثلاثة... وبعدين قال: "مفيش أي متفجرات." عبدالرحمن بنفسه قرب. وقال للحارس: "هاتلي جوانتي." لبسه... ورفع غطا الصندوق بهدوء. وأنا واقفة مكاني... نفسي محبوس. أول ما الغطا اتفتح... شهقت. ماكانش فيه طفل. كان فيه... لعبة على شكل رضيع صغير. ومركب جواها جهاز تسجيل. أول ما اتعرض للضوء... اشتغل لوحده. وطلع صوت كريم. "مبروك... اختبار صغير وعدى." ابتسم بصوته ابتسامة مستفزة. "كنت عايز أعرف... لما تسمعوا صوت طفل... هتنسوا عقولكم ولا لأ." عبدالرحمن قفل التسجيل بعصبية. لكن لقى ظرف أبيض تحت اللعبة. فتح الظرف. طلع منه ورقة واحدة. كلها مكتوبة بخط إيد كريم. قرأها... وفجأة وشه اتغير. قلت بقلق: "مكتوب فيها إيه؟" سكت. مد الورقة للضابط. الضابط قرأها... وبص لعبدالرحمن بدهشة. قلت بعصبية: "حد يفهمني!" عبدالرحمن سلمني الورقة. كان مكتوب فيها: "دوروا على شهادة ميلاد ليان... يمكن تكتشفوا إن الحقيقة أكبر بكتير." وقعت الورقة من إيدي. قلت بغضب: "ده مجنون." عبدالرحمن انحنى وجاب الورقة. وقال بهدوء: "هو مجنون... لكن عمره ما بيكتب حاجة من غير هدف." بصيتله بعدم فهم. "يعني إيه؟" قال: "لازم نشوف شهادة الميلاد." استغربت. "ما هي عندي." "هاتيها." ... طلعت أوضتي. فتحت الشنطة اللي بحط فيها أوراقي. طلعت ملف بلاستيك. فتحت. بطاقة. قسيمة الطلاق. شهادة تطعيم ليان. لكن... شهادة الميلاد... مش موجودة. قلبت الشنطة كلها. الدولاب. الشنطة القديمة. كل حاجة. وأنا بصرخ: "مش موجودة!" عبدالرحمن دخل بسرعة. "دوري كويس." "بدور من ساعة." "كانت هنا." قعدت على الأرض وأنا بعيط. "أنا عمري ما خرجتها." عبدالرحمن فضل ساكت. بعدين قال: "يعني حد خدها." في اللحظة دي... الحاجة فاطمة دخلت. وقالت: "استني." كلنا بصينا لها. قالت وهي بتحاول تفتكر: "من أسبوع... شوفت واحدة من الخدامات بتنضف أوضتك." قلت: "بس أنا ما طلبتش." قالت: "افتكرتها بتساعد." عبدالرحمن خرج بسرعة. بعد عشر دقايق رجع. ملامحه كانت جامدة. قلت: "خير؟" قال: "الخدامة اختفت." "إيه؟" "وسابت تليفونها مقفول." الضابط قال: "واضح إنها هربت." عبدالرحمن رد: "أو اتسحبت." ... الساعة كانت قربت اتنين بعد نص الليل. البيت كله صاحي. ولا حد عارف ينام. ليان كانت في حضني. وفجأة... صحيت من النوم. وبدأت تبكي. فضلت أهديها. لكنها كانت بتشاور بإيدها الصغيرة ناحية باب الأوضة. بصيت. مافيش حد. عبدالرحمن قال: "يمكن حلمت." لكن ليان... فضلت تبص لنفس المكان. وترفض تسكت. قربت من الباب. فتحته. الممر كان فاضي. لفيت أقفله... لكن لمحت حاجة تحت الباب. ورقة صغيرة. اتحنيت وجبتها. كانت مطوية. فتحتها. لقيت جواها صورة قديمة جدًا. صورة ليا... وأنا في فرحي. لكن اللي صدمني... إن الصورة كانت مقصوصة. أنا وكريم واقفين... لكن الجزء اللي كان فيه وش كريم... متشال. وخلف الصورة... جملة مكتوبة بحبر أسود: "ابحثي عن الراجل اللي كان واقف وراكي ليلة فرحك... لأنه الوحيد اللي كان عارف إن جوازك مش هيكمل." رفعت عيني لعبدالرحمن. همست: "مين الراجل ده؟" عبدالرحمن أخد الصورة... وأول ما شافها... وشه فقد لونه. وقال بصوت منخفض جدًا: "لا..." "مش ممكن يكون رجع..." قلت بخوف: "تعرفه؟" رد وهو لسه مركز في الصورة: "أعرفه..." "وده الشخص... اللي كنت بدعي طول السنين اللي فاتت... إني ما أشوفوش تاني أبدًا." يتبع الفصل الثامن الكلمة وقعت على قلبي زي الحجر. بصيت لعبدالرحمن وقلت بصوت مرتعش: "مين هو؟" فضل ساكت. كان باصص للصورة كأنه رجع سنين لورا. الحاجة فاطمة قربت منه. وأول ما لمحت الصورة في إيده... وشها اصفر. همست: "بعد كل السنين دي... رجع؟" أنا بقيت ببص بينهم. "حد يفهمني!" عبدالرحمن رفع عينه ليا. وقال بهدوء: "اسمه شريف المنياوي." الاسم كان غريب عليا. هزيت راسي. "أنا معرفوش." قال: "لكن هو يعرفك." اتجمدت. "إزاي؟" تنهد وقال: "لازم أحكيلك من البداية." ... "من سبع سنين... أنا كنت شريك في مستشفى استثماري كبير." "وشريف كان صاحب أكبر نسبة فيه." "راجل غني جدًا... بس الفلوس كانت آخر حاجة بيفكر فيها." "كان بيعتبر الناس مجرد أوراق." "أي حد يقف قدامه... يختفي." قلت باستغراب: "وده دخله بإيه بيا؟" قال: "في يوم... دخلت المستشفى بنت صغيرة في السن." "كانت حامل." "وجوزها كان رافض يدفع تكاليف العلاج." بصيتله. "أنا." هز رأسه. "أيوه." "لكن اللي إنتِ متعرفيهوش... إن جوزك ماكانش معندوش فلوس." اتصدمت. "إيه؟" "كان معاه." "بس كان مستني توقعي على ورق." افتكرت... اليوم ده. كريم دخل الأوضة فعلًا. وقاللي وأنا تعبانة: "امضي هنا بسرعة." وقتها كنت مش شايفة قدامي. رفضت أمضي قبل ما أعرف الورق. افتكرت إنه كان بيخلص إجراءات المستشفى. عبدالرحمن قال: "الورق ده... كان تنازل عن كل حقوقك." "وكمان..." سكت. "إقرار إن الطفل بعد الولادة يفضل مع الأب." شهقت. "مستحيل." فتح الملف. طلع نسخة من الورق. كان فعلاً عليه اسمي. لكن... التوقيع مش توقيعي. صرخت: "ده مزور!" قال: "وده اللي خلاني أبلغ." "ومن هنا... بدأت الحرب بيني وبين شريف." أنا مش فاهمة. "هو ماله بالورق؟" قال: "لأن المكتب اللي زور الورق... كان بيتبع شركته." في اللحظة دي... كل حاجة بدأت تتربط. كريم. السرقة. الهروب. التهديد. كل ده... كان أكبر منه. قلت: "يعني كريم مجرد لعبة؟" عبدالرحمن هز رأسه. "بالنسبة لشريف... كل الناس أدوات." ... بعد ساعة... وصل تقرير الشرطة. الخدامة اللي اختفت... لقوا عربيتها مرمية على طريق صحراوي. لكن... هي نفسها... مختفية. الضابط قال: "واضح إنها اتصفت." اتخضيت. "يعني اتقت\لت؟" قال: "لسه مفيش جث\ة." "بس غالبًا." عبدالرحمن قال وهو بيفكر: "شريف بيقطع أي خيط ممكن يوصله." ... في اليوم التالي... عبدالرحمن رفض أسيب الفيلا. وقال: "من النهارده... إنتِ وليان تحت حمايتي." اعترضت. "مش هينفع أفضل قاعدة هنا." "أنا جاية أشتغل." قال: "دلوقتي الموضوع بقى أخطر من الشغل." رديت بعصبية: "وأنا مش هعيش مستخبية." بصلي لأول مرة بنظرة فيها غضب. وقال: "إنتِ لحد دلوقتي فاكرة إنهم عايزين يخوفوكي؟" "دول كانوا هيخطفوا بنتك." "ولو احتاجوا... هيقت\لوكي." سكت. ثم قال بصوت أهدى: "وأنا مستحيل أسمح بده." الكلمة الأخيرة... اتقالت بإحساس خلاني أسكت. ... بالليل... كنت واقفة في البلكونة. ليان نايمة. والدنيا هادية. سمعت خطوات ورايا. لفيت. لقيت عبدالرحمن. وقف بعيد شوية. وقال: "ممكن أسألك سؤال؟" هززت راسي. "إيه أكتر حاجة نفسك فيها؟" ضحكت بمرارة. "أعيش يوم واحد... من غير خوف." سكت. ثم قال: "أوعدك." "هيوصل اليوم ده." ابتسمت لأول مرة من أيام. لكن... الابتسامة اختفت... لما سمعنا صوت إنذار العربية. كلنا جَرينا برا. لقينا عربية عبدالرحمن. الإزاز الأمامي متكسر. وفوق الكابوت... علبة هدية سودا. مقفولة بشريط أحمر. وفوقها كارت صغير. عبدالرحمن فتح الكارت. وقرأه. ثم غمض عينه للحظة. قلت بقلق: "مكتوب إيه؟" ناولني الكارت. كانت جملة واحدة... "الهدية دي مخصوص للدكتور... افتحها قدام مريم، لأنها هتعرف أخيرًا مين والد ليان الحقيقي." الفصل التاسع حسيت إن الدنيا اسودت قدام عيني. بصيت لعبدالرحمن وأنا بصرخ: "إيه القرف ده؟!" عبدالرحمن أخد الكارت من إيدي، وقطعه نصين. وقال بحزم: "ما تسمعيش لكلمة من اللي بيكتبها." لكن الفضول كان أقوى من الخوف. بصيت للعلبة. وقلت: "افتحها." الضابط اعترض فورًا. "محدش يقرب منها قبل ما تتفتش." بعد عشر دقايق... خبير المفرقعات أكد إن العلبة آمنة. عبدالرحمن فتحها بنفسه. جواها... كان فيه ملف. وفلاشة صغيرة. وصورة. أول ما شفت الصورة... عرفتها. كانت صورة ليا وأنا حامل في الشهر الثامن. متصورة من بعيد. أنا حتى ماكنتش أعرف إن حد صورني يومها. وتحت الصورة مكتوب: "اللي فاكرة إنها تعرف الحقيقة... عمرها ما عرفتها." الضابط شغل الفلاشة على اللابتوب. ظهر فيديو. كريم. كان قاعد في مكان ضلمة. وشه مرهق. وعينه مليانة كره. بص للكاميرا وقال: "لو الفيديو ده اتشغل... يبقى أنا غالبًا يا مقبوض عليا... يا ميت." شهقت. عبدالرحمن فضل مركز. كريم كمل: "أنا عملت بلاوي كتير... بس في حاجة واحدة ما عملتهاش." سكت ثواني. ثم قال: "ليان... بنتي." بصيت لعبدالرحمن بسرعة. هو كان ثابت. كريم كمل: "وأي حد هيقول غير كده... يبقى بيستخدمها علشان يكسركم." حسيت نفسي مش فاهمة. الفيديو انتهى. الملف اللي مع الفلاشة كان فيه تحاليل قديمة. عبدالرحمن قلبها بسرعة. ثم قال: "زي ما توقعت." قلت بقلق: "إيه؟" قال: "كل ده مزور." الضابط سأل: "يعني؟" عبدالرحمن رد: "شريف عايز يعمل بينا فتنة." ثم بصلي مباشرة وقال: "اسمعيني كويس يا مريم." "أي ورقة أو فيديو أو رسالة هتوصل بعد كده..." "هدفها الوحيد إنها تخلينا نشك في بعض." حاولت أهدى. لكن جملة واحدة كانت بتلف في دماغي. "مين والد ليان الحقيقي." يمكن لأنها اتقالت... خوفت. عبدالرحمن لاحظ خوفي. وقال بهدوء: "إنتِ عارفة الحقيقة." هززت راسي وأنا دموعي بتنزل. "أيوه." قال: "يبقى متسمحيش لمجرم يلعب بعقلك." ... بعد يومين... الفيلا بقت محاطة بحراسة. لكن الغريب... إن مفيش أي حركة من كريم. ولا أي رسالة جديدة. وده كان مقلق أكتر. عبدالرحمن قال للضابط: "السكوت ده مش طبيعي." وفعلًا... في مساء اليوم التالت... رن جرس الفيلا. الحارس فتح الكاميرا. كان فيه راجل عجوز... لابس جلابية بسيطة. وقال: "أنا جاي أقابل الست مريم." الحارس رفض يدخله. لكن الراجل قال جملة خلت عبدالرحمن ينزل بنفسه. قال: "قولها... واحد كان حاضر ليلة فرحها." نزلت مع عبدالرحمن. أول ما الراجل شافني... دمعت عينه. وقال: "إنتِ مريم؟" هززت راسي. طلع من جيبه ظرف قديم. وقال: "أنا احتفظت بيه سبع سنين." "وكان لازم أوصلهولك." فتحت الظرف. كان جواه جواب. وفي آخره توقيع... "والد كريم." بدأت أقرأ... "يا بنتي... لو وصلك الجواب ده يومًا، يبقى ابني وصل لمرحلة أنا كنت خايف منها. أنا حاولت أمنعه من السكة اللي دخلها، لكنه اختار الطمع. لو حصل لك أي أذى بسببه، سامحيني. وفي حاجة لازم تعرفيها... في ناس أكبر منه كانت بتحركه، وهو كان فاكر إنه المستفيد، لكنه كان مجرد أداة." وقفت عن القراءة. إيدي كانت بترتعش. رفعت عيني للعجوز. وسألته: "حضرتك... بابا كريم؟" هز راسه بحزن. وقال: "كنت أبوه..." "لكن من يوم ما باع ضميره... اعتبرته مات." ثم بص لعبدالرحمن وقال جملة قلبت الموقف كله: "إلحقوا... شريف عرف إن الشاهد الأخير لسه عايش." عبدالرحمن اتجمد. وقال بسرعة: "مين الشاهد؟" العجوز بص حواليه بخوف... وقبل ما ينطق... سمعنا صوت طلقة نار. وقع العجوز على الأرض... والجواب اتلطخ بالدم. أما الشخص اللي أطلق النار... فكان لابس خوذة سوداء... وركب موتوسيكل... واختفى في ثوانٍ. الفصل العاشر "إسعاف!" صرخت بكل قوتي وأنا بجري ناحية الراجل. وقع على الأرض وهو ماسك صدره. الدم كان بينزل بسرعة. عبدالرحمن نزل على ركبته جنبه في لحظة. ضغط بإيده على مكان الإصابة. وقال للحارس: "هات شنطة الإسعافات... واتصل بالإسعاف حالًا." أنا كنت ببكي. الراجل مسك إيدي بصعوبة. وقال بصوت متقطع: "مريم..." قربت منه. "أنا معاك." ابتسم ابتسامة ضعيفة. "سامحيني..." "أنا... كنت لازم أتكلم... من زمان." عبدالرحمن قال بسرعة: "متتكلمش... حافظ على نفسك." لكن الراجل هز راسه. وقال: "مفيش وقت." ثم بص لعبدالرحمن. "شريف..." "مش هيسيب حد." "هو فاكر..." "إن الدفتر لسه عندك." عبدالرحمن اتسعت عينه. "عرف منين؟" الراجل حاول يرد. لكن الكحة قطعته. الدم خرج من بقه. مسكت إيده وأنا بعيط. "استحمل." همس: "الدفتر..." "لو وقع في إيده..." "ناس كتير هتموت." وقبل ما يكمل... إيده سابت إيدي. وعينه ثبتت. عبدالرحمن حاول ينعشه. مرة... واتنين... وثلاثة... لكن مفيش استجابة. وصل الإسعاف. لكن بعد الكشف... المسعف هز راسه. "البقاء لله." غمضت عيني. رغم إنه كان أبو كريم... ورغم كل اللي حصل... كان واضح إنه حاول يصلح آخر غلطة قبل ما يموت. ... بعد ساعة... الشرطة أخدت الجثمان. والضابط قعد مع عبدالرحمن في المكتب. أنا كنت قاعدة برا. لكن الباب كان مفتوح. سمعته بيقول: "هو يقصد إيه بالدفتر؟" عبدالرحمن فضل ساكت. الضابط كرر السؤال. فقال: "دفتر حسابات." "إيه يعني؟" "دفتر فيه كل حاجة." "أسامي." "مبالغ." "تسجيلات." "مستندات." "كل العمليات اللي شريف عملها من سنين." الضابط وقف. "ولو الدفتر ده موجود..." "يبقى يوديه السجن عمره كله." عبدالرحمن قال بهدوء: "عشان كده بيدور عليه." ... بعد ما الضابط مشي... دخلت المكتب. قفلت الباب. وقفت قدامه. وقلت: "هو فين الدفتر؟" بصلي. وسكت. قلت بعصبية: "متقوليش إنك هتخبي عليا تاني." أخذ نفسًا عميقًا. ثم قال: "الدفتر..." "معايا فعلًا." شهقت. "إيه؟" فتح الخزنة اللي في الحيطة. طلع منها صندوق حديد صغير. فتح الصندوق. طلع دفتر قديم. غلافه بني. وأطرافه متقطعة. قال: "من سبع سنين." "واحد كان شغال مع شريف." "خاف." "وسلمني الدفتر." "وقاللي..." "لو حصلي حاجة... أوصله للنيابة." قلت بسرعة: "طب ما توديه!" ابتسم بمرارة. "حاولت." "كل مرة..." "الدليل كان بيختفي." "أو الشهود يموتوا." حسيت بقشعريرة. يعني... كل اللي ماتوا... كانوا بسببه؟ لا... بسبب الدفتر. وفجأة... افتكرت حاجة. قلت: "هو شريف عرف مكان الدفتر إزاي؟" عبدالرحمن عقد حواجبه. "ده السؤال اللي مخوفني." "لأن معناه..." "إن في حد قريب جدًا مني." ... في نفس الليلة... عبدالرحمن نقلني أنا وليان لأوضة تانية. وقال: "دي أوضة أكتر أمانًا." لكن النوم كان مستحيل. قرب الفجر... صحيت على صوت خبط خفيف. افتكرت إنه عبدالرحمن. فتحت الباب. الممر كان فاضي. لكن على الأرض... كان فيه ظرف أسود. أخدته بسرعة. وقفلت الباب. فتحته. جواه... مفتاح صغير. وصورة. الصورة كانت لعبدالرحمن... واقف جنب راجل. الراجل ده... أنا شوفته قبل كده. لكن فين؟ قلبت الصورة. لقيت مكتوب وراها: "اسألي عبدالرحمن ليه أخفى عنك إن شريف كان أقرب صاحب ليه يومًا ما... وإن اللي بينهم مش مجرد عداوة." رفعت الصورة وأنا حاسة إن قلبي هينفجر. هل دي كذبة جديدة؟ ولا... في جزء من الحقيقة... لسه عبدالرحمن مخبيه عني؟ الفصل الحادي عشر فضلت ماسكة الصورة بإيدي... وببص لعبدالرحمن اللي كان نايم على الكنبة قدام أوضة الحاجة فاطمة. قلبي كان بيقولي أصحيه وأسأله. لكن عقلي كان بيقولي... استنى. يمكن دي لعبة جديدة. يمكن شريف عايز يوقع بينا. رجعت الصورة للظرف. وخبيتها تحت هدومي. وقررت... مش هتكلم دلوقتي. ... الصبح... عبدالرحمن كان قاعد بيشرب قهوته في الجنينة. أول ما شافني... ابتسم. وقال: "نمتي كويس؟" هززت راسي وأنا بكدب. "الحمد لله." لاحظ إن وشي شاحب. لكن ما سألش. كأنه كان حاسس إن في حاجة. بعد الفطار... الضابط جه الفيلا. ومعاه خبر جديد. قال: "لقينا عربية كريم." عبدالرحمن وقف بسرعة. "فين؟" "على طريق صحراوي." "وكريم؟" "مش موجود." "بس لقينا آثار دم." أنا قلبي اتقبض. الضابط كمل: "واضح إن حد خانه." عبدالرحمن بص للأرض وهو بيفكر. وقال: "شريف." الضابط هز راسه. "إحنا كمان وصلنا لنفس النتيجة." ... بعد ما الضابط مشي... ماقدرتش أستحمل أكتر. طلعت الصورة من الظرف. وحطيتها قدام عبدالرحمن. أول ما شافها... وشه اتغير. قلت بهدوء: "عايزة الحقيقة." بصلي شوية. وبعدين قال: "لقيتيها فين؟" "قدام أوضتي." سكت. قلت: "الكلام اللي وراها صح؟" فضل ساكت. كررت السؤال: "شريف كان صاحبك؟" تنهد تنهيدة طويلة. وقال: "أيوه." الكلمة نزلت عليا زي الصاعقة. "يعني كنتوا أصحاب؟" "أكتر من أصحاب." "كنا بنعتبر بعض إخوات." بصيتله بعدم تصديق. "إزاي؟" سند ضهره على الكرسي. وبدأ يحكي... "أنا وشريف اتخرجنا من كلية الطب مع بعض." "فتحنا أول مستشفى مع بعض." "بدأنا من الصفر." "وكان بيعتبرني أقرب إنسان ليه." سألته: "إيه اللي غيره؟" ابتسم بحزن. "الفلوس." "في الأول كانت المستشفى بتعالج الغني والفقير." "بعد كام سنة..." "شريف بقى يشوف المرض تجارة." "بدأ يبيع أدوية منتهية." "ويزور تقارير." "وياخد أعضاء مرضى غلابة مقابل فلوس." شهقت. "إنت بتقول إيه؟" "وده سبب أول خناقة بينا." "بلغت عنه." "ومن يومها..." "بقيت عدوه." بصيتله وسألته: "وليه ما قولتليش من الأول؟" رد بهدوء: "لأنك كنتِ تعبانة." "وخايف." "كل ما أقولك حقيقة..." تدخلي في حقيقة أكبر منها." سكت شوية. ثم قال: "ولسه في حاجة..." قلبي دق بسرعة. "إيه هي؟" قام من مكانه. راح للخزنة. طلع ظرف قديم. فتح الظرف. وأخرج صورة باهتة. ناولها لي. أول ما بصيت فيها... شهقت. الصورة كانت في يوم فرحي. أنا... وكريم... لكن في آخر الصورة... كان واقف عبدالرحمن. بصيتله بذهول. "إنت كنت في فرحي؟!" هز راسه. "أيوه." "ليه؟!" ابتسم ابتسامة حزينة. وقال: "لأني كنت جاي أوقف الجوازة." حسيت إن الأرض سابتني. "إيه؟!" قال: "قبل الفرح بيوم..." وصلني دليل إن كريم مزور وبيشتغل مع شريف." "جريت علشان ألحقك." "لكن..." خفض عينيه. "وصلت متأخر." دموعي بدأت تنزل. همست: "يعني كنت تعرف إني داخلة على كارثة." "أيوه." "ومعرفتش أنقذك." في اللحظة دي... سمعنا صوت انفجار ضخم هز الفيلا كلها. الإزاز اتكسر. وليان صحيت تصرخ. الحراس جروا ناحية البوابة. واحد منهم دخل وهو بيصرخ: "يا دكتور..." "في عربية مولعة قدام الفيلا..." "وجواها..." سكت وهو بيبلع ريقه. عبدالرحمن صرخ فيه: "اتكلم!" قال بصوت مرتعش: "جث\ة..." "والبطاقة اللي في جيبها..." "باسم كريم." يتبع الفصل الثاني عشر "مستحيل..." الكلمة خرجت من عبدالرحمن وهو بيجري ناحية باب الفيلا. وأنا جريت وراه، وليان كانت في حضن الحاجة فاطمة اللي كانت بتقرأ المعوذات وهي بتبكي. أول ما خرجنا... ريحة الحريق كانت خانقة. العربية كانت بتولع بالكامل. ورجال المطافي كانوا بيحاولوا يسيطروا على النار. الضابط وقف قدام العربية، ووشه كله توتر. أول ما شاف عبدالرحمن قال: "للأسف... البطاقة باسم كريم." عبدالرحمن رد بسرعة: "وش الجث\ة؟" الضابط سكت لحظة. "متحرق بالكامل." عبدالرحمن قرب من العربية بنفسه. وقف يبص للجث\ة من بعيد. وفجأة... ابتسم. استغربت. قلت: "إنت بتضحك؟" قال وهو لسه مركز: "دي مش جث\ة كريم." الضابط اتفاجئ. "إنت متأكد؟" أشار بإيده ناحية الجث\ة. وقال: "كريم كان عنده كسر قديم في إيده اليمين." "العظمة كانت باينة في الأشعة." "أما الراجل ده..." "إيده سليمة." الضابط بص للدكتور الشرعي اللي كان واقف. وبالفعل... بعد الفحص الأولي... أكد كلام عبدالرحمن. الجث\ة لشخص مجهول. أما كريم... فاختفى. الضابط ضرب بإيده على العربية بغضب. وقال: "يعني رتب كل ده علشان نقفل القض\ية." عبدالرحمن هز رأسه. "لا..." "علشان يختفي." ... رجعنا الفيلا. لكن الإحساس بالخطر بقى أكبر. كل واحد فينا كان حاسس إن كريم قريب. قريب جدًا. لدرجة إننا بقينا نبص حوالينا كل دقيقة. ... في نص الليل... صحيت على صوت خفيف. صوت خطوات. افتكرت إنها الخدامة. لكن لما فتحت عيني... لقيت باب أوضتي مفتوح. مع إنني متأكدة إني قفلته. قمت بهدوء. بصيت على سرير ليان. كان فاضي. في اللحظة دي... حسيت إن قلبي وقف. صرخت بكل قوتي: "ليـــــــان!" عبدالرحمن دخل يجري. "في إيه؟" كنت بصرخ وأنا بلف في الأوضة. "ليان... مش موجودة." جري على البلكونة. كانت مقفولة. فتح الدولاب. تحت السرير. الحمام. ولا أي أثر. الحاجة فاطمة طلعت وهي منهارة. "بنتك فين؟" كنت هقع من طولي. وفجأة... سمعنا ضحكة صغيرة. كلنا بصينا ناحية الكنبة. لقينا ليان... نايمة على الأرض ورا الستارة، بعد ما زحفت وهي نايمة ووقعت لعبتها جنبها. حضنتها وأنا بعيط. عبدالرحمن سند على الحيطة وأغمض عينه. واضح إنه لأول مرة يخاف بالشكل ده. قال وهو بيحاول يستخبى ورا هدوءه: "من النهارده... ليان مش هتبات بعيد عننا ثانية." ... تاني يوم الصبح... وصل ظرف جديد. لكن المرة دي... ماكانش فيه تهديد. كان فيه مفتاح. وخريطة. وصورة لمخزن قديم خارج المدينة. وتحتها مكتوب: "الدفتر اللي بتدوروا عليه... مش عند عبدالرحمن. الحقيقة كلها مستخبية هنا... لو عندكم جرأة تعالوا لوحدكم." الضابط أول ما شاف الرسالة قال: "واضح إنه فخ." لكن عبدالرحمن كان باصص للخريطة باهتمام. وفجأة قال: "لا..." بصيناله كلنا. قال وهو بيقلب الخريطة على ضهرها: "دي مش خريطة هو اللي رسمها." "دي خريطة أنا رسمتها بإيدي..." شهقت. "إزاي؟" رد وهو عينيه مليانة صدمة: "دي كانت جوه الدفتر..." "ومحدش شافها غيري." سكت لحظة... ثم قال الجملة اللي جمدت الدم في عروقي: "يعني... حد فتح خزنتي... ووصل للدفتر... ورجعه مكانه من غير ما أحس." الفصل الثالث عشر فضلنا كلنا ساكتين. آخر جملة قالها عبدالرحمن كانت بتتردد في وداني... "حد فتح الخزنة... ورجع الدفتر مكانه." يعني الخاين... مش مجرد واحد بيسرب أخبار. الخاين بقى يدخل مكتبه. ويفتح خزنته. ويخرج من غير ما حد يحس. الضابط قرب منه وقال: "مين يعرف رقم الخزنة؟" عبدالرحمن رد من غير تردد: "أنا... وأمي." الحاجة فاطمة رفعت راسها بسرعة. "إنت بتبصلي أنا؟" جرى ناحيتها ومسِك إيدها. "مستحيل يا أمي... أنا بس بفكر." لكن الضابط قال: "لازم نشك في الكل." أنا حسيت إن البيت كله بقى غريب. كل وش بقابله... بقيت أسأل نفسي: هو ده الخاين؟ ولا ده؟ ... في نفس الليلة... عبدالرحمن طلب من كل العاملين يسلموا موبايلاتهم. والبيت كله اتفتش. أوضة أوضة. لكن... ولا دليل. ولا ورقة. ولا حتى رسالة. كأن الخاين... عارف كل خطوة قبل ما تحصل. ... وأنا طالعة أوضتي... لمحت الحاجة فاطمة داخلة المخزن الصغير اللي تحت السلم. استغربت. الساعة كانت اتنين بعد نص الليل. قلت يمكن رايحة تجيب حاجة. لكن بعد عشر دقايق... لسه ما خرجتش. نزلت بهدوء. وقربت من الباب. سمعتها بتتكلم. صوتها كان واطي جدًا. "أنا عملت اللي طلبته..." اتجمدت. قلبي بقى بيدق بعنف. مين اللي بتكلمه؟ سمعتها تكمل: "لكن بالله عليك... ابعد عن الولاد." حسيت برجلي بتسند بالعافية. يعني... الحاجة فاطمة؟ لا... مستحيل. فجأة... الباب اتفتح. اتخضيت. هي بصتلي باستغراب. وقالت: "واقفـة هنا ليه يا مريم؟" بصيت حواليها. المخزن... فاضي. مفيش حد. قلت بتوتر: "كنت... نازلة أشرب مية." ابتسمت. بس ابتسامتها كانت غريبة. وقالت: "اطلعي نامي." ... ما نمتش. فضلت أفكر في اللي سمعته. أقول لعبدالرحمن؟ ولا أستنى؟ لو قلتله... وطلعت فاهمة غلط... هكون ظلمت أمه. ولو سكت... وطلع كلامي صح... يبقى بخاطر بحياة ليان. ... الصبح... كنت في المطبخ. سمعت عبدالرحمن بيتكلم مع أمه. قال: "أنا مسافر ساعتين للقاهرة." الحاجة فاطمة ردت بسرعة: "خد مريم وليان معاك." ابتسم. "لا... هيبقوا هنا في أمان." أول ما قال الجملة دي... افتكرت كلام الحاجة بالليل. قلبي انقبض. خرج عبدالرحمن. وبعد نص ساعة... وصلت رسالة على موبايل الحاجة. أنا ماكنتش بتتجسس... لكن الشاشة نورت قدامي وهي على الترابيزة. وكان ظاهر أول سطر: "نفذي المطلوب النهارده... قبل ما الدكتور يرجع." حسيت إن نفسي اتقطع. في نفس اللحظة... الحاجة دخلت المطبخ. أول ما شافتني واقفة جنب التليفون... وشها اتغير. وقالت بسرعة: "إنتِ شفتي حاجة؟" بصيت في عينيها. وقلت بهدوء: "حضرتك... بتشتغلي مع مين؟" سكتت. ولأول مرة... شوفت دموع في عينيها. همست: "لو عرف عبدالرحمن الحقيقة... هيكرهني العمر كله." وقبل ما أتكلم... سمعنا صوت فرامل عربية عنيفة قدام الفيلا. الحارس دخل يجري وهو بيصرخ: "يا حاجة... الدكتور عبدالرحمن عمل حادث على الطريق!" الكوباية وقعت من إيد الحاجة فاطمة. أما أنا... فحسيت إن الأرض كلها بتنهار تحت رجلي. الفصل الرابع عشر "إيه؟!" صرخت وأنا بجري ناحية الباب. الحاجة فاطمة كانت بتترعش لدرجة إنها ماقدرتش تقف. الحارس كان بينهج وهو بيقول: "العربية اتقلبت على الطريق الزراعي... والإسعاف خد الدكتور على مستشفى النور." ما استنيتش ثانية. جريت ناحية العربية. "خدني عنده... بسرعة." ... طول الطريق... إيدي كانت بتترعش. كل اللي كان بيلف في دماغي... آخر مرة شوفته فيها. ابتسامته وهو بيقول: "هرجع قبل الضهر." هو وعد... ومش من حقه يخلف وعده. وصلنا المستشفى. نزلت أجري. لقيت الضابط واقف قدام غرفة العمليات. أول ما شافني قال: "اهدي يا مريم." مسكته من هدومه. "هو كويس؟!" بص في الأرض. "الرصاصة ماقتلتهوش..." شهقت. "رصاصة؟!" "إحنا افتكرناها حادثة..." "لكن العربية اتضرب عليها نار الأول." حسيت إن رجلي مش شايلاي. يعني... كانوا مستنينه. الدكتور خرج من أوضة العمليات بعد شوية. قلع الكمامة وقال: "الحمد لله... الرصاصة عدت جنب الكتف. لكن في نزيف كبير." سألته بسرعة: "أقدر أشوفه؟" هز راسه. "دقيقة واحدة." ... دخلت الأوضة. عبدالرحمن كان لسه تحت تأثير البنج. وشه شاحب. لكن أول ما حس بيا... فتح عينه بالعافية. بصلي. وحاول يبتسم. قلت وأنا بعيط: "حرام عليك... خوفتني." رفع إيده بصعوبة. حاول يمسح دموعي. لكن ماقدرش. همس: "اسمعيني..." قربت منه. "في درج مكتبي..." "المفتاح الأزرق." استغربت. "ليه؟" "هاتيه... قبل أي حد." "ليه؟" بلع ريقه بصعوبة. وقال: "لأن... الدفتر مش أهم حاجة." قلبي دق بسرعة. "أمال إيه؟" همس: "الهارد..." "كل الحقيقة عليه." وقبل ما يكمل... أجهزة المراقبة بدأت تصفر. الممرضين دخلوا بسرعة. والدكتور خرجني برة. ... رجعنا الفيلا أنا والضابط. أول حاجة عملناها... دخلنا مكتب عبدالرحمن. فتحت الدرج. دورت على المفتاح الأزرق. ولقيته فعلًا. كان صغير... ومكتوب عليه رقم (7). قلت: "ده بيفتح إيه؟" الضابط قال: "نجرب." فضلنا نفتش المكتب كله. لحد ما عبدالرحمن كان بيبص على لوحة كبيرة معلقة على الحيطة في صورة على موبايله، وفجأة قال: "استني." شال اللوحة. كان وراها خزنة صغيرة جدًا. المفتاح دخل فيها. بصيت للضابط. فتحناها. جواها... هارد خارجي أسود. وصورة قديمة. الصورة كانت لعبدالرحمن... واقف جنب راجل في الخمسينات. وبينهم طفل صغير عمره حوالي خمس سنين. قلبت الصورة. لقيت مكتوب بخط عبدالرحمن: "اليوم اللي فقدت فيه أخويا... ووعدت نفسي إني هجيب حقه مهما طال الزمن." بصيت للضابط باستغراب. قلت: "عبدالرحمن قال إنه ابن وحيد." الضابط سكت. ثم قال بهدوء: "يبقى كان بيخفي الحقيقة." في اللحظة دي... رن الهارد لوحده بمجرد ما وصلناه بالكمبيوتر. ظهر ملف واحد فقط. اسمه: "إذا وصلتوا للملف ده... يبقى أنا يمكن أكون مت." مديت إيدي المرتعشة علشان أفتح الملف... لكن قبل ما أضغط... انقطعت كهرباء الفيلا كلها مرة تانية. وفي نفس اللحظة... طلع صوت جهاز الإنذار من مكتب عبدالرحمن... ولمع على شاشة الكمبيوتر سطر واحد باللون الأحمر: "تم اكتشاف محاولة نسخ الملفات... جاري حذف المحتوى خلال 60 ثانية." الفصل الخامس عشر "ستين ثانية؟!" صرخت وأنا ببص للشاشة. العداد بدأ ينزل. 60... 59... 58... الضابط شد اللابتوب بسرعة. "افصليه!" فصلناه. لكن... العداد ما وقفش. كان شغال من بطارية الهارد نفسه. عبدالرحمن كان عامل نظام حماية. لكن واضح... إن حد اخترقه. قلت وأنا مرعوبة: "هنضيع كل حاجة." الضابط حاول ينسخ الملفات. ظهرت رسالة: "غير مسموح." حاول مرة تانية. نفس الرسالة. العداد وصل... 42 ثانية. كنت هعيط. قلت: "نعمل إيه؟" وفجأة... افتكرت جملة عبدالرحمن. "الهارد أهم من الدفتر." يعني... أكيد عامل حساب لأي طوارئ. بصيت في الخزنة مرة تانية. لقيت ظرف صغير. كان مكتوب عليه بخط إيده: "لو النظام اشتغل... افتح الظرف الأول." فتحته بسرعة. كان جواه ورقة صغيرة. مكتوب فيها: "لا تفتح الملف الرئيسي... افتح الملف المخفي." استغربت. قلت: "هو فين الملف المخفي؟" تحت الورقة كان فيه كود مكون من ستة أرقام. كتبته. فجأة... ظهر ملف جديد. اسمه: "ليان." أنا والضابط بصينا لبعض. فتحت الملف. طلع فيديو لعبدالرحمن. واضح إنه صوره من شهور. كان لابس نفس القميص الأزرق اللي شوفته بيه أول مرة. بص للكاميرا وقال: "لو الفيديو ده اشتغل..." "يبقى حد حاول يمسح الأدلة." "اسمعيني كويس يا مريم." "الهارد ده فيه نسختين." "واحدة مزيفة." "وواحدة حقيقية." "اللي هيحاول يسرق الهارد..." "هيلاقي النسخة المزيفة." العداد كان لسه بينزل. 31... 30... عبدالرحمن كمل: "أما النسخة الحقيقية..." "فمش هنا." أنا شهقت. "إيه؟" الضابط قال: "يبقى الهارد ده طُعم." الفيديو كمل: "لو وصلتي للفيديو ده..." "اعرفي إن حد من البيت خانا." قلبي اتقبض. عبدالرحمن قال: "وأكتر شخص هيبان بريء..." "هو أخطر واحد." سكت لحظة. ثم قال: "أنا كنت شاكك في حد." "لكن كنت مستني الدليل." في اللحظة دي... انتهى العداد. الشاشة اسودت. ظهرت رسالة: "تم حذف النسخة الوهمية." الضابط ابتسم لأول مرة. "يبقى الأدلة الحقيقية لسه موجودة." تنفست الصعداء. لكن السؤال الأكبر كان: فين؟ ... في نفس الوقت... في المستشفى... عبدالرحمن فتح عينه. الممرضة كانت بتغير المحلول. ابتسم لها وقال: "ممكن كوب مية؟" أول ما خرجت... اعتدل بصعوبة. مد إيده تحت السرير. طلع موبايل صغير جدًا. واضح إنه كان مخبيه. فتح رقم واحد محفوظ. أول ما الطرف التاني رد... عبدالرحمن قال بصوت منخفض: "الخطة نجحت." سكت يسمع الرد. ثم قال: "الخاين اتحرك." "راقبوه." "ومتقبضوش عليه." "أنا عايزه يوصلنا..." "لشريف بنفسه." وقفل المكالمة. رجع نام تاني... قبل ما الممرضة تدخل بثواني. ... أما أنا... فكنت قاعدة في مكتب الفيلا. بفكر في كل كلمة قالها. لحد ما عيني وقعت على الصورة القديمة اللي كانت مع الهارد. الصورة اللي فيها عبدالرحمن... والراجل الكبير... والطفل الصغير. كبرتها على شاشة اللابتوب. ولأول مرة... لاحظت حاجة غريبة. في خلفية الصورة... كان فيه شخص واقف بعيد جدًا. وشه مش واضح. لكن في إيده... عصاية سوداء برأس فضي. الحاجة دي شفتها قبل كده. فضلت أعصر دماغي... وفجأة افتكرت. العصاية نفسها... كانت مع الراجل اللي قابلته مرة واحدة بس... قبل ما أشتغل في الفيلا. الراجل اللي هو بنفسه... اللي رشحني شغل المرافقة عند الحاجة فاطمة. يعني... من أول يوم... أنا ما دخلتش الفيلا بالصدفة. أنا... كنت متخطط لي من البداية. الفصل السادس عشر فضلت أبص للصورة... وبعدين بصيت للعصاية. أنا متأكدة... شفتها قبل كده. غمضت عيني أحاول أفتكر. وفجأة... رجعت بيا الذاكرة لأول يوم بعد ما قررت أدور على شغل. كنت قاعدة في جمعية خيرية مستنية أي فرصة. دخل راجل كبير. بدلة شيك. وشعره كله أبيض. وكان ماسك نفس العصاية. قعد قدامي. وقال بهدوء: "اسمك مريم؟" استغربت وقتها. وقلت: "أيوه." ابتسم وقال: "في ست كبيرة محتاجة مرافقة." "المرتب هيكون كويس." "والإقامة والأكل عليهم." سألته: "حضرتك تعرفني؟" رد بابتسامة غريبة: "الناس الكويسة... رزقها بييجي لوحده." ساعتها افتكرت إنه مجرد راجل بيساعد الناس. لكن دلوقتي... أنا بقيت متأكدة... إنه كان عارف أنا مين. ... قمت من مكاني بسرعة. ورحت للحاجة فاطمة. كانت قاعدة في أوضتها بتسبح. قلت من غير مقدمات: "حضرتك تعرفي الراجل اللي جابني هنا؟" رفعت عينها. وبعدين قالت: "تقصدي عم جلال؟" الاسم نزل عليا كالصاعقة. "آه... هو." ابتسمت وقالت: "جلال شغال معانا من أكتر من عشرين سنة." شهقت. "إيه؟" "كان مدير الحسابات عند والد عبدالرحمن." قلبي بدأ يدق بعنف. يعني... الراجل ده من البيت. قلت بسرعة: "هو فين دلوقتي؟" اتغيرت ملامحها. وقالت بهدوء: "استقال من شهر." "بعد ما تعب." بصيت لها بصدمة. "استقال؟" "وسافر عند بنت أخوه." حسيت إن في حاجة غلط. قلت: "معندكيش رقمه؟" "أكيد." جابت دفتر قديم. قلبت الصفحات. ولما وصلت لاسمه... اتجمدت. رقم التليفون ممزق. والصفحة مقطوعة بنصها. الحاجة فاطمة بصت باستغراب. "مين عمل كده؟" ماحدش رد. ... في المستشفى... عبدالرحمن كان بدأ يفوق. أول ما الضابط دخل عليه... قال: "الخطة ماشية." الضابط قرب منه. "في خبر." "إيه؟" "في حد حاول يدخل مكتبك بعد ما خرجنا." عبدالرحمن ابتسم. "وقع في الفخ؟" "أيوه." "الكاميرات صورته." عبدالرحمن اعتدل في السرير رغم الألم. "مين؟" الضابط طلع التابلت. وشغل الفيديو. شخص لابس كاب. وجوانتي. دخل المكتب. راح على طول ناحية الخزنة. فتحها. ولما ملقاش الهارد... ضرب الحيطة بغضب. بعدها... لف ناحية الكاميرا. وفي لحظة... الكاب وقع من على راسه. أنا كنت واقفة جنب السرير. وأول ما شفت وشه... شهقت. "لا..." الضابط بصلي. "تعرفيه؟" هززت راسي وأنا مش مستوعبة. "ده..." "ده السواق اللي كان بيوصلني أول أسبوع شغل." عبدالرحمن قال بهدوء: "اسمه الحقيقي مش محمود." "اسمه سامر." "ورجل شريف من خمس سنين." الضابط قال: "قدرنا نمسكه." ابتسم عبدالرحمن لأول مرة من ساعة ما اتصاب. "كويس." "دلوقتي هنعرف شريف مستخبي فين." لكن الضابط سكت. ملامحه اتغيرت. قال بصوت منخفض: "في مشكلة." عبدالرحمن عقد حاجبيه. "إيه؟" "سامر..." "مات." "إزاي؟" "قبل ما يوصل القسم." ساد الصمت. ثم قال الضابط: "حقنه سامة." "كانت مزروعة جوا ضرس في فكه." أنا شهقت. عبدالرحمن غمض عينه. وقال بهدوء مرير: "يبقى شريف عرف إنه اتكشف." وقبل ما حد يتكلم... دخلت ممرضة تجري وهي ماسكة ظرف أبيض. وقالت: "الظرف ده وصل حالًا للدكتور عبدالرحمن." عبدالرحمن فتحه. كان جواه مفتاح ذهبي صغير. وخريطة. وصورة لطفلة عمرها حوالي خمس سنين. ولما قلب الصورة... وشه فقد لونه. قلت بقلق: "مين البنت دي؟" فضل ساكت. سألته تاني: "مين؟" رفع عينه ليا ببطء... وقال الجملة اللي غيرت كل اللي كنت أعرفه: "دي... أختي." اتجمدت. همست: "بس... إنت قلت قبل كده إنك ابن وحيد." نزل بعينه للأرض. وقال بصوت مكسور لأول مرة: "لأن أختي... اختفت وهي عندها خمس سنين." ثم رفع الصورة مرة تانية... وأضاف: "والراجل اللي خطفها يومها..." "كان شريف." ينبع الفصل السابع عشر فضلت أبص لعبدالرحمن... مش قادرة أصدق. "أختك؟" هز رأسه ببطء. كانت أول مرة أشوف الدموع في عينه. قال: "كان عندها خمس سنين." "وكانت متعلقة بيا بشكل يخنق." "كل يوم كنت أوصلها المدرسة قبل ما أروح الجامعة." ابتسم ابتسامة حزينة. "كانت كل ما تشوفني... تجري عليا وهي تقولي: عبدالرحمن... متتأخرش النهارده." سكت. وكأن الذكرى كانت بتوجعه أكتر من الرصاصة. "وفي يوم... روحت أجيبها من المدرسة." بلع ريقه. "ملقتهاش." أنا همست: "اتخطفت؟" أغمض عينه. "قدام باب المدرسة." "ولا كاميرا سجلت حاجة." "ولا حد عرف يوصل للخاطف." سألته: "وشريف؟" فتح درج الكومودينو جنب السرير. طلع صورة قديمة. فيها هو وهو شاب صغير. وجنبه شريف. وبينهم طفلة جميلة لابسة فستان أصفر. قال: "بعدها بسنة... عرفت إن شريف كان بيدير شبكة بتخطف الأطفال." شهقت. "ليه؟" "كان بيبيعهم لعائلات بره البلد بأسماء جديدة." حسيت بقشعريرة سرت في جسمي. "لكن ماقدرتش أثبت حاجة." "كل شاهد كان يختفي." "وكل دليل كان بيتحرق." رفع الصورة. ولمس وش البنت بإصبعه. وقال بصوت مكسور: "ومن يومها... وأنا بدور عليها." ... في نفس اللحظة... الضابط دخل الأوضة. كان ماسك تقرير. وقال: "لقينا حاجة في عربية سامر." عبدالرحمن انتبه فورًا. "إيه هي؟" حط الضابط ظرف بلاستيك على السرير. كان جواه... سلسلة فضة. أول ما عبدالرحمن شافها... شهق. ومسكها بسرعة. إيده كانت بتترعش. قلت باستغراب: "إيه دي؟" رد بصوت مخنوق: "كانت في رقبة أختي." أنا اتصدمت. "يعني..." "يعني سامر كان يعرف مكانها." الضابط قال: "مش بس كده." "لقينا مع السلسلة ورقة." فتحها. كان مكتوب فيها بخط واضح: (اللي بتدور عليها... عايشة.) ساد صمت طويل. أنا بصيت لعبدالرحمن. كان لأول مرة من سنين... في عينه أمل. لكن تحت الجملة... كان في سطر تاني. قرأه الضابط بصوت عالي: (ولو عايز تشوفها... هات الدفتر بنفسك.) عبدالرحمن ابتسم ابتسامة غريبة. الضابط استغرب. "إنت بتبتسم؟" قال بهدوء: "لأن شريف غلط." "إزاي؟" "لأنه لأول مرة... أكد إنها لسه عايشة." ثم بصلي. وقال: "يبقى الحرب الحقيقية... هتبدأ دلوقتي." ... بعد ساعات... رجعنا الفيلا. دخلت أوضتي علشان أجيب هدوم أروح بيها المستشفى تاني. وأنا بفتح الدولاب... لقيت حاجة وقعت على الأرض. علبة خشب صغيرة. أنا عمري ما شوفتها قبل كده. فتحتها. كان جواها... خاتم دهب بسيط. وفيه حرف (م) محفور من الداخل. وتحته ورقة مطوية. فتحتها. ولقيت مكتوب بخط أعرفه كويس... خط كريم. "لو إنتِ بتقري الرسالة دي... يبقى شريف سبقني. فيه سر ماقدرتش أقولهولك طول السنين اللي فاتت. السر ده موجود في بيت أبوكي القديم... تحت أول بلاطة قدام أوضة النوم." وقعت الرسالة من إيدي. قلبي بدأ يدق بعنف. أنا... من يوم وفاة أبويا... البيت القديم مقفول. وماحدش دخله من سنين. وفي اللحظة دي دخل عبدالرحمن. أول ما شاف الرسالة في إيدي... خطفها بسرعة. قرأها. ثم رفع عينه ناحيتي وقال بحسم: "هنسافر دلوقتي." سألته بقلق: "ليه؟" رد وهو بيتجه ناحية الباب: "لأن لو كريم كتب الرسالة دي قبل ما يختفي..." "يبقى اللي مستخبي في بيت أبوكي..." "هو الدليل اللي شريف بيدور عليه من سبع سنين." الفصل الثامن عشر خرجنا من الفيلا قبل الفجر بساعة. عبدالرحمن كان لسه تعبان من العملية. الجرح في كتفه واضح إنه بيوجعه. قلت وأنا ببصله: "إنت لسه خارج من المستشفى... مينفعش تتحرك." ابتسم وهو بيشغل العربية. وقال: "لو اتأخرنا... هيكونوا سبقونا." ليان كانت نايمة في الكرسي الخلفي. والحاجة فاطمة أصرت تيجي معانا. قالت وهي ماسكة المصحف: "أنا مش هسيبكم لوحدكم." ... بعد ساعة ونص... وقفنا قدام بيت أبويا. البيت كان قديم. مقفول من سنين. والتراب مغطي كل حاجة. أول ما دخلت... ريحة المكان رجعتني لسنين فاتت. افتكرت أبويا وهو قاعد على الكنبة. وأمي وهي بتنادي علينا علشان الغدا. حسيت بغصة. لكن عبدالرحمن قطع شرودي. وقال: "الرسالة قالت تحت أول بلاطة قدام أوضة النوم." جبنا عتلة صغيرة من العربية. وبدأنا نرفع البلاطة. بعد كام دقيقة... البلاطة اتحركت. كان تحتها صندوق معدني صغير. عليه صدأ. وشكله قديم جدًا. عبدالرحمن شاله بحذر. وقال: "واضح إنه مدفون من سنين." فتحناه. كان جواه... دفتر صغير. وصورة. وشريط كاسيت قديم. استغربت. "كاسيت؟" ابتسم عبدالرحمن. "زمان... قبل الفلاشات." الصورة كانت لأبويا. واقف مع راجل ماعرفوش. لكن... الحاجة فاطمة أول ما شافت الصورة... شهقت. وقالت: "ده..." "ده والد شريف." كلنا بصينا لها. قالت وهي بتحاول تفتكر: "كان شريك والد عبدالرحمن من زمان." عبدالرحمن أخد الصورة. وبدأ يقلبها. وراها تاريخ. من أكتر من خمسة وعشرين سنة. وتوقيع... "أمانة لحد ما تظهر الحقيقة." ... طلعنا الكاسيت. لكن ماكانش عندنا جهاز يشغله. الضابط اتصل بواحد من المعمل الجنائي. وبعد أقل من ساعة... جابوا جهاز قديم. حطينا الكاسيت. ضغطنا تشغيل. في الأول... كان فيه تشويش. وبعدين... طلع صوت راجل. أول ما سمعته... عرفته. كان صوت أبويا. قال: "لو التسجيل ده اشتغل... يبقى أنا غالبًا مش موجود." دموعي نزلت. سمعت صوته بعد كل السنين دي. أبويا كمل: "أنا سجلت الكلام ده علشان بنتي مريم... لو كبرت في يوم وسألت عن الحقيقة." عبدالرحمن بصلي. وأنا كنت ببكي من غير صوت. التسجيل كمل: "أنا اشتغلت محاسب عند عيلة كبيرة سنين طويلة." "وفي يوم... اكتشفت إن في أطفال بيختفوا... وأوراق بتتزور... وفلوس بتتغسل." "ولما هددت إني أبلغ..." "طلبوا مني أسكت." "ولما رفضت..." "بدأوا يهددوا أسرتي." الحاجة فاطمة غطت وشها بإيديها. عبدالرحمن كان مركز بكل حواسه. لكن الجملة اللي بعدها... خلت كلنا نتجمد. قال أبويا: "أنا خبيت نسخة من كل المستندات... وسلمتها لشخص واحد بس." توقف التسجيل لحظة. ثم قال: "لو مريم وصلت للكلام ده... روحي لعبدالرحمن." أنا بصيت لعبدالرحمن بذهول. هو كمان كان مصدوم. همست: "إزاي أبويا يعرفك؟" رد وهو لسه مش مستوعب: "والله... عمري ما قابلت والدك." لكن التسجيل لسه ماخلصش. آخر جملة فيه كانت: "يا عبدالرحمن... لو بتسمعني دلوقتي... يبقى أنت نفذت وعدك ووصلت لمريم... بس خلي بالك... الخاين الحقيقي عمره ما كان شريف..." وفجأة... التسجيل وقف. الشريط اتقطع. ساد صمت ثقيل. ولا حد فينا قدر ينطق. لأن معنى الجملة كان واحد... كل السنين اللي فاتت... وإحنا بنجري ورا الشخص الغلط. وفي نفس اللحظة... رن هاتف عبدالرحمن. نظر إلى الشاشة... وتغير لون وجهه. رفعت عيني أسأله: "مين؟" رد بصوت خافت: "المكالمة جاية من رقم... كريم." مع إن الشرطة... أكدت إنه مختفٍ من أيام. الفصل التاسع عشر عبدالرحمن فضل باصص لشاشة الموبايل ثواني. الاسم قدامه... كريم. أنا همست: "رد." الضابط قرب بسرعة. وقال: "افتح السماعة... وسجل المكالمة." عبدالرحمن ضغط زر الرد. فضل ساكت. لحد ما جه صوت كريم. كان صوته مرهق... وكأنه بيجري. قال: "ما تقاطعنيش." عبدالرحمن قال ببرود: "إنت فين؟" رد بسرعة: "لو عايز تعرف... اقفل الخط." "أنا مش بهزر." الضابط أشار لعبدالرحمن يكمله في الكلام علشان يحددوا مكانه. كريم قال: "اسمع يا عبدالرحمن..." "أنا مش مع شريف." عبدالرحمن ضحك بسخرية. "بعد كل اللي عملته؟" "أنا غلطت... أيوه." "لكن دلوقتي..." "أنا اللي بيجروا ورايا." أنا قربت من التليفون. وقلت: "كريم." سكت ثواني. أول ما سمع صوتي... اتنهد. وقال: "إزيك يا مريم." كان أول مرة من سنين... أسمع صوته من غير غرور. قلت بحدة: "إنت عايز إيه؟" رد: "أنقذوا ليان." حضنت بنتي غريزيًا. "ابعد عنها." قال بسرعة: "اسمعيني." "أنا السبب في اللي حصل." "لكن ليان..." "هي مش الهدف." عبدالرحمن قال: "أمال مين؟" رد كريم: "إنت." سكت لحظة. ثم قال: "شريف مش بيدور على الدفتر." عبدالرحمن عقد حاجبيه. "أمال بيدور على إيه؟" جاء الرد... "بيدور على الشخص اللي معاه المفتاح." أنا افتكرت المفتاح الذهبي اللي وصل للمستشفى. بصيت لعبدالرحمن. هو كمان افتكره. كريم كمل: "المفتاح مش بيفتح خزنة." "بيفتح غرفة." عبدالرحمن سأل: "غرفة فين؟" لكن فجأة... سمعنا صوت فرامل عربية من ناحية كريم. وبعدين صريخ. وكريم قال بسرعة: "لقوني..." "اسمع..." "الغرفة تحت..." وفجأة... طلقات نار. وبعدين... الخط اتقطع. ... الضابط بص لعبدالرحمن. "قدرنا نحدد مكانه." "فين؟" "المكالمة جاية من المنطقة الصناعية القديمة." عبدالرحمن قام من مكانه فورًا. رغم جرحه. قلت وأنا بمسك دراعه: "إنت رايح فين؟" رد: "لو كريم لسه عايش..." "يبقى عنده آخر جزء من الحقيقة." ... بعد أقل من أربعين دقيقة... وصلنا للمكان. مصنع قديم. مقفول من سنين. أبوابه مكسورة. والتراب مالي الأرض. الشرطة انتشرت. عبدالرحمن دخل أول واحد. وأنا رفضت أفضل في العربية. دخلت وراه. المكان كان هادي بشكل مخيف. لحد ما... سمعنا صوت أنين. جرينا ناحية الصوت. لقينا كريم. واقع على الأرض. مصاب في بطنه. والدم حواليه. أول ما شاف عبدالرحمن... ابتسم ابتسامة ضعيفة. وقال: "اتأخرت..." عبدالرحمن نزل على ركبته. "مين عمل فيك كده؟" رد بصعوبة: "شريف..." "عرف إني هتكلم." أنا وقفت بعيد. مش عارفة أكرهه... ولا أشفق عليه. كريم بصلي. ولأول مرة... قال: "أنا ظلمتك." دموعي نزلت من غير ما أحس. قال: "سامحيني..." "أنا ضيعت عمري ورا الطمع." سكت وهو بيحاول يتنفس. ثم مد إيده المرتعشة ناحية عبدالرحمن. كان ماسك ورقة صغيرة. قال: "دي..." "آخر حاجة." عبدالرحمن أخدها بسرعة. كانت مجرد أرقام... وإحداثيات. وفي آخرها كلمة واحدة. "السرداب." قبل ما عبدالرحمن يسأله... كريم همس: "أختك..." كلنا اتشدينا. "مالها؟" رد وهو بيبتسم ابتسامة باهتة: "لسه..." "عايشة." ثم أغمض عينيه. حاول المسعفون إنعاشه. مرة... واتنين... لكن من غير استجابة. وقف الطبيب بعد دقائق. وقال بهدوء: "البقاء لله." ساد صمت ثقيل. عبدالرحمن فضل باصص في الورقة اللي سابها كريم. ثم رفع عينه ناحيتي. وقال: "عرفت السرداب فين." سألته بسرعة: "فين؟" رد وهو يضغط على الورقة بقوة: "تحت أول مستشفى اشتغلنا فيها..." المستشفى... اللي كانت بداية كل الحكاية. الفصل العشرون فضلت ببص لكريم... الدكتور غطى وشه بالملاية البيضاء. مهما كان عمل... في اللحظة دي انتهت حكايته. لكن... بدأت حكاية أكبر بكتير. عبدالرحمن كان ماسك الورقة بقوة. الإحداثيات مكتوبة بخط إيد كريم. والكلمة الأخيرة... "السرداب." الضابط أخد الورقة. وبعد ما راجع الإحداثيات على جهازه... رفع راسه وقال: "الإحداثيات دي فعلًا بتوصل للمستشفى القديمة." عبدالرحمن قال بحسم: "هنتحرك حالًا." اعترض الضابط. "لازم نستنى تصريح النيابة." رد عبدالرحمن: "لو استنينا..." "شريف هيكون سبقنا." ... بعد ساعتين... وصلت النيابة بنفسها. وأُخذت الموافقات اللازمة. تحركت قوة كبيرة معانا. ولأول مرة... دخلت المستشفى اللي عبدالرحمن كان بيحكي عنها. المكان كان مهجور من سنين. الإزاز مكسور. والطرقات مليانة تراب. كل خطوة كنا بنمشيها... كان صداها يرجع يخوفنا. عبدالرحمن وقف قدام أوضة العمليات القديمة. قال بهدوء: "هنا بدأت كل حاجة." بعدين مشى ناحية المخزن الخلفي. وقف قدام دولاب حديد ضخم. وبص للأرض. قال: "شيلوه." أربع عساكر زقوا الدولاب بصعوبة. وتحته... ظهر باب حديد صغير. الضابط قال بدهشة: "إحنا فتشنا المكان قبل كده." عبدالرحمن ابتسم ابتسامة مريرة. "ماحدش كان يعرف إنه موجود." المفتاح الذهبي... دخل في القفل. لفه مرة. اتنين. ثلاثة. وسمعنا صوت تكة قوية. الباب اتفتح ببطء. ونزل قدامنا سلم طويل... غارق في الضلمة. ... نزلنا بحذر. كل واحد ماسك كشاف. السرداب كان أوسع مما توقعنا. أوض صغيرة. مكاتب. ودواليب حديد. كأن المكان كان مستخدم لسنين. في آخر الممر... كان فيه باب خشب. عبدالرحمن فتحه. واتجمد مكانه. قلت بقلق: "في إيه؟" دخلت وراه... ولما بصيت... حسيت إن نفسي اتقطع. الأوضة كلها... مليانة ملفات. كل ملف عليه اسم. وصورة. وتاريخ. مئات الملفات. أطفال. ورجال. وستات. ضحايا. الضابط قال وهو مصدوم: "يا نهار أبيض..." عبدالرحمن بدأ يقلب الملفات بسرعة. وفجأة... وقف عند ملف واحد. كان مكتوب عليه: رقية عبدالحميد إيده بدأت ترتعش. فتح الملف. جواه صورة. طفلة بفستان أصفر... نفس الصورة اللي كانت معاه. لكن... في آخر الملف... كانت فيه صورة حديثة. لسيدة في أوائل الثلاثينات. ملامحها... هي نفس ملامح الطفلة. عبدالرحمن همس: "رقية..." دموعه نزلت لأول مرة قدامي. لكن قبل ما حد يستوعب... سمعنا صوت تصفيق. كلنا لفينا. كان في راجل واقف عند باب السرداب. لابس بدلة سوداء أنيقة. وشعره كله أبيض. وبيبتسم بهدوء. وفي إيده... عصاية سوداء برأس فضي. نفس العصاية... اللي شفتها أول مرة وأنا بدور على شغل. عرفته فورًا. هو... الراجل اللي رشحني للعمل عند الحاجة فاطمة. ابتسم وقال: "أخيرًا وصلتوا." عبدالرحمن بصله بصدمة. وقال بصوت مخنوق: "عم جلال؟" الراجل ضحك ضحكة هادئة. ثم خلع النظارة من على عينيه وقال: "للأسف يا عبدالرحمن..." "عم جلال..." "كان مجرد اسم." ساد صمت ثقيل. ثم قال وهو ينظر إلينا واحدًا واحدًا: "أنا الشخص اللي أبو مريم كان بيحاول يهرب منه." "وأنا الشخص..." "اللي ربّى شريف." "والحقيقة اللي بتدوروا عليها من عشرين سنة..." "بدأت بيا." وفي اللحظة دي... أدركت أن شريف... لم يكن العقل المدبر. كان مجرد تلميذ. أما الرجل الواقف أمامنا... فهو صاحب اللعبة من بدايتها. الفصل الحادي والعشرون فضلنا واقفين... ولا حد فينا نطق. حتى رجال الشرطة كانوا رافعين سلا\حهم... لكن محدش ضغط الزناد. الراجل ابتسم بهدوء... وكأنه داخل بيته. حط العصاية قدامه. وقال: "بعد كل التعب ده... أخيرًا قابلنا بعض." عبدالرحمن كان أول واحد اتكلم. قال بصوت مليان غضب: "اسمك الحقيقي إيه؟" ابتسم الراجل. وقال: "فؤاد." "فؤاد عزام." "أما جلال..." "فكان مجرد اسم استلفته." الضابط رفع سلا\حه. وقال: "إنت مقبوض عليك." فؤاد ضحك. ضحكة هادية... لكن مستفزة. وقال: "بتهمة إيه؟" الضابط رد بسرعة: "خطف... وقت\ل... وتزوير." هز فؤاد رأسه. "هات دليل." سكت الجميع. لأن الحقيقة... رغم كل الملفات... لسه ماكانش فيه دليل مباشر عليه. فؤاد بص لعبدالرحمن. وقال: "لسه زي زمان." "مندفع." "فاكر إن الحقيقة بتكسب." عبدالرحمن قرب منه خطوة. "رقية فين؟" ابتسم. "كبرت." "وبقت ست جميلة." صرخت فيه: "هي عايشة؟!" لف يبصلي لأول مرة. وقال: "كلهم عاشوا." استغربت. "كلهم؟" أشار ناحية الملفات. "أنا ماكنتش بخطف الأطفال علشان أقت\لهم." "أنا كنت باختارهم." عبدالرحمن صرخ: "بتختارهم ليه؟!" رد بمنتهى البرود: "علشان أصنع ناس..." "ملهاش ماضي." "وتبقى مدينة ليا بكل حاجة." القشعريرة سرت في جسمي. الضابط قال بغضب: "إنت مريض." ابتسم فؤاد. "لا." "أنا واقعي." ثم بص لعبدالرحمن. "أختك دلوقتي..." "ما تعرفش إن اسمها رقية." "ولا تعرف إن ليها أخ." عبدالرحمن اندفع ناحيته. لكن رجال الشرطة مسكوه. صرخ بكل قوته: "هي فين؟!" فؤاد ابتسم. "لو قلتلك..." "هتروح تجيبها؟" "ولا هتسيب مريم وبنتها؟" ساد الصمت. ثم أكمل: "لأن اللعبة دلوقتي..." "بقت اختيار." "يا أختك..." "يا مريم." أنا بصيت لعبدالرحمن. أول مرة أشوفه محتار بالشكل ده. فؤاد مد إيده في جيبه ببطء. كل رجال الشرطة وجهوا السلا\ح عليه. لكن... طلع ظرف أبيض. ورماه على الأرض. وقال: "فيه عنوان." "هتلاقوا فيه رقية." "لو وصلتوا قبل الساعة اتناشر." ثم ابتسم ابتسامة غامضة. وأضاف: "لكن في نفس الوقت..." "في حد تاني رايح الفيلا." قلبي اتقبض. "ليان!" عبدالرحمن لف يبصلي. وأنا فهمت من نظراته إنه بيفكر في نفس الحاجة. لو رحنا ننقذ رقية... هنسيب ليان. ولو رجعنا نحمي ليان... يمكن نخسر رقية للأبد. وقبل ما حد ياخد قرار... دوّى انفجار قوي في أعلى السرداب. الأتربة بدأت تنهار من السقف. وأحد الضباط صرخ: "المخرج بيقع!" أما فؤاد... فاستغل الفوضى. واختفى داخل ممر جانبي مظلم... كأنه كان حافظ المكان خطوة بخطوة. الفصل الأخير الانفجار هز السرداب كله. التراب نزل من السقف. وأصوات الحديد كانت بتصرخ حوالينا. الضابط صاح: "اخرجوا... المكان هيقع!" لكن عبدالرحمن كان باصص للممر اللي هرب فيه فؤاد. أسنانه كانت مطبقة من الغضب. قلت وأنا بمسك إيده: "مش أهم من ليان." بصلي. وفي ثانية واحدة... خد قراره. قال للضابط: "فريق يطارد فؤاد." "وفريق يرجع معايا الفيلا." ... طول الطريق... ولا واحد فينا اتكلم. قلبي كان هيقف. كل دقيقة كنت حاسة إنها سنة. أول ما وصلنا الفيلا... الباب الخارجي كان مكسور. جريت وأنا بصرخ: "ليان!" دخلت أوضة بنتي... ملقتهاش. وقعت على الأرض. حسيت الدنيا بتلف بيا. عبدالرحمن فضل يدور في كل الأوض. وفجأة... سمعنا صوت بكاء. جاي من أوضة الحاجة فاطمة. فتح الباب بسرعة. لقينا الحاجة فاطمة قاعدة على الأرض... وحاضنة ليان. أول ما شفت بنتي... حضنتها بكل قوتي. فضلت أبوسها وأعيط. الحاجة فاطمة قالت وهي بتتنفس بصعوبة: "كانوا دخلوا..." "لكننا هربنا الأوضة دي وقفلتها." "والشرطة وصلت قبل ما يوصلوا للبنت." حضنت الحاجة فاطمة. وقلت: "ربنا نجانا." ... في نفس اللحظة... جهاز اللاسلكي بتاع الضابط اشتغل. وجاله خبر. بص لعبدالرحمن. وقال: "لقيناه." "مين؟" "فؤاد." عبدالرحمن شد نفسه. "حي؟" هز الضابط رأسه. "محاصر." ... رحنا للمكان. كان مخزن قديم على أطراف المدينة. رجال الشرطة حاصروا كل المداخل. فؤاد كان واقف فوق السطح. بيبص علينا. ولأول مرة... ابتسامته اختفت. عبدالرحمن صرخ: "خلصت." رد فؤاد بهدوء: "لا." "أنا اللي خلصت." وبعدين... رمى العصاية من إيده. ورفع إيديه. وسلم نفسه. من غير مقاومة. كلنا استغربنا. لكن الحقيقة ظهرت بعدها بدقائق. الملفات اللي لقيناها في السرداب... كانت كفاية. فيها تسجيلات. وأسماء. وحسابات. وصور. وكل الجرائم موثقة. ولأول مرة... القانون كان معاه دليل كامل. ... بعد أيام... بدأ القبض على كل أفراد الشبكة. شريف اتقبض عليه وهو بيحاول يهرب. واعترف بكل حاجة. واعترف إن فؤاد هو اللي خطط. وهو كان مجرد منفذ. أما الأطفال اللي اتخطفوا... بدأت الدولة تدور عليهم واحد واحد. وكانت أصعب لحظة... لما وصلت نتيجة البحث عن رقية. ... عبدالرحمن دخل المكتب. الضابط كان واقف. قدامه ملف. قال بهدوء: "لقيناها." عبدالرحمن وقف مكانه. "فين؟" "كانت عايشة باسم تاني." "ومتبنية من أسرة محترمة." "وما تعرفش أي حاجة عن الماضي." ... بعد أسبوع... وقف عبدالرحمن قدام بيت بسيط. الباب اتفتح. خرجت ست في أوائل الثلاثينات. أول ما شافها... دموعه نزلت. كانت نفس العينين. ونفس الابتسامة. قال بصوت مرتعش: "رقية." هي استغربت. "حضرتك مين؟" طلع الصورة القديمة. الصورة اللي فيها طفل صغير ماسك إيد أخته. فضلت تبص للصورة. وبعدين بصتله. دموعها بدأت تنزل هي كمان. قالت بهمس: "أنا..." "كنت بشوف الصورة دي في أحلامي." عبدالرحمن حضنها. ولأول مرة بعد عشرين سنة... رجعت أخته. ... بعد ست شهور. كانت الشمس داخلة من شباك الفيلا. ليان بتجري في الجنينة. ورقية قاعدة مع الحاجة فاطمة بتضحك. أما أنا... فكنت واقفة في المطبخ. عبدالرحمن دخل. وقف جنبي. وقال بابتسامة: "خلاص... انتهى كل شيء." ابتسمت. وقلت: "لا." "ابتدى." استغرب. لفيت ناحيته. وحطيت إيده على بطني. همس: "مريم..." ابتسمت ودموعي نازلة. وقلت: "الدكتور أكد النهارده." فضل يبصلي ثواني. وبعدين حضني. وهو بيضحك لأول مرة من قلبه. ... بعد سنة كاملة... كان البيت مليان ناس. ليان بتجري وهي شايلة أختها الصغيرة. ورقية بقت جزء من العيلة. الحاجة فاطمة رجع الضحك لوشها. وفؤاد وشريف... صدر ضدهم حكم بالسجن المؤبد بعد محاكمة طويلة، وانتهت الشبكة بالكامل. أما أنا... فوقفت في جنينة البيت، وبصيت لعبدالرحمن. افتكرت أول يوم دخلت فيه الفيلا... وأنا مجرد أم مطلقة، خايفة على بنتها، بتدور على شغل. ماكنتش أعرف... إن الباب اللي دخلته يومها... هيكون بداية حياة جديدة. عبدالرحمن قرب مني. مسك إيدي. وقال: "أوعي تنسي..." "أحيانًا ربنا بيقفل باب... علشان يفتح باب أكبر بكتير." ابتسمت. وبصيت لليان وهي بتضحك. وقلت من قلبي: "الحمد لله." تمت بحمد الله.

مقالات ذات صلة

حكايه مهران وزينب

سكرتيره ولكن

حماتي

خطه زوجي واختي

انتريه جديد

حكايتي مع صهيب

اترك تعليقاً إلغاء الرد